🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#راحة....!
تبسم ديك الإبتسامة دالراااحة لشي شخص حاسسو باغيييك باللي فيييككك وعيوبكك كايحاول يصلحها ليكك باش تبقا فعينيه مثالي...الحب الحقيقي هو نتا تسسنند الشخص لي كاتبغيه الى الدنيا تعترات بيه وكلشي تسيف عليه.....وهو يوقف فجننبببكك ملي كلشي يتقلب ضدددك ...واللي شافها غاتضررك عليها ينببهههك ...ويرشدك للطريق الصحيح الى ملتي عليه.
ناض توضى وجااا لحداها للصالون فررش الصلاية جنبهااا وصلاو بجوج صلاة العشاااءء ....فختام صلاة النية والخشوع ديالهم...هو تمناها تبقا ديما حداه باش عمر طريقو تعواج وفينما غلط يتهداا بعونهااا وفينمااا يتيه على اتجاه الله هي تردووو ليه...وهي تمنات يبقا ديما حداهااا ...باش عمرها تجرب احساس الوحدة....!!
ناضو تعششاااو بجووج ...مامشاش فحالو بات معاها...عارفاه ماغايقربش ليها الى هي ماوافقاتش ونعسات فحضن الأمان...بين دراعو معنقاااه وهو معنقها لعندو.
وفالصباح ناضت جمعات حوايجها فالفاليزة لي شراليها ...فطرروو بجوج وبدلات حوايجها...هاد المرة لبسات جلابة أنيقة فالنواغ ماواسعة مامضيقة جابتها قوقة...دارت فولار فالبيض وصاك فالبيض وسبيبيط بلا فالكحللل ...جات كي البلارة السودبيضاوية....خرجات لعندو ومن الباب رمقها بديك الشوفة دالإعجاااب وشد على قلبو عاض على اسفل شفتيه...قهقهات بالخف وحنات راسها بحشمة.
كيسر: قلبي تقلب على قلبووو.
زادت تاني كاتضحك وفتح ليها الباب كي شي أميرة باش تركب حداه...دار لبلاصتو وحرررك السيااارة مقلعها من مكانهاااا .
ولاو فحال شي جوج مزوجين...علاقتهم متوطدة لدرجة كبيييرة من التفاهم والتوالم ...متوافقين فكلش وكأنهم تخلقو لبعضهم...!!
شدو الطريييق لمدينة والماس ....كايوقفها كل شوية باش تاكل وتشرب شي حاجة وتستاراح حيت كايسوق بزربة وخاطرها على سبة....وبعد عدة ساعات كانو فالمدينة والحال ضلام.
تعشاو تمااا فواحد الريسطورا صغيورة وكيوت وجلسو شي نص ساعة كايتجمعو ويهضرو فكلشي وهو عاطيها الخاطر ومساير معاها تبدل فطبعو ولا كايعجبو يسمعها كاتهضر وكايعجبو تاهو يهضر....خدا العشا لمرات باااهااا معاهم .
ورجعو شدو الطرييق لقرية أسلالو....!!
#ندم....!
دخللو لدوار....حط اللوطو بعيد حيت الطريق وعرة ماصالحاش...ونزل شاد لأريناس فيدييهااا وهي هازا معاها الكادو لي تقدات لمرات باها فاش تقدا ليها كيسر الحوايج....وحتى العشااا.
وصلو لقدام باب دارهم...كان الضلام غالب حيت الليل...وكان الضو خارج منو قليل...كان ضو الفتيلة ولا يمكن قنديل.
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
