I'm ready to forgive you, but forgetting is a harder fight
♠♠
نخلو الظباط و الزعماء فحالهم و نجو لواحد مالاحياء الشيك فوحد الفيلا محاوطها سياج و حراس و كلاب حراسة. حبس طونوبيل نحى لينات نواغ من عينيه و حل الخدام عليه الباب الكبير كانت هي قاعدة فالبالكون تاع بيتها تقرا فكتاب حاطة شال على شعرها.
الحرير كان مخبي تحت داك الشال بصح متحبش الخدم رجال لي فالفيلا يشوفوها رغم انو هو مايمانعش او مهتم اصلا للموضوع. قاعدة تخمم فأول نهار دخلت فيه عروسة لهاد الفيلا اول نهار تعرفت بيه كان يوم اسود بصح تنعل هاد القلب لحبو الله غالب لونا البنت اسم على مسمى نجمة ساطعة و نقية شكون كان يقول تتمرد على والديها و تتزوج بيه رغم انف الكل و دوك رغم كلش دارو و راه يديرو تحبو مقدرتش تهرب منو! اصلا وين تروح ؟ وهو يحبها بطريقتو رغم انها قاسية كاين عباد فالدنيا ميعرفوش يحبو و يآذو الشخص ليحبوه مش بوعيهم بصح مش ساهلة عليها دعات ربي انو يعطيها الصبر رغم انو مسكنها فجنة بصح توجوغ حاجة ناقصة فحياتهم راهي متزوجة بأشهر محامي فالبلاد الكل يحوسو يتعرفو بيهم يشوفوهم طبقة عليا مصالح عيشة الرفاهية كلش واجد بصح الظاهر ماشي كيما المخبى.
_مدام لونا !...مداام ..؟؟؟ فاقت فمتخمامها و شافت الخدامة واقفة عند الباب
الخدامة: سامحيني مدام كمسمعتش الرد قلت ندخل
تبسمت بكل طيبة قلب و هزت كتافها
_ معليش امل قوليلي واش كاين ؟
_ مسيو شهاب جا راه التحت و سقسا عليك
_اني هابطة
شهاب قاعد على راس الطابلة الطوييييلة مقابلة زداج ليبين البيسين طلع راسو و تبسم كهبطت ناظ مبلاصتو و سلم على يدها كجا يسلم على شفاها حبساتو كحطت يدها على صدرو
_ شهاب! واش راك دير؟
_ _ واش راني ندير ؟ داري و مرتي و انا حر شكون يسالني
_ايه بصح ماشي هنا قدام الخدم
_ بففف نفس السيرة كل يوم راني متزوج إمام انا ؟ و واش هاد الشال لراه على راسك ماشي قتلك نحيه .
_ انا متحجبة منقدرش نحيه قدامهم
شاف فرجالو الزوج واقفين فالبدلة النواغ و معاهم الخدامة قاعدة تتبسم على الكوبل 😍 شار براسو خرجو و بقاو وحدهم.
_فطرت؟ ول..قبل ما تكمل هدرتها هجم على شفاها لسقا فالحيط وراها و نحا الشال منفوق شعرها باش يطيح فوق كتافها 😻
كخلصت روحا منو تنهدت باستسلام
_ شهاااب متتبدلش نتا خلاااص
_خلاص فطرت بأحلى حاجة ستبنيها فحياتي
وجها نعصر و حمار و خظار و حطت راسها عاود طلعو بيدو : مفهمتش هاد الحشمة لمراهيش حابة تروح ؟ رانا فثلث سنين متزوجين كفاش مازلتي تحشمي ؟
_ مش غردي😔
راح قعد فوق الفوتاي و نحى الكرافاط قعدت مقابلاتو
_وين كنت كالبارح فليل؟ اه؟ مشفتكش كامل تعشيت وحدي! وين راك طروح هاد الليالي واش هدا الشغل؟؟
_ كون غي قعدتي حشمانة😒
_ حبيت نعرف و بس
_ اجتماع شغل
_اجتماع ؟
_ ايه تلاقيت بصاحبي كان لقاء مستعجل مش شغلك باش تعرفي
عضت شفاها :شكون لبنتو اسمها نينا؟
_ ايه
_كيراهي
_ و نتي وين تعرفيها ورجعتو رفقة بهاد السرعة ؟
_تلاقينا قبل مدة فعشا مين عرضونا فواحد من لقائاتك العمليةشدت عملية*😒..البنت تدخل فالقلب
هز حاجب و قعد يشوف فيها منبعد تكلم و هو طالع للفوق
_قتلك مش شغلك باش تتعرفي عليهم .
