خادمة القاسي

الجزء 17

🍷🥂خــادمـة الـقاسـي🥂🍷
بقا واقف فالبالكووون ساد عينيه ومكالي على حيطو بيديه كايآنسطالي حواسو من جديد....شوية بشوية وتدريجيااا حتى انفاسو رجعات طبيعية ودقات قلبو تكالمات هادية ودماغو ارتاح تباطئيااا....حس براسو تهدن وفتح عيونو كايففكر فالموضوع.... هادي اول مرة كايقدر فراسو يسيطر ويتحكم فشي شعووور قوي هزووو....سول راسو واش حيت كان شعور من مشاعر الشهوة يعني سهل السيطرة ؟! ولا كاين شي سبب ثاني؟!.

سمعها دخلات ليه بالعشاا وهو يفرغ تفكييرووو ودار لعنندهاا عريان من الفوق وكتبة الكالسو كاتبان من تحت سمطة سروال كيطمتووو اللاسقة على خصرو الرششييق...هي حدرات العين عليه باش ماتششوفش فيه عريااان وهو هز تريكوه لبسوو وداز عند البلاكار جبد لوحة وطبااششير وجلس قدام الطبلة المتوسطة البيت داير ليها اشارة باش تجلس فالكرسي لي مقااابل معاه...هزات راسها بالإيجاب فاهما عليه

وغير جلسات من مد ليها اللوحة وخلاها كاتستكشف فيها بعينيها.

قلباتهاا من التحت والفوق مطرطقة فيها عينيها ومدلية قناانفها بتعجب كاتتسائل شناهي هادي وشنو دروهاا وشنو غايدييروو بيهااا ؟ وهو كايشوف فيها مضيييق عينيه وتايلعب بالطبااشير بين صبعاان يديه.

أريناس: شغانديرو بهاد الشلخة؟!.

كيسر:راه نتي لي شلخة مكلللخة...سميييتهااا "لوحة" وهادا طباااششييير .

عاودات" لوحة...طباشير" فراسها باش تعقل عليهم وهزات راسها بالإيجاب طاعَة ونطقات بنفس العفوية مسولاه.

أريناس: اه واخا اسيدي وشنو دابا خاصني ندير؟!.

شد من عندهاا اللوحة وكتب فيها حرف " ألف " ...هي تبعات الحركة للطباشير فيديه حتى كتب الحرف بيه وهو نطق .

كيسر: غاتتعلمي تنطقي وتكتبي الحروووف الأببجدية.

أريناس(عللات العين لعينيه): الحرووف الأججبببدية؟كاتجبببد زعمااا؟.

كيسر: لاا كاتجدب كاتحييير ..(تهجاهاا ليها وهو كايبركك على الحروووف) واااا.الأ....بببب....جججج...دددد...يييية....ماشي الأجبدية.

أريناس فهمات بلي غلطات و تاني هزات راسها بالإيجاب وبلعات ريقها كاتشوف فداك الحرف المكتوب على اللوحة ...فراسها كاتقول غير السمية ديال الحروف وقااصحة فالنطق وصعيبة فالفهم مابقااا الحروووف براسهم

أريناس:واخا اسيدي .

كاتبانليه راسها خاااوي غايكون غير زايد عليهاا...سكاناها بعينيه وحاجبو الشهب طالع مقوووس ونعل الشيييطاان وحنحن مستاعد يبدا معاهاا الدرس.

كيسر: هادا حرف الألف...كايتنطق " أَلِفٌ".

أريناس(بثقة): أَلِفٌ.