حكايه عمر

الفصل الثالث

..........
....
نظرت ريم إلي هاتفها الذي يرن مجددا برقم نديم لتعقد حاجبيها بغضب وهي تتذكر مافعله ....بغيظ قامت من مكانها وارتدت ملابسها وهي تطلب رقم عمر بينما جال بخاطرها للحظه أن تخبر عمر ولكنها سرعان ما طردت تلك الفكره من راسها ....بالتأكيد لن تخبره وستنسي ما حدث
انسحب عمر من جوار تلك الفتاه  واجاب عليها: أيوة ياحياتي
: عمر عدي عليا نخرج
اوما لها : تمام ...اجهزي
استدار عمر بعد أن ودع تلك الفتاه التي كان جالس برفقتها ليتفاجيء بأيهم خلفه ينظر له بمغزي : انت مش ناوي تعقل ....مين دي
قال عمر بتلقائيه : نانسي 
اوما ايهم : عارف انها نانسي ....نانسي ولا غيرها مش قصدي ...انا قصدي قاعد معاها ليه
انت مش في واحده وعدتها تتجوزها
تغيرت ملامح عمر لتنفلت تنهيده ضائقه من صدره وهو يقول باعتراف : ماهو الوعد ده خانقني وحبيت احس اني مش مخنوق ....
قال ايهم ببديهيه : ولما انت مخنوق وعدتها ليه ؟
هز عمر كتفه : مش عارف يا ايهم .....جايز ابقي مبسوط
نظر ايهم إليه بينما يتفهم شعوره جيدا ويتجدد بداخله الاحساس القوي بأن عمر غير مستعد تماما لتلك الخطوة وان تلك الفتاه لم تمليء عقله أو قلبه ...!
.........
..
اتسعت عيون صالح الذي كان قد وصل لمنتصف الطريق  بفزع وهو يتذكر الحقيبه ليقول بهلع وهو يوقف السيارة
: الشنطه ....نسيت الشنطه
قالت دلال : طيب وفيها ايه ياصالح ...اهدي وبكرة ابقي خدها معاك
هز رأسه وهو ينظر إلي الطريق ليجد اقرب منعطف : لا مينفعش ...ده فيها ورق مهم
قال دلال برفض : طيب والبنات ...كده هيتأخروا
هز رأسه لتقول برجاء : طيب يا صالح وصلهم وابقي ارجع خد الورق
هز الرجل رأسه قائلا وهو يوقف السيارة جانبا : لا مش هينفع ...انزلي انتي خدي تاكسي وصلي البنات وانا هرجع البيت اجيب الشنطه
...........
....انفجر عمر ضاحكا علي ريم التي كانت تقفز فرحا ما أن أخبرها بأنه تحدث مع أبيه بموضوع زواجهم : اهدي يا بت !
قالت ريم باستنكار : بت !
ارتسمت ابتسامه لعوب علي شفتيه بينما يتأمل جمال ملامحها قليلا قبل أن يقول بغزل وهو يمد يداه ليمسك بيدها : ايه تحبي اقولك ولد ....غمز لها وتابع بغزل : بس وقتها هبقي معنديش نظر ...ده انتي بنوته زي القمر
هزت ريم راسها واحمر وجهها ليقرب عمر وجهه منها يتطلع إليها بعيون معجبه وهي تعض علي شفتيها بخجل
بينما تقول : انا بحبك اوي ياعمر
احتضنت يداه يدها ليقول : وانا كمان بحبك ياريمو
نظرت لها بسعاده : يعني خلاص مش هيبقي في بنات غيري
اوما لها لحظه قبل أن يناديها بتدليل : ريمو
نظرت له ليقول لها وهو يتنهد ويسند ظهره الي مقعده : عارفه ياريمو لو يوم خلتيني اندم علي القرار ده هعمل فيكي ايه
ضحكت ريم بمرح : هتعمل ايه ؟
غمز لها بوقاحه : بعدين هقولك 
احمر وجهها من وقاحته لتقول بخجل : انا هخليك اسعد راجل في الدنيا .
رفع عمر حاجبه لتهز راسها بتأكيد ليضحك عمر قائلا : 
اهي الجمله دي نفسي افهمها .....مال ناحيتها وقال بينما تتلكأ عيناه فوق شفتيها المصبوغه بلون وردي هاديء : هتعملي ايه بقي يخليني مبسوط
هزت ريم كتفها بينما لمسه يداه ليدها وهمسه وغزله بعثرت مشاعرها لتقول بتلقائيه : هعمل اي حاجه تخليك مبسوط 
غمز ومال ناحيتها بينما مازالت عيناه تطوف ببطء فوق كل انش بشفتيها التي تدعوه لتذوقها : اي حاجه ؟!
أبعدته ريم ما أن قارب علي لمس شفتيها لتقول بخجل شديد  :   عمر بطل قله ادب
ضحك عمر ورفع يدها تجاه شفتيه يقبلها : مش قولتي هتخليني مبسوط
هزت راسها : اه بس مش كده ياقليل الادب
ضحك عمر وهمس بجوار أذنها بجراه : ماهو ده اللي بيخلي اي راجل مبسوط