سلسلة العلاقات ♡بالدارجة مكتملة♡

الجزء 27

سلسلة العلاقات🍁
بقلم_نسرين أبدوني & خديجة بوقدير
بــــــــارت 27

نجم الدين::دبا امتى غانديرو حنا الخطبة
توبة:: أنا انجم مابغيتش الخطبة غانخلي تال ضريب الصداق ونجمع كولشي
نجم الدين::يعني بغيتي تݣولي تال نهار العرس عاد نجمعو كولشي
توبة::اه
سمر::مزيانة ليكوم
توبة::نتي امتى قررتي العرس
محمد::الصراحة بغيت نديروه مجموعين مكاين لاش نبقاو نتفرقو كل واحد وكثرة الإسراف نتشاركو لي قسم الله ونديرو عرس كبير هنا مجموعين كاملين آش بان ليكوم
سمر:: أنا معنديش مشكل بالفرحات عليا
نجم الدين::سولوها هي لا بغات ماعنديش مشكيل
توبة::الصراحة مازال ماݣلتها لماما وبابا تانشوف باش غايردو عليا ونݣوليكوم
نجم الدين:: إوا صافي تاتهدري معاهوم
توبة:: إنشاء الله
سمر:: أنا الصراحة عييت وبغيت نعس
توبة::شكون غايجمع ديك الروينة
سمر::أصلان كلشي مجموع بقا غير البيت فاش كنعس لي مرون مع التبدال غاتجمعيه نتي
توبة::محمد غاتشد عليا خطيبتك قبل مانوص نرفسها
محمد::هههه أنا بيناتكوم هاني مشيت بحالي ههه
سمر::سير سير
محمد::نجم الدين نقدر ناخد سمر واحد جوج دقايق بغيت نهدر معاها فشي حاجة
نجم الدين::خطيبتك هاديك اصاحبي نوضي نتي شوفي السيد ورجعي دغيا
سمر::هاهيا غادة
مشات سمر وبقات توبة ݣالسة بقفطانها ومتكية على يد نجم الدين
نجم الدين::عييتي احياتي
توبة::امم عيييت
نجم الدين:: إوا نتي لي كتركزي من الصباح وتلوزي يسحابلك ماشفتكش
توبة يالله بغات تهدر هو اسد ليها فمي
نجم الدين::سكتي احطب جهنم راه وصلني الفيديو ديالك ونتي كتلوزي تما
توبة::وياك غاحنا العيالات مكاين تا راجل وزايدون شكون وراه ليك
نجم الدين::تسنيم هي لي وراتو ليا
توبة:: إوا شوف ليك على البرهوشة غا بلاتي تاال غذا والله لا شمات عندي شي فلوس ولا شي فنيد مازال
نجم الدين::برهوشة دايرة عقلها فبرهوشة ههههه لا حول
توبة::دبا أنا برهووشة يااك إوا ملي برهوشة لاش بغيتيني وخطبتيني من عند بابا
نجم الدين::هذا هو المشكيل قلبي لي تبعك وجرجرتيه مسكين تا ولا كي جفاف
توبة::نوض نوض تنعس قاتلك الحب أوليدي
نجم الدين::علاه نتي مكتبغينيش
توبة::احم خليني نوض نجمع لسمر البيت فين تنعس
نجم الدين::ݣلسي شوية مالكي تاطيري
بقات ساكتة تاجرها عندو بقا كيشوف فيها وكيتقرب منها شوية بشوية تا لسق شفايفو مع دياولها وبدا كيبوس فيهوم بحنية وهي تجاوبات معاه تا حسات بشي واحد كيحنحن حداهوم قفزات توبة بالزربة لقاتها غير سمر وتزنكات
نجم الدين شير عليها بغراف كان غايجي فيها
نجم الدين::ماتتعرفيش تعطلي شوية
سمر::ياك نتا لي ݣلتي ليا رجعي دغيا
نجم الدين::سيري تنعسي قبل مانوض نكمل عليك
مشات سمر كضحك بالزربة وناض هو عند توبة بعدات منو وعاود جرها
نجم الدين::علاش تتهربي مني
توبة::لا غير بغيت تانتزوجو ونتعاقدو وديك ساعات دير لي يغيتي
بقا كيضحك على التفكير ديالها وباسها فراسها وناض دخل لبيتو أما هي مشات دخلات عند سمر عوناتها جمعات البيت دغيا ومشات هبطات باش تهدر مع مها
لقاتها نعسات وخلاتها تال الصباح عاد تدوي معاها مشات دخلات لبيتها وبدلات عليها لبسات بيجامتها ونعسات
أصبحنا وأصبح الملك لله🍁
صباح جديد وروتين جديد سمر وتوبة مافاقو تال 2 دنهار هاد الأخيرة لقات مها جمعات الدار وسالات كولشي دخلات عندها للكوزينة لقاتها كطيب في الغدا
توبة::صباح نور ماما
رقية::صباح الخير أديك الجنية كون بقيتي ناعسة مازال الحال عليك
توبة::راه البارح مانزلت لدار تال 2 دالليل عاونت توبة تا سالات كولشي
رقية:: إيه وشنو درتي نتي ونجم الدين
توبة::على هادشي جيت نهدر معاك باش تهدري مع بابا
رقية::باباك ݣالي للي درتوها وتافقتو عليها هو موافق عليها
توبة:: إوا راه تافقنا نجمعو العرس كاملين أنا وسمر
رقية:: إوا
توبة:: كيفاش إوا يعني راه غانتعاونو عائلتنا وعائلة محمد خلاص ونجم الدين وباباه تا هوا
رقية:: إوا مزيان أحسن حاجة غادار إنشاء الله الله يكمل بالخير
توبة:: أمين أمي
مشات توبة عيطات على سمر فالشرجم دلاكور لقاتها تاهيا عاد فاقت وباقا سادة عينيها
توبة::باقا ناعسة يالحمارية
سمر::الحمارية هي ماماك
رقية:: إوا الله ارضي عليك الحبيبة
سمر::احم زعما راه غير ضحكت أخالتي رقية
توبة::هههه مزيانة فطاسيلتك
سمر::وخا هاني هابطة ليك
....يتبع