🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#سند....!
دارت عندوو معلية على طريفات صبعانهااا ومعلية عينيهااا لعينيه بحكم أنها قصيورة بزاف عليه...بنظرة شبه منكسرة حزينة ونبرة بريئة وحنينة نطقات.
أريناس:ياك قلتيليا خاصكي تبدلي؟!
حط يديه على حاشية الطبلة وراهااا وكالاهااا ليهااا لااسق معاها وعينيه محدورين ففتنة عينيها.
كيسر:بغيتك تعرفي تتمشاي موگضة كي الناس ماشي كي البوهاليات مقوسة الظهر و حانية الراس.....تعرفي تقراي وتهضري كلاص وتوعاي وشخصيتك تقوى وتعرفي تردي بكلام من القرطاااس.... تعطي لراسك قيمة وماتبقايش نية و غشيمة....تولي مطورة وماتبقايش محقووورة وتدافعي على حقك وتردي دقتكك وماتحسبيش كلشي زوين كيفك.
بغيتك تعرفي شنو كايعجبك وشنو باغا ديري من هنا للقدام فحياتك...واش تتبدلي؟! ولا تبقاي تجلي فالمواعن وتضربي الجفاف؟!
كلامو....كاتحس بحروفو مزخرفين بنقش ذهبي من الفضة مسترقع...كايخرجو من الداااخل ديالو من جوووف الخاطر مگلع...بكل جدية كايخاطبهااا ولكن بكلللل حنية كلامو كايوصلهاا...تغرغرو عيونهااا فاللحظة لي حسات فيها بيه سند عليه غاتوتدد كي ضيق بيها ولا الدنيا تتلف عليهااا...غاترجع ليه وتلقاه فجنبهااا كلما خاب ظنها وتعثرات اقدامهاا وتعسسرر أمرهااا...غاتستنجد بيه فكل وحلة وحصلة حيت غير هو لي حنين فيها من بعد باها الله يرحموو...غير هو لي كايبغيليها الخير وكايخاف عليها وكاتهممو...غير هو لي هزاتو النفس عليها ودار معاها جهدو باش خطواتها يتقدمووو.
كيسر: بغيتك تتبدلي من غبية لذكية ومن خوافة لوحدة شخصيتهااا قوية....ولكن....بغيتك تبقاي هاديك أريناس البريئة العفوية...الحنينة والنية...بقاي صغيورة بصفاتك الطفولية وحركاتك الصبيانية وبقاي دريويشة وآدابك فلسانك حيت هادي تربية ....والتربية بحد ذاتها قوة شخصية...بقاي قروية وتصررفي على طبيعتك ولكن فالمواقف المختلفة حتى نتي اختالفي وسرقي من الإختلاف شوية....فين تزاديتي وفين ترعرعتي وكبرتي وفين سكنتي مكايهمش...لي كايهم هو فينما تحطيتي تتوالمي .
تعاملي مع الناس حسب الزمان...ماشي المكان.
يعني بالوقت...ماشي بالبلاصة.
لي جابتها الوقت تلقاي ليها...هي مدينية ولا بدوية مكايهمش ....المهم هو بنفس اسلوبها تخاطبيها وبنفس تعاملها تعامليها.
••هادشي كوللو باش ماتحقريش راسك قدام قراناتك ومايحقروكش لي فايتينك ولو غييييير بشوية.....حيت ماشي كلشي غايتقبلك بعيوبك فحالي لي باغيك كيفما نتيااا••
هو كايهضر وهي تابعا تفاحة آدم فحلقو كاتزعزع مع كلامو...لي قالها كاتتمعن الفهم فيهاا وكايزيد يكبر فعينيها...كاتحس براسها مابقاتش هي هي...ربما ولات شوية قوية حيت هو كايقويها...حاسة بللي الى تفاوتات معاه ماغاتزيدش القدام وغير بخطوتو هي قادرة تتمشى حيت كايدعمها ويحففزها ويشجعهااا...حاسة باللي الى مابقاش حداها الوقت غاترجع بيها اللور وبنفس القوة لي هزاتها بيها غاترجع على الأرض تردخهااا....وحاسة باللي بلا بيه غاتكون ضعيفة وتاحاجة مافيديهااا وبغاتو ديما يبقا قريب ليها.
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
