🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#سرطان....!
بجوج بيهم فنفس المستشفى...فارقينهم جوج ممرررات...كيسر الأم ديالو كاتحارب الموت فغرفة المستعجلات الخاصة بأمراض القلب والشراييين ومشاكل التنفس...وأريناس مرات باها ولي هي فمثابة الأم ديالهااا كاتحارب الموت فغرفة المستعجلات الخاصة بالإصابات.
كل واحد وفين كايعاني وحد ماحاس بألم الثاني.... هو قدام الغرفة غادي جااااي قلبو مقبوووض عليه والدنيا دايرة بيه...وهي فاشلة على كتف الشيفووور لي مسندها عليه وضاممهااا لعندو بحنيةةة وشفقة فحال شي أخت ليه.
هاد الشيفور الحنيييين حتى هو جرب فراق الأم...خسر مو ملي كانت عندو ست سنين وعارف مزياان بخيبة هاد الشعور...شعور موجِع كايوجّع الوجع ...شعور الخوف من الخسااارة ...شعور الخوف من الفقدان...مشاعر كثيرة كاتنحاصر بين الإنكسار والفشل...وحاس بيها كثر من أي شخص ثاني...حيت مكايحس بدقتك غالي كلا ختها.
تفتح باب الغرفة على جهدووو وخرجوو الممرضات فتيحة على البيااااص كايجريييو بيهااا وسط المستشفى داكشي كان سريع بسرعة البرق ماخلاوها لا تستوعب لا تقشع شنو طاري...بفشل حاولات توقف على رجليها والشيفور مزال شاد ليها فيديهاا.
شاف فالطبيب لي تم خاررج عندهم كايجرييي وباستفهااام سولوو وملامحوو مرعوبين مافاهم والو.
" شنو كاين ادكتووور؟!'".
أريناس: مممي؟؟؟!...مال ميييي؟؟؟!...فين غادييين بيهاااا؟! علاش خرجتوها من هنا كاتجريييو بيهاااا مااالهااااا؟؟؟!شنوو و كاين.
بزربة جاوبها مقاطعها.
" تهدني ابنتي".
شاف فالولد وقال" شنو كاتجيك المريضة ااولدي ممك؟!".
حرك راسو بالنفي وهو تالف"ءء..ب بحال ..بحال مي".
الطبيب" شنو سميتك؟!"
"صااابر ادكتور...سميتي صابر.. ولكن شنو واقع؟! ياك شي باس مكاين طممننني عاافاااك".
اريناس صافي فشلات كاتجي طيح وكايشدها صااابرر مقويهااا..
"والبنت شنو كاتجيها؟!".
اريناس: ووواممممي...مممييي مرات بااااا ....علاش كاتسوووللل...( كاتجر النفس بزز غاتسخف بالخلعة) شنوو واقعععع؟؟!! واش طرات شي حاجة لممييي هضررر خلااااااص.
دموعها مشرشريييين على خدودهااا ودماغها غايحبس بالأفكار الخايبة وقلبها غايسكت بالخلعة.
" تبعيني اابنتي الله يرضي عليك بزربة ماعندناش الوقت...خاصك توقعي ليااا فشي وثائق باش يكون عندنا الحق فإجراء العملية فأسرررععع وقتتت ...ماعندناش كثر من جوج سوايع"
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
