خرجت من القاعة بعد مدة مين تأكدت انو الكولواغ خاوي و رجعت للبيت لكانو مقيديني فيها جسمي مزال يوجع فيا مالتعديب تاع الكلاب باش يهدروني الحاجة لظحك انو غرفة التعديب لداوني ليها ديراكت مجودة تحت هاد اللوبيتال * الغرفة الحمراء..وهوما كالحمير داوني لمركزهم ديراكت كسلمت روحي. ايه كلش كلش تحت لرض كيما لفع 🐍 قاعدين يعملو عمايلهم مالتحت لتحت و بنت اسكندر مسكينة جاية بكل براءة و رغبة باش تخدم حاسبة راهي تساعد فالعدالة يا فيقي العدالة واش راهي عاملة تحتك😏 كنت مقيد فكرسي قدامي بسام و اسكندر عملو كل لطلع بيدهم بصح حاجة وحدة منفعتش ههه كنت مجهز لهاد النوع مالتعديب يعني راهم يحلبو فحلاب مثقوب هكا يقولو؟ و كيمقدروش رسلوني عندها علاش منعرت مخافش عليها مني؟ هادي تاني منعرت!؟بصح لتعصبني انو كامل داك التعديب جامي والفت هداك الوجع مهما تعرضتلو وااه واه قولوها نستاهل لانو انا سلمت روحي. لكن بالمقابل عرفت البنيان تاع لوبيتال عرفت نقطة الظعف تاعهم عرفت المركز السيستام تاعهم كلش كللش راه فراسي مسجل اه ويي..وسرقت مفاتيح طونوبيل تاع بسام كي كان لاهي يضرب فيا مأمن انو منقدرش عليه😂 و الاهم من دشي كامل ديت حاجة كنت باغي نديها دا زمان بيزو من عند حبيبة قلبو😚
دوك لازم نفحت منا (نهرب j ss مفهمتوهاش )
مكاش لراح يفكر انو راح نولي للبيت الاولى و راح كامل يروحو للمخرج حطيت راسي تحت و هبطت كاسكات تاعو داك البغل لكان دايرها و مشيت السكين مازالت فيدي متحصيش يبانلي كاش وحداخر باغي نعاودولو الطهارة 😂.
_ اووف وين راحو علاش مجاتش نينا
صوت بنت صغيرة فالكولاواغ وقفت تشوف براسها فكل جيهة كشافتني سكتت كانت بيضة و عينيها زرقين بلون السما و رافدة دب صغير شعرها هابط على كتافها رغم جمالها كان باين عليها المرض نظن هادي وحدة مالدراري المرضى لجابوهوم مالميثم لهنا مالمرضى ليي اسكندر راه يمثل على الناس بيهم😒. هبطت على ركبة وحدة السكين معمر دم فيدي خبيتها ورا ظهري كي تبسمتلها تبسمتلي😊 سنة كاينة و سنة مكاش قعدت تشوف فالوشام على يدي حطت يدها على الجروح لمازال ما حبسش نزيفو
_راه يوجعك😓
_تعودت
_شكون نتا😮😇
_نتي اللولة
_انا ليلى😄🙌
_ونتا عمو ؟
_واحد راح يخلصك من معاناتك
زادت تبسمت: نتا تاني طبيب😮
_ايه😁
.
_نتا صديق نينا
_ايه -كثموك😍
_رعد
_يوو مليح نتا شباب على بثام
ههههه مقدرتش نمنع ظحكة هربتلي و بصراحة كانت هي اول بنادم نخبرو باسمي
_عمو طبيب تقدر تشفيني😇
_ ايه فدقايق
طلعت يدي لحاملة السكين بشوية حتى حسيت حاجة سخونة هبطت معا دراعي دم ! البنت عيطت منصوت السلاح 💥برعب و خزنت وجها فصدري درت ورايا شفت شكون هذا لجرأ يصاوبني اليوم sure راح ندي راس كاش واحد تدكار لانو صبري بدا يخلاص .