واش بيه هذا مراحش تاكلهم ولا ياكلوها علاش هاد التحفظ كامل ؟ من واش مراهش حابها تتعرف عليهم ؟.
دخل لبيتو وهي وراه مزالت تلعب بالكتاب فيدها بتوتر خايفة تقولو ويردها كيما كل مرة نحى الشوميز و رمى روحو فوق السرير وشارلها باش تجلس حداه دارت واش قالها و قعدت عندو تشوف فيه بعينين القطة
_ شهاب
قعد يلعب بشعرها بسكات
_ مم؟
_ حبيت نفكرك بالموضوع لوعدتني نحكو فيه
_ واش من موضوع
_هكدا نسيت بسرعة ! موضوع شغلي مقريتش جامعة باش نقعد بين ربع حيطان علابالك جاوني فرص شغل هايلين وانا ...قطعلها الهدرة
_ اوووففف دايما نفس الموضوع قتلك حكينا فيه و كملنا راكي مرتي مرت شهاب جسار كراكي باغية تخدمي و نتي حاملة اسمي؟ واش كي حابة الناس يقولو عليا ؟؟؟؟ مش نتي مدينة و عندك مبادئ و داك الخرطي علاش مترتبيش فبلاصتك خير مالخلطة برا ؟ و لا هدا ماشي داخل فالدين
_ حجابي ميعنيش اني نحرم روحي مالعيشة راك محسسني اني بدون فايدة مديورة لحاجاتك نتا
_ وهدا هو الصح 😏
_ وااش ؟؟؟؟ _مراكش حابني نخرج وحدي علاش؟؟؟ خايفني نهرب مثلا ؟
عينيه ظلامو و شدها من دراعها بقوة صر على سنانو بغل حاولت تبعد لانو وجعها بصح مقدرتش تنحيلو يدو
_هاد الكلمة متعاوديهاش😡 نتي متقدريش تهربي مني اصلا😠 و دوك غلقي عليا ر# هاد السيجي منزيدتس نسمع بهاد الهدرة
دورت وجها باش تخرج مقدرتش تزيد تستحمل رجع سحبها ليه من نفس البلاصة لوجعها فيها و حكم وجها بيدو
_ مدوريش وجهك مين نكون نهدر معاك يلا ماكيش حاباتو يديفورما اوكي حبي ؟
سكتت كعرفت انو شحال من مرة طبق تهديدو و باتت تبكي مالوجيعة كل جيهة زرقة كاين بلايص لمزال زرقين لحد اليوم عظت شافتها و هزت راسها بصمت كشفها حطت رأسها بعد شعرها و حط فمو على رقبتها
_ هكدا نبغيك كي متزعفينيش تعرفيني نبغيك بزاف ياك ؟ متزعفيش مني بصكو نبغيك كثر ملي يقدر يتخيل عقلك الصغير حتى ولو ظربتك.
حبت تنشع روحا منو بصح تفكرت اخر مرة عملتها واش صرا جمدت فبلاصتها و خلاتو يستعمر الجسد تاعها ولي هو للاسف من حقو الشرعي .
👫
واش رايكم فالكوبل الجديد 😊
