عدنا من جديد بقصة حصرية على مملكتنا و ممنوعة من النشر إلا بإدن وحدة منا🚨🚨..
و هاد المرة غاتكون قصة سپيسيال حيت تجمعنا فيها بجوجنا ، انا و دوجا 🤭
كيفما والفتونا ديما بالجديد و البنوتات لي ديجا قراو قصصنا عارفين أسلوبنا و أفكارنا أنا و دوجا .. هاد...
سلسلة العلاقات🍁 بقلم_نسرين أبدوني & خديجة بوقدير بــــــــارت 29
أصبحنا وأصبح الملك لله 🍁 دخلات رقية عند توبة وسمر فيقاتهوم ودخلو غسلو وجاههوم عاد خرجو طلعات سمر تجيب حوايجها باش تلبسهوم وتعلم عائلتها بلي غايضربو الصداق عاد هبطات لقات توبة لابسة جلابة مخزانية في البيج غامق مع شال لايحاه فوق شعرها لي خلاتو مسرح فنفس لون وطالون تاهوا مقمقم فالبيج عاد بوشيط فالقهوي ونفس الشي بالنسبة لسمر حتى هيا غير مختالفين فاللون هي لبسات كولشي فالقهوي وخلات البوشيط والصباط فالبيج دخلات عندهوم رقية رقية::تبارك الله عليكوم الله يحفضكوم من عينين الناس لولولولولولووووووووووي خرجاتهوم بالزغاريت والصلاة على النبي هي ونجية تا لحقو الطموبيلات لقاو الدراري كيتسناو حداهوم وحدة صايݣها نجم الدين لي كان لابس قميجة فالأبيض وفيست فالأسود مع سروال دجين فالأسود وصباط موكاسان فالسود ونفس الشي بالنسبة لمحمد لي كاين صايك الطموييل لخرى عند نجم الدين كانت راكبة توبة وباها وعمها وأب نجم الدين أما عند محمد كان راكب الأب ديالو وأسامة وسمر توجهو لمكتب العدول باش اكتبو الكتاب ديالهوم وصلو الطموبيلات سطاسيوناو حدا المكتب ونزلو كاملين طلعو مع الدروج لقاو العدول كيتسناهوم العدول::مرحبا الله اكمل كولشي بالخير نحم الدين:: أمين العدول::عطيوني كارطاتكم مدو ليه ليكارت ديالهوم وبدا كيهلل عليهوم تا وصل ديك اللقطة ديال الموافقة العدول::السي نجم الدين الخياطي قابل تكون زوج للأنسة توبة النجاري وتوقف معاها في السراء والضراء وتكون ليها زوجا صالحا نجم الدين::قابل العدول::توبة النجاري قابلة تكوني زوجة لسي نجم الدين الخياطي وتوقفي معاه فالسراء والضراء وتكوني ليه زوجة صالحة توبة:: قابلة العدول:الشهود قابلين أب توبة وأب نجم الدين:قابلين عطا لتوبة ونجم الدين يسينيو عاد دوز لآباءهوم تاهما سيناو ومن بعد داز لسمر ومحمد دار معاهوم نفس شيئ وافقو بجوج عطاهوم سيناو وعطاو الآباء ديالهوم ليهوما الشهوم تاهما اسينيو العدول::وهنا كنعلنكم زوج وزوجة الله يكمل بالخير وبالرفاه والبنين محمد::شكرا ليك رجعو العرسان من عند العدول ولقاو الدقايقية مستقبلينهوم ورقية غادة جاية بالتمر والحليب ونجية كاترش ماء زهر بالمرشة وترحب بيهوم وهوما فرحانين مع بعضياتهوم دخلو ديريكت للبيت لقاو النكافة كاتسناهوم بدلو حوايجهوم ولبسو الكساوي البيضين الصورة لتحت هوما كيلبسو وفرحانين سمر دمعو لها عينيها وتبعاتها توبة تاهيا إحساس ولا أروع