Black and white melt into grey
_واش راكي تقصدي علاش جبناه ماشي نتي بغيتي تجربي الخدمة بنفسك
دايما يطلعوني انا الغالطة فالهدرة و ماما ناظت مبلاصتها تشوف فيا بنفس ملامحو متوقعوش هاد السؤال و انا متوقعتش اجابتهم اصلا
كاينة حاجة راهم مخبيينها عليا هداك المجرم ظحك فوجهي كي لقاني زي الاطرش فالزفةمش دارية بحاجة الشي لعصبني كثر
_شكون هذا بابا😠 شعندو معاك علاش يمثلك تهديد واش عندو ضدك علاش كتسمع سيرتو وجهك ينقلب و علاش جبتو لوبيتال
_يا بنتي ماشي قلتيلي بنفسك نعطيك فرصة اهو جبتهالك لعند رجليك هذا مجرم مطالب دوليا انا اول واحد قدرت نحكمو بسيف راح يحقد عليا و مانيش خايف على روحي قد ماني خايف عليك وعلى العايلة كاملة
_بصح واش كان يدير فلوبيتال تاع دراري هاد تاع اعمال خيرية و لا حبس بنفهم؟ بصح..
قبل ما نكمل قاطعتني ماما
_ نيرفانا خلاص مراكيش تشوفي فحالت باباك كراهي ماشي وقتو
بابا قرب عندي وحط يديه لزوج على وجهي
_ الشي هدا ميهمش مانيش مظطر نشرحلك خدمتي بالظبط مازلتي صغيرة المهم دوك انو راكي مليحة ومعملك هداك البسيكوبات حاجة الحمدالله.
زيرت على يدي و سكت زعما راح نسكت؟ اوفكورس نن يلا محبوش يخبروني راح نجيبها مور ايدن نفسو وهو يخبرني مراحش نقبل نقعد معلقة فالتساؤلات.
طلعت لبيتي بمجرد انو دخلت رسمت ابتسامة عريضة على وجهي قدام ليلى لقيتها جبدت لباربي تاوعي وقت كنت صغيرة ايه ايه مازلت مستحفظة بيهم🙄
ليلى: نيناااا جيتي ايا نلعبو عروسة
_ ههه صحا شكون العروسة؟
_نتي و انا نماكيييلك
اكثر حاجة تبغيها هاد البنت فالدنيا هي هاد اللعبة وجهي المسكين راح ظحية نحيت حوايجي ولبست تريكو شورت قصير بيتي دونك نلبس بحرية . المهم قعد تماكيلي ميتة بالسعادة ههه شحال تخبل ظحكتها 😍 نعمل كلش على جال هاد الضحكة ليلى بنت جابوها مالميتم مشخصة بمرض السرطان بصراحة قريت الطب على جالها و معندها من غيري حتى حد تقريبا.
ليلى: راح نكملك و تكوني اجمل طبيبة بالعالم بصح خصنا عريس !....اوه لقيثها راح نزوجولك هاداك الطبيب الشباب تاع الصباح
_شكون دا تقصدي بسام😶!
_ ننن منحبوووووش رعد شباب عليه تزوجي رعد بلييز بلييييز بليييز 🥺🥺 قعدت نشوف فيها مخلوعة بنت فعمرها شا تعرف فالزواج وشكون هذا رعد تاني؟
_شكون رعد؟
_ لتلاقيتو الصباح و هذاك الراجل قرص عليه كيما الفيمات و خوفني
_رعد!!!!! من وين لوين راني سامعة بهاد الاسم رعد زدت فكرت مليح مليح كاين حاجة راهي فلو فراسي يتسما هدا هو اسمو الحقيقي اول خيط حكمتو عليه وبفضل مين بنت فعمرها ست سنين هه اه يا رعد ايه مليح من راهي حاسباتو طبيب الحقيقة كبيرة بزاف على تخمامها البريء
و نتي نينا راكي تهدري على اساس نتي راكي عارفة كلش بصح الحمدالله برك لمعملها والو هدا هو المهم دوك.
كملتلي ماكياجي و طلقنا الغنا shake it off tylor swift
زعما زعما عرس ههههه رقصنا حتى شبعنا فوق السرير والله هاد البنت تنسيك همك حتى طحنا راقدين مالعيا رقدت فحظني و انا فطنت قعدت نشوف فالبلافون طار النعاس و بقيت قاعدة فراسي بنادم واحد قلبت شفاهي الرخيييص يا خوفي يعرف بسام و يلحقو 😥
بصح الشعور لراه مخوفني علاه راني حاساتو مألوف وعلاء راني نتفكر فديك اللقطة يخليك تحسي برجولتو غصب عليك عندو هيبة و كحط شفافو على تاوعي حسيت بشعور مألوف لمسة مألوفة و...نيناااا واش راكي تقولي😳 اووف اوووف الله يديه غمضي عينيك ورقدي
#ايهم_يحكي:
كنا داخلين انا ورعد للفيلا حبسنا كشفنا المدام بيانكا شادة كتاب حداها فنجال قهوة قاعدة فالجاغدان قدام المسبح طلعت راسها وشافت فرعد فزوج جمدنا هو حط يدو المصاوبة وراه باش متشوفش الدم الحمدالله كنا فليل
_ رعد ! وين كنت؟وايهم نتا تاني
_ اه..ام..ا
سمعنا صوت جاي ملورانا و عرفتها ديراكت مالمشية ياو تقودت علينا 😑 ستيلا جات فايتة رمات كرطابها فلرض و راحت تجري لبيانكا بصح ماشي قبل ما تشوف دراع ايدن فالطريق 🤦♂️فالاول تشوف ملامح الدهشة عليها منبعد تبسمت بخبث و شافت فيه
Oh shitt here we go again
رعد عطاها نظرة تخوف بصح ولا شعرة زغدت منها
ستيلا: علاش وجهك راه صفر💩
رعد: علاش لسانك راه طويل
بيانكا: تسكتو فزوج و نتي حبيبتي وين كنتي فهاد الوقت🤨
_اه كنت راجعة من عند صحبتي و الشوفوغ هو لوصلني متخافيش بصح هاد العمود لراه واقف قدامك علاش متحاسبيهش
رعد: علاش متروحيش تعملي حاجة تاع فايدة راكي زيادة فوق لرض
خرجتلو لسانها اول مخلوق ميعرفش لخوف منو بسرعة دمرتو قدامي قبل ما تزيد بيانكا تستفسر بصك هاد البنت راح جيب اخرتنا
_ رعد لبيتك يله عندي هدرة معاك على الخدمة
هز راسو و طلع
بيانكا: تعشيتو
انا: مغسي مدام ماناش جيعانين
دارلي بهمس شكون قالك هدر باسمي راني مسلق بالجوع
شفت فيه وقلبت عينيا قسمن بالله نحلف غريان راه واقف قدامي ايه امشي برك
وصلنا للبيت نحى تريكوه كتفو كانت مدرجة بالدم الجرح زاد رجع اسوء ملي كان!
_شكون صاوبك
_واحد مالمافيا اسمو فادي _واش بيك قليل وين كنت تغلط فخدمتك
_معليش حقيقة اني عرفت كلش حتى نقطة ضعف جلال هدا يبان والو.
جبد علبة الاسعافات و انا راكز على الحيط جامع يديا نشوف فيه خرج منها سكين صغير ومقص و صوالح التعقيم جبد الرصاصة لا مخدر ولاهم يحزنون انا توجعت فبلاصتو😣وجهو كالعادة بارد من أي شعور ألم واش عملو فيك اصاحبي
رايكم فالشخصيات الجديدة؟