شفت واحد لابس تريكو عليه كتبة صفرا رافد سلاحو فوجهي وعلى دراعو وشام عرفتوا ديراكتمون مالوشم شكون واحد مالمافيا لطلب اسكندر الحماية منهم كان واقف التحت صباح شارلي بسلاحو
_ بعد على البنت
_نتا تاني جماعة اسكندر ؟
_راني نبالك واحد من دوك الحمير ليخدمو عندو😒
تبسمت و قمت مبلاصتي شاد دراعي المصاوبة عندو الحق متبانش عليه واحد منهم
_متشرفين..كيما راك التشوف راني شوية مقلق حتى نهار وحداخر ونتعرفو مليح
معا آخر كلمة قلتها حطيت رجل فالتاقة لورايا و صوطيت قبل ما يلحقني بما انو مدرب على الباركور (لمتعرفش هاد السبور تحوس عليه رياضة القفز من البنايات و السطوح العالينlol)ملقيتش صعوبة باش نهبط لرض على رجليه ركبت فالطونوبيل تاع *بسام و قلعت مكاش لشك فيا بما انو الزداج نواغ ميبينش و خرجت بكل بساطة مالباب الكبير😎 وينما لقيت ايهم صاحبي يقارع بالموتو و هكدا خرجت كالشعرة مالعجين
نينا_تحكي
بعدما فقت مالصدمة تاعي رحت نجري فالكولواغ قلبي حسيتو يذوب مالخوف ليلى😨كون عمل فيها حاجة راهي صغيرة و متعرفش و مكاش لعمل حسابو يهرب هادي الغلطة تاعي و مراحش نسامح روحي يلا صراتلها حاجة لقيت دم على الباب تاع غرفة العمليات عل يساري شديت قلبي و دخلت شفت حاجة عقلي مقدرش يحللها غمظت عينيا😵 يحي! حطيت يدي على فمي مالشوك وخرجت بسرعة عيطت لسيكيريتي زدت مشيت و انا مازلت دايخة مالمنظر اخيرا شفت ليلى حداها واحد رافد سلاح قاعد يهدي فيها وهي تبكي كي شافتني جات تجري عندي و رمات روحا فحظني عنقتها بقوة اخيرا رجعتلي الروح راهي بخير وقف داك الطفل و شارلي براسو
_ نيرفانا اسكندر ؟
_ ايه و حظرتك؟
_فادي
_اه نتا واحد ملي يخدمو معا بابا شفتك التحت قبل ساعة
حك شعرو بنفاد صبر و شاف فيا: انا ماشي م رجال باباك
_ اه حسبتك منهم..كطلع دراعو لشعرو شفت وشم عقرب طلعت حاجب
_ مالا نتا شكون؟
_مش مهم المهم دوك دي هاد البنت منا هي و لخرين الوضع مراهش يطمن
قعدت شحال و انا نشوف فيه مش مهم ياك😒بابا واش راه يدير معا هادو شكون هوما و علاش هاد السرية واش عندو علاقة بهاد الناس ماشي باينة عليهم م البوليس
_ و ايدن !؟
_كسر العادات خلا الباب و هرب مالتاقة😧
_ شكرا لسلكتها مراحش ننساهالك سمحلي دوك ندي ليلى رفدتها و هبطت جا بسام يجري عنقني بقوة
_نينا راكي مليحة معملك والو هداك المجرم !
واش نقولو سلم عليا 🙈 عضيت شافتي وزيرت يدي
_وين كنت هدا وين راك تبان؟
_اا.. كنت معا الامن التحت مقدرناش نحكموه خليك مني وحط يدو على جرح الصغير لفخدي مسح القطرة تاع الدم بصبعو
_هو عملك دالشي ال****!
_جرح سطحي مش مهم المهم دوك ندو ليلى منا راهي مرعوبة..
_اوكي
_مقتليش بابا وين راه
سكت شوية وقعد يشوف فيها كأنو يظبر فحجة
_كان عندو شغل😅
_حتى و انا قريب نموت الشغل ديما الاول😏
قبل ما نجو رايحين شاف بسام في فادي لكان واقف معا واحد صاحبو لي شاف فينا بنظرة تخوف شكرو على مساعدتو فادي ملامح وجهو تزيرو وشار براسو مقال والو. . الشمس هبطت و صار لازم عليا نظبر بلاصة اخرى ل ليلى مراحش نخليها هنا و نرقد هانية بما انو هي مالايتام دونك بغيت نديها للدار و بسام اصر يوصلني لانو المكان مش امن كهبطنا حط يديه فجيبو عقد حواجبو
_مفاتيحي مراهمش فجيبي😶 حوس فالبارك الطونوبيل مكاش الدم سقط من وجهو سرقولو الطونوبيل عيط للحراس قالولو شفناك خرجت بيها قبل نص ساعة قعد يعيط عليهم
_يالحمييييير سرقلي الطونوبيل 😠 هداك ماشي انا كيفاه متأكدتوش و شفتو شكون ليسوق
_مسيو بسام نتا كنت تتعصب كنحبوسك و نشوفو هويتك دونك مكاش لجرأ يحبسك😳
بعد ساعتين عياط و الامن قالب المنطقة مالتحواس رجعنا للدار انا وليلى بسام كان كي ديك الهجالة لسرقولها راجلها ايدن ! وشكون من غيرو مكنتش عارفة توصل بيه حيلتو لهاد الخطة. كي دخلنا راحت تجري لبيتي تلعب بباربي تاعي كي كنت صغيرة واه وااه مازلت مستحفظة بيها 😑😒 دوك عندي هدرة معا بابا طلعت للبيرو تاعو لقيتو يهدر فالتيليفون بعصبية قريب يكسر التيليفون فيدو ماما مقابلاتو
_ كييييفااااش هرب! تجبدوه من تحت لرض و تحكموووه فهمتووو😠 غدوا نعقدو اجتماع لازم و الا راح بصرا لراني خايف منو ! رغم اني رسلتها ! راح تكمل حياتي كون يحب يكملها بالشي لراه حاكمو عليا
مش من عادتي نستغرق السمع بصح سكت كي شفتو يهدر كلام طالع نازل واش راح يصرا؟شكون رسل ؟ يقصد ايدن ؟ واش شاف علاش راه يمثلو تهديد ! و طااخ الفاز لحدايا طاح 😑 ظربتو بمرفقي بلاما نعبا شافو فيا عينيهم وساعو كمل الهدرة معا لكان فالتيليفون قالو منبعد نتلاقو فعشا لقتلك عليه
_نيرفانااا بنتي الحمدالله لراكي بخير واش عمل فيك داك المتوحش جاو عندي بعني هدا وين بانتلهم مانيش مليحة حتى السيد هرب و كمل و وصل لآخر الدنيا😞
_ اني مليحة بابا
_هو عمل هدا الجرح فوجهك كفاش هرب كنا مقيدينو
السؤال دوك مش كهرب السؤال علاش جابوهلي
واش تتوقعو lol
