للحاظر دوك :
قاعدة تتمشى ورا المشرفة العامة و تشوف فالوراق تاع الرابور فيدها
_قلتيلي هادة حكموه يخون فبونكا و يبدو عندو انفصام لمريض يخون بانكا 😒 ؟
_محكموهش فرعها سرقها قتل عيباد وجمع قعد يقارع لابوليس توصل تماك باش تحكمو هذا ماشي مريض غي قوليلي😑؟
_ مخبوط فراسو هدا علاش مداش الدراهم و هرب؟
_هذا الشي لراح تعرفيه نتي
تنهدت و شافت مالتاقة لفاتت عليها فالكولواغ ..عدد هايل مالحراس عمرها ما شافتهم ناس لابسين نواغ نصهم بالوشام نصهم مسلح هادو شكون؟ ربعة منهم كانو فالمقدمة يهدرو معا رجالهم مش ممكن باباها يكون تفاهم معاهم ؟ يخوفو مسلحين و بالوشام مش ممكن تاني يكونو معا الدولة .كي سقسات قالولها معلومات سرية علاش كامل هاد الحراسة على بنادم واحد واش بيكون هدا غول ؟.
فاقت على صوت المشرفة
_ نينا ...سمعتي واش قلت ؟؟؟
_اه..واه
تنهدت المدام أروى: نينا ركزي معايا هادي راح تكون تجربة مهمة ليك وفيها دونجي كبير لراح تقابليه مور الباب هو أخطر مجرم حكمناه الان. ركزي مليح و متخليش ابدا وجهو و لا مظهر تاعو يخدعك و متقربيش عندو كثر من ميترا راني حدرتك
_اوكي متخافيش اروى
_لازم نخاف لاازم نتي متعرفيش واش راح تقابلي و دوك راح يدخلو معاك زوج حراس تحسبا لاي حاجة طارءة نشاله برك ميصرا والو
نينا تبسمت: شوقتيني بهدرتك هههه نحب التحديات
أروى عطاتها نظرة تحدير: نينااا 😾
_اوكي خلاص منقربش ميترا و منخدعش بتبسيمتو و بلابلا
و كاش حاجة تاني نسيتها ميعضتش مثلا؟
_تمسخري كيما حبيتي راني درت لي عليا العواقب راح تكون كبيرة تحملي مسؤوليتك ....و هاكي هادي
هبطت عينيها التحت
_واش هادي؟
_لبرة مخدر قتلك للحالة الطارئة يلا عمل اي حركة متقارعيش باش تعرفي ستخدميها ديراكت هذا مخدر قوي بزاف مكاش بنادم دارو و قدر يوقف على رجليه 24 ساعة. تبسمت حطت اللبرة فجيبها و مشات للباب معا كل خطوة قلبها يتسارع راح تشوف شكون هاد البنادم لراه زارع الرعب فيهم لهاد الدرجة.
دات نفس عميق و حلت الباب كلش بيض حيطان بيضين فيها طابلة عليها أدوات و دوا و صوالح و فوسط البيت كرسي كانو مثبثين عليه واحد بحبيلة مربطينو من يديه كل يد مربطة معا جيهة مجوايه الكورسي باحكام دخل يحي معاها مسلح معا صاحبو تخلوع😲 عينيه راحو لدك البنادم جامد فبلاصتو يشوف بالفراغ. تقدمت خطاوي و وقفت قدامو عينيها نتحلو 180 درجة . لا ماشي معقول!!! راهم يلعبو عليها كاميرا كاشي؟
_ ايدن ؟! لا جواب
عاودت عيطتلو لا حياة لمن تنادي تقدم يحي و شاف فيه مليح
_ راكي sure هدا راه حي ..جابونا صباح ربي باش نعسو دالحيوان واش هاد التمسخير
نينا: يحي معليش تسكت
يحي(همس لصاحبو) :هههه باينة عدبوه زيادة عن اللزوم.
نينا: عدبووه؟؟؟؟؟واش راك تقول نتا ؟
شافت فايدن كانو على جسمو جروح نصها مفتوح جديد بصح يادوب تبان مالوشم. وجهو عليه شوية زروقة بصح يقعد دايما يخبل رجوليتو دايما طاغية حتى ولو كان بهاد الحالة! اخخ واش عملو فيه؟ متخيلتش ابدا السلطات أو الحكومة تخدم خدايمها مالتحت لتحت شكون المسؤول على هاذ الشي لازم تعرف !. اسكو باباها علابالو من وينتا رجع القانون يآذي الناس!!!.
