سلسلة العلاقات ♡بالدارجة مكتملة♡

الجزء 25

سلسلة العلاقات🍁
بقلم_نسرين أبدوني & خديجة بوقدير
بــــــــارت 25

عند شهرزاد
بعدا خلات الرسالة مشات حطات الحوايج في العروبية وهزات ساكها مشات الأوطيل عرفات بللي عبد الرحمان مشا ليه وقفات عليه كان جالس في البوفيه جات وجلسات جنبو
عند عبد الرحمان
فاق لقا سكينة واقفة عند راسو
سكينة::خرج غبر وجهك تنفكر فشنو ندير معاك
عبد الرحمان (بغا يشد يدها وهي تبعدها)::سمعيني أحبيبة
سكينة::خرج بدل ساعة بأخرى
جراتو تال الباب خرجاتو وسدات الباب والتكات عليه مقادراش تخلا عليه البارح بصح تفقصت وكانت ناويا تخليه لكن بعدما عيطات الباها حدرها من أنها الطلق بسبب هضرة الناس وبسبب أنه كان رافض من الأول زواجها لكن نهار تزوجات قالها ممنوع طلاق بالنسبة لباها مكانتو في المجتمع أولى من كلشي وبالنسبة ليها هي عبد الرحمان حبها الأول ومغتقدرش تخليه بسهولة في قرارات نفسها مآمنة أنه أي مرأة ممكن تخان فخاصها غا الوقت باش تسامحو هادشي باش قنعات نفسها
خرج عبد الرحمان من الدار طلاقا مع الرجالة تاع العمارة خنزرو فيه وهو حدر راسو وخرج نيشان مشا لوطيل خدا غرفة طلع دوش وبدل فيها عاد هبط البوفيه جلس يفطر تا جلسات شهرزاد حداه هز فيها عينو وعاود نزلهم
شهرزاد:: حبيبي مالك شوف أنا خليت كلشي يالله نمشيو مع بعض تا بنتي خليتها الجيران(حطات يدها على دراعو وهو يبعدها)
عبد الرحمان::من بعد علاش تتعوديلي
شهرزاد::علاش تتقولي هاكا
عبد الرحمان::وحدة بحالك كيف بغيتيني ندوي معاها ولا تيقتي راسك زوينة وطايح فك مرتي أجمل منك بدرجات مستحيل نخليها
شهرزاد:: نديرو مرتك زوينة عليا فا علاش خليتيها وتبعتيني
عبد الرحمان::حيت كنحتارمها ومنقدرش ندير معاها شنو كندير معاك
حسات بيه بحالا سرفقها بهضرتو الهاد الدرجة تتبان ليه متتسواش وموسخة زعما هي متتستاحقش الإحترام ولكن دارتها الراسها هزات تجاكيطتها لبساتها وناضت منساحبة نيشان الخارج الأوطيل قبل متمشي وقفات عاطياه بظهر
شهرزاد::كان ممكن تعامل بأسلوب أرقى من هذا ونتا إنسان متستحق تا وحدة في حياتك مغنسمحلكش
خرجات نيشان شدات طاكسي الوجهة المحطة ناويا تسافر وتبدا من جديد قطعات التيكي وطلعات القطار جلسات ساهية ودموعها هوادين  بلا صوت يمكن لأول مرة تتحس بللي قلبها للي تيبكي على حالها وعلى شنو دارت فراسها أول مرة غتحس بمدى رخصها وبشنو عتابروها ݣاع رجال المزوجين للي دخلات معاهم فعلاقة
بعد مرور يومين
سمر::الزمرة فيقي يالله الحمام اليوم خطبتي ونتي مكوزة خامرة
توبة::أفوتيني باقي الحال
سمر::نوضي يلعن جدك راه الوحدة دبا
ناضت تتأفأف دخلات الطواليط قدات حاجتها وخرجات لبسات وهزات سطولتها ومشاو الحمام
سمر::أجي فخبارك سكينة سمحات لراجلها وراه اليوم جمعو بالزهم طلاقيت معاهم فاش نزلت خارجين باعو الدار لناس آخرين
توبة::حسن نتهناو من راجلها المسوفج بعدا كنستغرب لعيالات المدلولات أنا منها بربي تنقطعولو ونطلقو
سمر::تانا بحالك وهي زوينة عليه معرت مالها لاسقة فيه راسو كي الركبة
توبة::نساي زبل اليوم نهارك أجي كيف بقات نعمة
سمر::خالتي نجية تتحاول متحسسهاش بالنقس وخا باينة مضرورة
توبة::إيوا الله يسر
....يتبع
فهاد البارت تعمدت نعطيكم مثال المرأة المغربية للي تتخاف من شنو غيقولو الناس وضغط ولديها مع إختيارها الغير الصائب زيادة حاولت نبين أن أي وحدة تتربط أحلامها برجل متزوج تتوقع الأسوء حيت بناية سعادة على تعاسة الغير عمرو غيكمل

#يتبع
بغيت رأيكم القصة على مشارف النهاية بغيت ندكركم أنها قصيرة ماشي طويلة❤️