وَخُلِقَ الإِنْسَانُ ضَعِيفًا

خطوات مزخرفة

أثر حذيفة:

[قال: [وقال طارق بن شهاب: قيل لـ حذيفة: أتركت بنو إسرائيل دينها في يوم؟ قال: لا، ولكنهم كانوا إذا أمروا بشيء تركوه، وإذا نهوا عن شيء ركبوه، حتى انسلخوا من دينهم كما ينسلخ الرجل من قميصه

الموضوع مش بييجي فجأة... لا علي المستوي الفردي ولا المستوي الجمعي.

ربنا أمرنا ب ايه؟

"يا أيها الذين آمنوا لا تتبعوا خطوات ومن يتبع خطوات الشيطان فإنه يأمر بالفحشاء والمنكر"

واخدين بالكم؟ ربنا قال خطوات الشيطان في حين كان ممكن يقول لا تتبعوا الشيطان. الشيطان مش هيروح يحارب كافر أو حد الدين مش في دماغه, ما هما كده كده في غفله و ضايعين, لكن هيروح ل اللي لسه مش ضامنه و مضمهوش للمجموعة. الشيطان عشان يدخلك و انت ملتزم لازم خطة و الأهم ان الخطة تمشي علي الهادي... هو وراه حاجة؟

أصل الشيطان مش هيجيلك و انت محجبة يقولك يلا شيلي الحجاب! لا ده هياخدك بالراحة... ما تيجي نحط مكياج خفيف أوي مايبانش, نتفرج علي البلوجرز و الموديلز و نشوف مين راح فين و صورهم عامله ازاي عايزين نبان حلوين كده و عايزين حياة زي حياتهم, زهقتك في عيشتك و ستايلك شويه؟ طيب نبدأ فقرة التلاكيك: طيب ما الجو حر و اللبس الواسع مش مساعدك علي الحركة و تلزيق أو شكله مش حلو عليكي, شايفه البنات لابسين لبس حلو ازاي و مريحهم, طيب ما نلبس حاجة ضيقة شويه هيكون شكلنا أحلي و تفاصيل جسمنا باينه, نزود المكياج بقااا! و بعدين فين الاكسسوارات؟ فين الزينة اللي هتكمل الطقم و تخليه شيك؟ احنا في مصيف خليك فريش الجو حر بعدين ما ناس كتير لابسه تربون ايه المشكلة؟ و ايه يعني اما بونيه البحر يقع و انتي بتعومي و شعرك يبان, كفرنا يعني؟! هو ده حجاب ده اللي انتي لابساه ما تقلعيه أحسن أو شايفه شعرك حلو ازاي حتي لو مش حلو احنا هنحليه و بعدين ده شكلك بشعرك أحلي كتير و مع المكياج و الاكسسوارات و الطقم شكلك تحفه تاخدي 10/10 و نجمه... و بعد كل ده مش هتكوني راضية عن شكلك و هتكوني خسرتي المعركة دي و هيجي وقت تندمي و يا ترجعي و تحاولي تاني يا تضيعي كل حاجة!

هيكرهك في الطاعة جزء جزء لحد ماتبطلها خالص.

بردو مش هييجي يقولك يلا نشرب مخدرات و انت ولد مؤدب و في حالك... لو مصاحب ناس كويسة هيوقع بينكم بشك و ظنون سيئة و غيره عشان يبعدك عن اللي هيفوقك, بعدين انت لازم تعمل صحاب, شوف كده الشلة دي... بس دي شلة مش كويسة, هو انت لاقي حد أهو عشان ماتبقاش لوحدك و خلاص, شويه شويه و هتبدأ تقول الألفاظ اللي بيقولوها شويه و تاخد علي طبعهم و تاخد من طبعهم, شويه ما تجرب سيجارة مش هتعملك حاجة, مابقتش قادر تعيش من غير سجائر خلاص؟ يلا نروح المكان الفلاني ننبسط, شوف بقا الصنف ده؟ و ايه البنات الحلوة دي, لا ده احنا نصاحب بقااا, بدأت تتعود علي العك ده؟ ايه خلاص أدمنت؟ بتقول ايه كمان وقعت في زنا؟! مات بجرعة زيادة؟ طيب بالسلامة انت بقاا, اللي بعده