🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#تحذير....!
فهمات مزيااان قصدو...ولكن مافهماتش راسها...واش حيت عرفات باللي باغيها...أو بالأصح كايبين ليها بلي كايبغيها...بلا مايقولهاليها ...ولات حاسة براسها قريبة ليه وولات كاتصرف بحرية وبراحة حداه وكيفما حلاليها....وشافت باللي مخاصش يكونو حواجز بينو وبينها...وماخاصش يبقاو الرسميات والخوف بيناتهم ...هادشي علاش كسراتهم ؟!....ولا حيت فعلا كيما قال هو " تحلات ليها" ملي عرفاتو طايح فيها ومايقدرش يضرها ولا يآديها واخا تتصرف كيفما بغات؟! ...ماعجبهاش كلامو حيت حسات ووعات بغلطتها....هي ماقريباش ليه بالعكس....هو وهي مزال بعاد على بعضياتهم... ومزال ماعرفات مصير علاقتهم...هو مزال ماقال والو وهي مزال ماقالت والو...!
أريناس(تنهدات بضرر):سمحليا اسيدي...ااخر مرة
كيسر: قلتليك هكا باش مانعوركش من شي عين ولا نهرس ليك شي رجل وتقولي ليا ماعلمتينيش....اما خودي الحق فيا وناخد الحق فيك ...غير ماتنسايش بااللي نتي المراا وانا الراجل ....الى قلتي نتي هضرة انا لي نقول عشرة ماشي نتي.
وبالعكس انا عاجبني فيك كي بعصبية تخررجي فيا عينيك الزرقييين وانا نخررج فيك عينيا الحمرين دغيا كاتحدريهم .... وعاجبني فيك كي تردي الهضرة وغير نععلي صوتي كاتلبدي وتدمعي بخووف .
أريناس:واراه حتى نتا كاتعصبني وكاتقلقني وكاا.ت...(كاتجنن غاهي وراسها) وماكاتسوقش...علاااااش؟.
كيسر هز سلاحو كايقادو.
" ايه وكاتنتاقمي؟!".
أريناس( هزات راسها بلا وضحكات ليه بطفولية جنناتو):لااا...غير تانبغي نديرليك شوية دالتبرزيط.
كيسر(تبسم): لا راه أنا لي غانديرو ليك الى بقيتي ديري كيما هكا.
أريناس (فهماتو تاني وهي تزنگ والدم تزير فوجهها):اخر مرة نفوت حدودي اسيدي.
كيسر: لا غير فوتيهم وغانفوت فيك شي دقة...!
#إعتراف....!
دار الكاسكيط على راسو وعينيه غير عليها مانزلهمش...كايهضر بجدية وتاهي مركزة معاه حيت عارفاه كايهضر من نيتو والى تجاهلاتو غايخوي فيها رصاصات داك السلاح لي حداه.
قرب ليهااا وهو حاني راسو عليهاا...عللات الشوفة فيه ببرائة وهو نطق بحنية.
كيسر: أنا وليت معاك ماشي هو أنا...ونتي مابقيتيش كيفما كنتي .....تبدلت...وتبدلتي...نتي لي بدلتيني وانا لي بدلتك....نتي كاتكمليني وانا كانكملك..!
عجباتها ااخر جملة" نتي كاتكمليني وانا كانكملك".
كيسر: لي زايد فيا حيدتيه ولي ناقص فيا زدتيه...وانا لي ناقص فيك كملتو.
أنت تقرأ
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
