🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#اليوم_الموعود....!
هزات راسها بواخا ونفس الإبتسامة باقا على شنيفاتها...قلبها مفرفر بين ضلوعها والفراشات كايقفزو فكريشتها من غيرتو القتالة...هو كايهدد ويآمر ويتشرط ويتسلط وهي عاجبها نهيضضوو وحكامو وهازا ليه راسها بآذااان صااااغية مطيعة كاتسمع ليه ...جابت ليه الضحك وحرك راسو بلا حول ولا قوة إلا بالله باغي ينطق مرة اخرى حتى سمع صوت الطوموبيلات كايكلاكصونيو على برااا....سكت مغيرين ملامحو وأعصابو بداو كايطلعو ملي سمع قوة الهرج والهضرة..يعني وصلووو...!!
فهاد اللحظة تكوانسات...اللي غاتولي مرات حبيبها جات..يعني بلاصتها عمرات...!
ديك النزلة لي دارت من الطوموبيل الأخيرة فإصدارات SLm برجل كاتلمع ببيوضيتها وبلون صباغة ضفيراتها الحمر فصندالة شيك ااخر شكل فالكحل....ديك الهزة لي هزات فيها راسها وشعرها البني المسررح مطلوق على كتيفاتهااا كايلعب بيه البرد ....والهزة باش هزات عيونها البنية فيهم واحد واحد مبتاسمة وملامحها بشوشة من الشوفة تدخل للخاطر ...بديييييك الهزة تهز قلب أريناس من بلاصتو مقللع بحر الغصة لي قبطات على خيوطووو مزيراه....من اول نظرة شافت الفرق بيناتهم...الفرق فالمكانة وفالمستوى وفالطبقة الإجتماعية.... فالستايل وفالأناقة والمشية...فالموضة وفالشيك والكلاص ..!
معاها مها وباهااا ....مها من ملامحها تقدر تمزيها باللي اخت نجمة غير هي باينة كبيرة عليها شوية فالسن...شافتهم كايتبادلو السلام بحب وكايتعانقو مزولين الشوق وتجاررو داخلين للصالة المتوسطة فالفيلا....كان كيسر جالس هو اللول تما حيت ماخرجش لعندهم سلمو عليه كلهم إلا هي...ليلى....!!
خشات من أنها تكلمو وترددات تمد ليه يدها وتصافحو ...شافت فيهم لقاتهم كلهم كايشوفو فيها مستنيينها تسلم عليه وهي تبلع ريقها وبدات فجنابها كاتفتف بشوفاتها....جرات نفس الثقة وقوات ذاتها واقفة فمكانها.
أما أريناس ففمكانها بقات واقفة حانية راسها ماقادراش تهز العين من الأرض وكأن الوقت حبسات وقتها والساعة تعطبو عقاربها وتوقفو فديك اللحظة لي تمناتها تسالي خلاص حيت معذباها...!
#حلو_مر....!
تبسمات كاشفة على سنيناتها اللامعين حتى ضياقو عويناتها البنييين كيلا مابقاوش كاينين ومدات ليه يدها.
ليلى:خ ....
كانت غاتقول خويا وتفكرات باللي هي وسط العائلة وكلمة خويا مامناسباش لشخص غايكون راجلها .
ليلى:كيسر...هادي مدة ماشفتك...توحشتك.
بدوك التعابير الباردة والملامح الجامدة والنظرااات الحاقدة بلل حلقه وبلع ريقه هاز فيدهاا لي ماداها ليه عينه... حول الشوفة عند مو لقاها كاتشوف فيه مستنياه يصافح بنت خالتو وهو يتنهدد ووقف من بلاصتووو.
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
