#وداااع..!
عضات على سنانها حتى تطرطقو ففمهاا وعيونها من مكانهم غايخرجو بالأعصاااب..شداتها من شعرهاا وهبطات ليها راسها .
"وساع ليك الفم ولسانك طوال هاه وليتي تدوي حسن مني..ياكما تيقتي كلام الناس على زينك ووليتي خايفة على وجهك من الشمس ويديك من تمارة همم اادوي؟!".
على اثر كلامها وصراخها فاقت نجمة من صدمتها و طارت من يديها حيداتها ليها..... ضماتها لصدرهااا وزيرات عليهااا و فتيحة كاتتماطى ليهااا.
فتيحة(عينيها فأريناس ): ختي نجمة طلقيها...خليني مني ليها.
نجمة رجعات أريناس ورا ضهرها ودفعات بصدرها واقفة فطريقها....غرسات فيها النضرة الحادة وتكلمات بنفس اسلوبها العقلاني الرااقي ونبرة صوتها مسرحة ومطلوقة كاتبين مدى رقي طبقتها.
نجمة:كنا خواتات كي جمعاتنا الوقت فالخير والإحسان... ملي طلعتي قليلة النية وشرانية مانتي ختي مانا ختك.
دارت عند أريناس و تبسمات فوجههاا بهدوء
مخاطباها بنبرة حنينة و هادية
نجمة: شش ابنتي مااتبكيش الله يرضي عليك... يالله تمشي معايا.....(مسحات ليها دمعتها بإبهامها وأريناس كاتعافر باش تتنفس وهي كاتنخصص ليها بين يديهاا )..والله ما يخصك خير جنبي ...نديرك فعينيا كي شي وحدة من بناتي و نتهلا فيك وقبر مك وباك انا نبقا نجيبك تزوريهم فكل ويكاند اشنو قلتي ابنتي؟!.تمشي معايا؟.
ماكرهاتش ترفض طلبها وترد ليها خيرها فوجهها....ولكن شنو غايخليها ماتوافقش؟! مرات باها لي حسباتها مها واخا غصباتها فشبابها وحرماتها من طفولتها..ماخلاتها تقرا و تشوف و تْشُوْفْ عيشاتها فالحقرة فالخوف....كانت كاتحسبها عائلتها بعدما توفاو واليديها ودابا تاهي سمحات فيها والى زادت بقات معاها غاتقتلها كيما قالت وهي لي عارفاها ديرها.
حنات بنظرها فالأرض كاتفكر وكلام نجمة فراسها كايدور...بلعات ريقها كي لقات راسها ماقادراش تقول " لا" وكيلا دارت ليها السحووور.
رجعات هزات فيها راسها وبنضرة حنينة رمقاتها مجاوباها.
أريناس: بصح...!!
ماغاضربينيش حتى نتي وماغاتنعسينيش برا الى ماشقيتش مزيااان ياك؟!حلفي حتى تحسبيني بنتك..!!
تزلعو طراف قلب نجمة فهاد اللحضة...النبرة الحزينة باش خاطباتهاا واللمعان فعيونها من دموعها والكلمات الحنينة كي نطقاتهااا...قسمات قلبها لأشلاء مايتجمعش شملها.
شدات ليها فيديها الصغيورين كاع عامرين بالحروووق...شافت فيهم لمدة قليلة وخاطرها كايوجعهاا من منضر هاد البنيتة الصغيرة لي دوزات كاع هادلشي فصغرها....علاتهم قدامها وباستهم ليها بحنية ناطقة بمحبة.
نجمة:مانمسك غير بالخير....الشقا لي هضرتي عليه راه غير على قد الحال...فيه شوية دالتخمال والطياب ..وانا ماشي بنت الحرام نتعدا على بنات الناااس اابنتي.
غانديرك بنتي الصغيرة...حيت بناتي لي غايكونو خواتاتك كلهم كباار عليك.
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
