رأيكم فى الجزء الجديد أحبائي
______________________________
بعد مرور ١٦ عام
صباحًا
فيلا الشافعي..
حيث كان يصدح فى المكان أصوات كثيرة متداخلة فى بعضها كما لو أنها أصوات لأشخاص يتشاجرون ، ولكن مهلًا أعزائي هذه ليست مشاجرة بل مجرد إختلاف فى وجهات النظر الذي تبدو مريبة للبعض ولكن مع هذه العائلة بالطبع يختلف كل ماهو عادي للجميع ، صدح صوت أيان المتذمر وهو يهتف قائلًا:
"يعنى ايه يا عيلة واكلة مال اليتيم انتو أخبى طبق جاتوه فى درج المطبخ أصحى ملقهوش؟؟ هو احنا بقينا نسرق بعض عينى عينك كدا يا ولاد الشافعي!!"
شهقت أجوان بصدمة وهى تهتف ببلاهة:
"يا ضنايا يابني، حصل إمتى الكلام دا؟؟"
هتف أيان بدراما وتأثر:
"حصل النهارده ياختى ، لا وكمان خدى المفاجأة دي"
صمتت أجوان بترقب ، بينما هتفت روما بتذمر:
"هو دا وقت حماس يا أيان ياخويا ماتنجز يا جدع ورانا مشاغل"
نظر لها أيان بتذمر وهو يهتف بحسرة:
"تخيلوا بقالى نُص ساعة مأكلتش وعشمى كله كان فى طبق الجاتوه اللي اتسرق مني يالى منكم لله"
شهِق سند بصدمة وهو يهتف بتهكم:
"يا ضنايا يابنى بقالك نص ساعة كاملة مأكلتش؟؟"
هتف أيان بحسرة:
"ااه يا سند والله لدرجة إني مصدوم إني مأكلتش طول المدة دي"
ربت سند على كتف أيان وهو يهتف بسخرية:
"معلش يا ضنايا تعيش وتاخد غيرها"
هتف أيان بحزن:
"دا أنا مليش نفس أكل ، اااه بس لو أعرف مين اللي سرقني يا عيلة حرامية ونشالين"
نظر له الجميع بتذمر ، بينما نظر له محمد بغضب، ليهتف أيان ببلاهة وتراجع:
"معلش يا كبير عندي أنا دي، أنا قصدي كلهم حرامية ونشالين إلا أنت وباقى عمامي وخالي يا غالي، أصلي مش لسه هسمى بالإسم يعني مفيش وقت"
هتفت ليان بتذمر:
"ايه يا عم الأفورة دي كلها؟؟ كل دا على طبق جاتوه يا معفن؟؟"
هتفت لينا بسخرية وإستنكار:
"يعنى أنتِ متعرفيش إن أيان بيحب الأكل أكتر ما بيحبنا أصلًا!!"
غمز لها أيان بمشاكسة وهو يهتف بمرح:
"الله الوكيل ما بحب حد غيرك يا بنت زين"
أنت تقرأ
عِشق منذُ الصِغر"بداية لعنِة المافيا" الجُزء الثانى
Mystery / Thrillerإنهُم قوة لبعضهُم لبعض ، هُم ليسُ مُجرد أفراد عائلة يسكنون معًا في مكانًا وأحدًا؛ بَل هُم أكثر مِن ذلِك بالنسبة لبعضهُم ، إنهُم سَند وقوة لبعضهُم رغم ما يظهرون مِن برود وسُخرية لبعضهُم لبعض،ولَكِن تجرأ على لمس فرد مِنهُم وقتها إستعِد لترى جحيم الما...
