🍷🥂خــادمـة الـقاسـي🥂🍷
بانليها مامكتااابش ليه يشرب قهوة هاد النهار....مرة تبرد مرة تخوا مرة
ينقصها سكاار مرة يتزادها سكاااار ...شافت فيه كي كايشوف فيها ببرود وهي تقوليه.
" نصاوب ليك كاس آخر أسيدي؟!".
حرك راسو يمين شمااال ببطئ ومد ليها الكاس فيدهااا...هي شداتو مستنياه يتكلم وهو نطق كايدور فبلاصتو وكايحول قدامو شوووفتووو..
كيسر: بلاااش....مابقيتش باغيهااا.......غسلتي ليا القوامج لي وصيييتك عليهم فالصباح ياك؟!.
غير سمعات سؤالو تفكرات الموضوع ..وسعات عينيها فيه كيلا خايفة من شي حاجة وبلعات ريقها مجاوباه.
أريناس[هزات راسها بالإيجااب]: ء... اااه...غسلتهم أسيدي ...ولكن.
سكتات كاتدور عينيها فجنابهااا وهو يدور شايف فيها بحاجب مرفووع وحاجب نازل.
كيسر: ولكن شنو؟!.
أريناس: واخا مالقيتش الفراااكة راني فركتهم مزيااااااان بيديا حتى ولاو كايشعلوووو قلبهم تشوف اسيدي ماغاتلقاااش فيهم شي طبعة.....ولكن قلتيليا حددديهم..[سكتات حانية راسها قدامها ورجعات بنبرة خافثة شبه خوفية كملات كلامها] وأنا ماعرفتش كيفاش نحددهم.
كيسر(قوووس حجبااانو بين عينيه ): الفرااااكة؟!!!!....شناهي هاد الفراااكة عاوتاني؟! منين كاتجيبي هاد المصطلحات الغريبة؟! وعلاش غاتفركيهم ولا تحكيييهم بيدك ماكايناااش الماكينة ديال الصااابون؟!
عللات فيه عينيهااا بشوية وهي خايفة تجيب الشوفة فشوفاتو وبدات كاتفكر فسؤالو قبل ماتجاااوبو.
اريناس: الماكينة ديال الصابووون؟! هاديك الثلاجة القصيرة لي كاتشطح؟! راه ماعرفتش نخدمهااا أسيدي داكشي علاش.
كيسر(خررج عينيه بالصدمة): الثلاجة لي كاتشطح؟!
غاتحمقو مافيهاش...من جهة برائتها ونيتها وغفلتهااا كايخليوها تبان كيوت بطريقة ماشي عادية ولا طبيعية ...ومن جهة كاتجيه مكلخة بزاااف وغبية....ومن جهة هو شخص كان كايعجبوو السكات ولا كايعجبووو صوتها كايجيه زوين ماكايكرهش يخليها غير تهضر ...كاتطلع واحد البحة من حلقها كاتشهيه يسمع لي كان من عندهااا....وعاد دوك المصطلحات كايضحكوه واخا يكون قلبو حجرة ينصاااهر.
كاتشد جمود شخصيتو وصلابة عقليتو وصرامتو وقساووتوو وشموخو وجبروووتووو وتكسرهم بهضرتهااا وتخليه يضحك بزز عليه.
قهقه بنبرة خافثة بلا مايبين سنيناتووو وحرك راسو بلا حول ولا قوة إلا بالله يمين شماال.
كيسر: سميتهااا الماكينة ديال الصاابووون....عاوديها؟!
اريناس (رفعات راسها بطاعة وتهجااات الجملة ديالو فحال شي تلميذة فالتحضيري):المااااكييينة دياااال الصااابون.
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