عاد ݣلسو كيماكيو ليهوم أما عند نجية الفوق كانت كتلبس ونعمة تاهي كتلبس في البيت للي تتنعس فيه لبسات تكشيطة ودارت المايكاب صاوبات شعرها دارتو بوكلي ولبسات طالونها عاد خرجات لقات أسامة في الصالون بوسامتو لابس كوستار فالأسود مع بابيون وصباط موكاسان فنفس اللون مطلع شعرو جا وسيم هز عينيه فنعمة لقاها واقفة قدامو جات بومبة حتى قرب عندها وباسها فراسها أسامة::جيتي زوينة بزااف نعمة::تانتا جيتي وسيم أسامة::شكرا ليك يالله نهبطو نعمة::اك يالله شد ليها فيديها حطاتها فدراعو وهيطو بزوج شافتهوم نجية جايين عجبوها وتمنات لولدها شي بنت بحال نعمة ولكن تيكون مستقبلو نحية::تبارك الله مشاء الله عليكوم جيتو كتحمقو نعمة::شكرا أخالتي فينهوما البنات واش جا من العدول نجية::اه كاينين فالبيت لداخل كتنݣف ليهوم النݣافة سيري عندهوم نعمة::وخا أخالتي مشات عندهوم وهي جررات ولدها بالزربة نجية::شحال جيتو مواتيين أولدي أسامة::هههههه ياك بعدا نجية::والله الصراحة كون غير طلبتيها للزواج تمنيت ليك بحالها لكن متزوجو تتكون خدمتي ودرتي علاش توقف اسامة::تا أنا هادشي لي كنت غانݣوليك وبالنسبة نخطبها تانتسنا غير العرس يدوز ونبالي بيها تا أنا باش نضمن بللي ليا وغتسناني نحية::سير الله ارضي عليك اولدي ديتو نتا ومحمد بنات الناس الله يعمر ليهوم الدار وخا مسكينة نعمة داكشي لي دوزات عليها مها ولكن بنت دريوشة أسامة::أنعوضها على كولشي الوليدة نجية:: إنشاء الله أولدي أسامة:: إنشاء الله دخلات نجية وأسامة عاود طلع لدار دنجم الدين يطل عليهوم لقاهوم لابسين كوستار فالأسود وتاهما لابسين بابيون جاو وسيمين بزوج أسامة::هاي هاي على العرسان ديالنا اليوم الطايح كثر من النايض محمد::تانتا جيتي بوݣوص الساط أسامة::معلوم هههه نجم الدين:: أجي قاد ليا هاد البابيون مشا أسامة قادها ليه أسامة::إمتى غاتهبطو محمد::تايوجدو البنات نجم الدين:: أسامة الأمور هي هاديك التحت القاعة عمرات ولا مازال أسامة::على ماݣالت ليا الواليدة جاو الناس بقيتو غي نتوما مازال مانزلتوش نجم الدين:: أنا غانتاصل بتوبة واش سالاو عند توبة كانو جالسين كايجهزو للمسات الأخيرة حتى صونا ليها التلفون هزاتو وجاوباتو توبة::الو حبيبي نجم الدين::حياتي ساليتو توبة::اه سالينا عاد دبا نجم الدين::إذن نزلو دبا توبة::اه غي نزلو أنا غانعيط على ماما دبا نجم الدين::اوكي بب بسلامة قطع معاها وتوبة علمات ماماها عاد هبطو الدراري دخلو لقاعة وقغو حدا البرزة كيتسناو تما والدقايقية كيغنيو ليهوم وهوما فرحانين وتا الجيران وصحابهوم فرحانين معاهوم تا علنو على الوقت لي غاتخرج فيه توبة وسمر طلق الديدجي المزيكة ديال إليسا (عابالي حبيبي ) وقفو بجوج وقفة ديال العرسان .....يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
