#صبر...!
واخا هكاك كلامو زعزع قلبها بواحد الفرحة غريبة تملكات كل جوارحها....الى هو كان كايشوف " موافق" كلمة صحيحة من خمسة أحرف ...هي كاتشوفها باب جديد فحياتها ...طريقها الثانية فحياة ثانية نقية للرزق وراحة البال . ...كاتشوفها فرصة كبيييرة باش تغير من ذاتها و حياتها .
كلمتو البسيطة هاديك غاتعتقها من شر مرات باها والذل والقهرة لي معاها كانت عايشاها....غاتهزها من حياة العذاب لحياة الرفاهية....فعز دموعها تبسمات ابتسامة عفوية لطيفة وعيونها الحميمرين كايلمعوو ببريق كايبرهن على فرحتها ..رفعات ليه راسها بالإيجاب بشوية بمعنى " فهمت" وشافت فنجمة لي ضاحكة حتى لودنيها حيت وأخيرا قدرو يقنعوه بيها ووافق عليها...واخا هو ماغايعتارفش....راه ولدها وعارفاه مارضاش بيها حتى شافها تستاهل و كانت قد التحدي والمسؤولية..بصح ماقارياش و ماعارفاش ولكن ذكية...غير كايهضر كايلقاها بدات تحلل وتفهم وتنفذ فالسكات بلا ماتنطق وهادي عندو هو راها مزية.
حيت هادي أول حاجة كايقلب عليها كيسر فكاع الناس لي دايرين بيه قبل مايخليهم يدورو بيه.....كايرتاح لأي واحد و حاجة كانت هادية وفنفس الوقت دقتها طاغية...يعني الدق....والسكات..!!
حول نضراتو الحادة بأم عيونو الرمادية للقصرية قدامو وبلع الريق محنحن بصوتو الغلييض المبحووح قبل ماينطق.
"غانتعشا فبيتي...ماتنسايش ليا القهوة ".
علا حاجب ونزل الثاني فحالا كايتسناها تهضر وهي دورات كلامو فدماغها ..ونطقات بزربة بلا ماتشعر.
أريناس:شحال من كليع؟!....
قوس عينيه ورجع بعنكْرتو اللور مافاهمش ومو نطقات لافثة انتباهو وهي كاتوضح ليه كلام أريناس لي مافهمش عليه.
نجمة: بغات تقول اولدي شحال من طوبة؟...هوما فالبادية عندهم كايقولو كليع للطووب ديال السكر.
حيد الشوفة من مو ووقف بهدوء داير يديه فجياب كيطمتو ...داز من حداها كايتمايل بعرض فصالتو ويتمختر برزانة خطواتو وحتى فاتها عاد جاوبها.
كيسر:جوج.
كيسر .....حتى هو من النوع الهادئ...كايكره قوة الشرح والتوضيح والتبرير....كايكره يعاود هضرتو وكايكره الهضرة من أصلها.....كايهضر غير بزز والى هضر ماكايطولش كلامو وكلماتو كلها صرامة ماكايحضرش معاها الإبتسامة...مواضيعو مختصرة وجدية كاينطق غير بالمفيد الحاجات المضيعة للوقت ماكايعتارفش بيها لسانو .
عندو شوفات حادة وماضية ....فعيونو لمسة خاترة من الشرارة والخبث ...غريبة حيت شكل عينيه غريب..... حيت مقلتي ( حدقتين العين ) عينيه صغيرين بزاف ولونهم الأسود غامق....روقتيه رمادية فاتحة وشفيراتو شهبين وقنات عيونو مضيقين....حتى حجبانو صغار ومقوسين وجاوه مع الشكل دالعين....وسميتو...كانت اقتراح ميمتو كي ولداتو وشافت تمييز عويناتو ...لونهم ناذر ومميز وشوفاتو غريبة وزوينة فالوقت ذاتو.....هادشي علاش سماتو كيسر ."على طائر عيونو تقهر وشوفاتو تكسر" وفألمانيا سميتو كاتعني"الإمبراطور".
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
