Love Ride (LOVE TRILOGY #1)

✮ LOVE RIDE 05 ✮

٩꒰｡•‿•｡꒱۶
Drino Wang

Kinabukasan, agad akong nagising, baka kasi mga gan'ong oras pumapasok 'yong si kuyang naka-white.

Wala rin namang mang-iinis sa 'kin kaya good mood ako. Bigla tuloy akong napangiti, pero biglang bumagsak labi ko nang naalala nangyari kagabi.

Grabe, woy. Muntik na akong mamatay. Tho, kahit maliit ang chance, puwede naman ding humantong doon. Who knows.

Paglabas ko, nandoon na si mama na nagluluto na. Napaikot naman siya nang napansin ako at napangisi.

"Buti naman maaga kang nagising ngayon, sweetie."

Inirapan ko na lang siya at agad na naupo sa hapag-kainan.

Simula nang nadestino si papa sa ibang lugar, ganito na ang lagay sa bahay. Actually, my papa used to be the one who cooks for me the most when I was in high school. Salitan sila.

Noon, nahirapan akong mag-adjust dahil naaalala ko si papa 'pag pinaghahanda ako ni Mama. That time, I'm happy na nasanay na ako at dahil doon, mas na-appreciate ko si Mama.

"Saan ka galing kahapon, 'nak?" mayamaya'y tanong, hindi nakatingin, habang inilalapag ang sinangag na kanin and the usual breakfast we have: scrambled egg and hotdog.

Ang bilis talaga niyang mag-change ng character. From sweetie na nang-aasar to 'nak na concern.

"Wala, Ma. Kumain lang sa labas," sabi ko nang hindi nakatingin, nagsasandok na ng kanin. Nilagyan naman niya ng ulam 'yong plate ko.

"Kasama si?" Napatigil ako sa pagsubo.

"Ano'ng kasama si, Ma? Ako lang," inosente kong tanong.

"Nakita ka raw ni Bryle kagabi sa labas ng gate natin nang may kasama, sweetie."

"Huwag mong paniwalaan 'yong anak mo na 'yon, Ma." Hindi ko na nagawang iangat ulit 'yong kutsara papunta sa bunganga ko.

"Wushu, sweetie."

Pabigla kong tinusok 'yong hotdog. "Ma, ayokong mainis umagang-umaga."

Napatawa na lang siya saka kumain na rin.

Sasapakin ko talaga 'yong kapatid kong gago na 'yon.

Woy, wait nga lang. Ba't ganito ako mag-react? Nagsabay lang naman kami, 'yon lang. Kaya ba't ganito ako mag-react? Gaga ka ba, Celine?

"Nga pala, Ma," sabi ko, itinigil muna ang pagsubo. "Niyayaya ako ni Kate this friday. Ewan ko kung saan, she didn't tell me."

"No need, anak. Nasabihan n'ya na ako. Just don't forget to text me if something happens."

Napairap na lang ako. Kahit kailan talaga, 'yong bestfriend ko na 'yon, gagawin lahat para makuha gusto n'ya. 'Di man lang talaga siya nagsabi sa 'kin.

Nagbeso kami ni mama bago ako umalis na ng bahay. Magsi-6 AM pa lang n'on. Kapag ganoong oras, mabilis lang naman ang byahe.

Mabuti naman may nakasabay rin ako sa service namin na maaga rin ang pasok noong umagang 'yon.

Tahimik akong naglakad papunta ng terminal habang nakikinig ng music. That time, inalala ko nangyari kahapon, maingat na luminga. Mahirap na.

Nadatnan kong may mahaba ng pila, tho hindi naman mabagal ang usad. Agad naman kasing napupuno, 'di tulad 'pag 9:00 A.M. - 12:00 P.M. na pahirapan talaga and that time, pa-vertical 'yong ayos ng jeep.

Binilisan ko ang paglakad nang makaabot ako sa isa! Kahit na 'di sure na maaabutan ako, hindi ako umalis ng pila.

"Kuya, puwede pa po ba ako?" tanong ko kay kuyang caller, malapit na ako sa gilid niya, sa harap ko may sumasakay pa lang.