So what if you can see the darkest side of me ? No one will ever change the animal i have become
..threedaysgrace
القتلة_لا_يحبون
عينها قعدو معلقين بالبرة💉 لراها فيدو و دخلها فرقبتها وهي تتخبط دقايق رجعت تشوف فلو بعد عليها ملقاتش علا واش تركز كحست بالرض تلعب بيها وطاحت فلرض حست رجليها و راسها رجعو يوزنو طن! خرجو شهقات من فمها كعرفت انها حطت روحا فحظن الموت قعدت تسحب فالجسد تاعها معا لرض حتى وصلت للباب و هو يتمشى بخطاوي هاديييييين وراها حاط يدو على فمو و يضحك ظربت الباب تاع الزجاج بيدها بصح الظربة كان عبارة عن صوت خاااافت كالهمس ضوتها يا حسرااه ميبانش معا صوت الموسيقى لتصم الادان .تشوف بعينيها الناس برا ترقص و تظحك وهي تضرب بكل قوتها و مكاش لجابها فيها . حست بحاجة طعنتها فالجنب و سائل سخون احمر قاتم عمر لرض و حوايجها طلعت رأسها صابتو رافد مقص شفاها يرجفو بخوف قاومت باش تزيد تهرب بصح كانت تعجل فموتها لانو معا كل حركة الجرح يزيد ينزف علاش مسمعتش كلام البنت لتعرفت عليها واش كان اسمها نينا! خمي وفاء خمي ! التيليفون راه فجيبها و اخر نيميرو راه فلاليست تاعها هو تاع نينا لي البارح داتو منها .حاولت تمد يدها لجيبها بصح مافيش فايدة يدها رجعت ثقيلة و الجيب واحد رجع يبان ربعة .
_راكي تحوسي على هذا ؟ ؟ طلع التيليفون بيدو و قعد يشالي بيه فالسما
_ ت..يليفو...ن..نينا...سا..عدو..ني و طاحو دموعها على خدها باستسلام جنبها مزال ينزف بحرقة
_ باغية تعيطي لنينة؟ وحدة ملي كانو معاك ؟شكون فيهم نينا؟؟ سكتت خوف على البنت
_ منعاودتش سؤالي مرتين
شافتو تعصب زاد ماتت بالخوف و عصرت عينيها
_ تعيش متضربتيش تعييش متعملي والو تعيييش😣🥺
_قوليلي كراح نديرو دوك لانو بديت نتعصب🤔 شوية....حكم شعرها فيدو و رفعها باش تشوف فيه
_ شفتي واش عملتي عصبتيني و ظرب راسها على الحيط بقوة
_ جاوبي منعاودتش سؤالي مرتييييين😠😠
حطت يدها على راسها الظربة قريب عملتلها شلل كلي و زادت فالبكا.
_ ل..كانت معانا 😢😢
_ ام العيون الخضر و لا الشعر اللحمر ؟
عضت شافتها شافتو طلع المقص فيدو تكلمت بسرعة
_ لعينيها خظريييين 😣😢
تبسم و ربت على شعرها: شطورة!
شافها تشهق و حاطة يدها على الجرح هز راسو
_ الله غالب جيتي فوقت الغير مناسب
المقص كان يتقاطر بالدم فوجها رفعو ليه و لحسو بلسانو
_باااعق مقرف!!! دمك مرهوج بففف
_ن..تا...واحد..م..مهبول
_ مزال مشفتي والو راح نوريلك الهبال
جرها مرجلها وهي تحاول بضعف تتمسك بأي حاجة فالطريق ظفارها خرطو لرض من كثرية ما حاولت تتشبث بصح منبعد حست عينيها ينغلقو لا إراديا كل حاسة فيها تتخدر و اخيرا كلش ضلام .
نينا حست بالملل حطت تيليفونها بعدما عيطت لرفيقتها فالسكن و لقاتو مغلق باينة راهي دايرة رايها فالحفلة و قايساتو فساكها .خرجت تتنشق شوية هوا حطت فاست خفيفة و خرجت للكولواغ كان خاوي باينة كامل راهم تماك زادت هبطت للساحة التحت ماشافتش مليح فالظلمة و تخبط بواحد قبل ما طيح حكمها استعادت اتزانها و بعدت عليه صدرو حجرة دالمخلوق
_ بففف شوف قدامك يالحيط
الظربة كانت عن جد توجع طلعت راسها و شافت مليح قدامها فمها رجع هاك 'o' . قبل ما تستوعب لقات روحا لاسقة فالحيط وراها شاف فعينيها بتدقيق تام ! معلبالهاش شحا قعد يشوف فيهم حتى حست بالفاست هبطت شوية وبان شوية مصدرها تحت الشوميز كحاولت تبعدو.. عينيه بعدها بلحظات هبطو للتحت بصح شاف حاجة طلع حاجب و عوج شافتو على جيهة
