سلسلة العلاقات ♡بالدارجة مكتملة♡

الجزء 21

سلسلة العلاقات🍁
بقلم_نسرين أبدوني & خديجة بوقدير
بــــــــارت 21

توبة::ويلي شنو غنقول ليها نوض نتا جالس مفطح ليا تما نوض فكني شنو نقول لختك
نجم الدين::حلي عليها راه غتفهم الوضع
توبة::أويلي أويلي تݣعد خرج دبا يشوفك شي حد
ضحك نجم وناض خطف بوسة وناوي يزيد يغرق تا ظفعاتو حيت قفزات إثر الدقة للي عاود دقات سمر
توبة::قفزتني زيد نشوف كيف نصدرها
نجم الدين (غمض عينو تعصب)::هاد البرهوشة غنطلع نݣردها آووو متحاب متخللي للي يتحاب
توبة::سمر هانا جاية راه في طواليط صبري نسالي
سمر::الصمكة حللي خلاص دبا يجي داك زمر تاع خويا يحصلني هنا ويبدا يقرا فزابورو
نجم الدين (بهمس)::أياه اختي زيديني
توبة::وصافي سيري طلعي نسالي نعيط لك
سمر::واخا هانا الفوق
طلعات وتوبة حرات نجم مخرجاه
توبة::خرج خرج وسيفط ختك تبات معايا
بتاسم وقرب رجع شعرها اللور شاف عنها فيه زوج مصات باسها فحنكها وبعد
نجم الدين::واخا ألالة هانا غنسيفطها لك ودرقي عنقك باش متشوهيش الزين أه وولي تلبسي متحليش هكا
حل الباب طل عاد خرج طلع الدار دخل لقا ختو جالسة في الصالة وحداها حويجها
نجم الدين::أمالك جالسة تم
سمر::ها والو مدواتش معاك توبة
نجم الدين::دوات معايا نزلي عندها ونتي تقطعي في القلب
هزات حويجها فرحانة ونزلات تجري
عند سكينة
جالسة على أعصابها شادة قميجة راجلها للي مطبعة بالعكر ومفقوصة وزايدها عاد عيطلها قالها خدام الليل وفاش عيطات الباها قالها بللي خرج بكري حيت قال بللي ناوي يخرج مرتو صافي هنا العافية شعلات فيها وتأكدات من خيانتو ناضت غادة جاية تا دخل وخبات وراها القميجة
سكينة(بابتسامة):: شفتك جيتي
عبد الرحمان::جيت ندوش ونبدل عرقت عاد نمشي الخدمة عندي إجتماع مهم
سكينة واخا سير دوش أنا نوجد لك شنو تلبس
مشا هو فرحان عند بالو دوزها عليها دوش وهي مشات جبداتلو حويجو جا لبسهم وخرج باسها فحنكها وهز حقيبتو تاع الخدمة يالله غيتم خارج وهي توقفو
سكينة(علقاتلو ستيلو في جيب الڤيست تاعو)::هانتل دبا وليتي رسمي وقاد بخدمتك
ضحك وباسها وخرج في البدية خرج برا حرك طموبيلتو باش تأكد راه مشا عاد بلاصاها اللور تاع العمارة وجا العمارة للي حدا عمارتهم طلع نيشان السطح ونقز لسطحهم عاد نزل عند شهرزاد
عند سكينة
غير خرج وهي تهز تيلي تاعها تتشوف فين مشا حيت حطاتلو جهاز التتبع في القلم باغا تعرف شكون هادي للي تيخونها معاها بانلها تحرك غادي شويا بانلها مزال قريب من العمارة بقات حاضياه تا بانلها في العمارة لكن بعيد على الدار بقات تتاكل فضفارها مباغاش تطلع تقلب دبا بغات تحللي ليهم الوقت تا يوصلو لشنو باغين
عند أسامة
دخل البيتو ياخد حويجو ولقاها مخنوقة متتنفسش وجهها زرق وتتنعت ليه بللي باغا الرابوز مكانش على بالو مريضة بالربو بدا يغوت تا جات مو
نجية::مالك أويلي مال البنت
أسامة::معرفتش تخنقات واش مريضة
بدات تتنعتلو للصاك للي نزلات ليها مها قبيلة مشا حلو وساسو وجبد منو الرابوز مدو ليها دارتو عاد رجعات فيها النفس وبدات تتبكي ونجية معنقاها
نعمة::غتجريو عليها أهيئ 😭😭عوتاني بسبابها
نجية::علاش أبنتي مالك مع مك
نعمة::هي هي (عودات ليها كلشي وكيفاش مها فينما مشات تيجريو عليها حيت تتمشيمع رحال المزوجين وقالت ليها تا تحصيلة للي حصلاتها اليوم وعلاش ضربتها)أهيئ 😭انا مدرت والو قولهم ميجريوش عليا
نجية::شش تهدني لاحول ولاقوة إلا بالله دبا ندوي معاها
بقاو معاها تا نعسات عاد خرجو من عندها
وصلا تمنية ونصف ليلا سكينة صافي الأعصاب توعها فلتو طلعات العمارة تتقلب فين للي قرب بقات طالعة تا وصلات لدار شهرزاد وهي يبانلها تتقرب دقات بالجهد
عند شهرزاد
غير زلات بنتها وهي توجد ليها صاكها فيه دواها وكلشيهبطاتو النحية عاد طلعات وجدات شموع والعشى وعيطات لعبدو علماتو يجي عندها وصل لقاها فأبهى حلة تتسناه بداو الأكل شويا قلبوها شطيح من بعد بداو فممارسة الرذيلة كالعادة تا سمعو الدقان ناضت شهرزاد ملزية غا في بينوارها ولتحت زبطة
عبد الرحمان::سوفي شكون ورجعي خلاص
شهرزاد::ههه توحشتيني راه غتكون غا نعمة باغا تسامح معايا لكن غنصدرها
مع حلات فمها تحل دفعاتها سكينة ودخلات تيبانولها حوايج راجلها في الأرض قلبها تقبط مزال تتحنزز واللوخرى تابعاها تا خرج عبد الرحمان لابس غا بكسور
عبد الرحمان:: حبيبة تعطلتي
بدا يخفض صوتو فاش شافها بسرعة هز سروالو تيلبسو هي ضارت مفقسة شدات شعر شهرزاد وخرجتها البرا وهابطة بيها فدروج وتتغوت تا كلشي للي في العمارة نزل رماتها كيف الكلبة التحت وراجلها تا بعها تيلبس
....يتبع