سلسلة العلاقات ♡بالدارجة مكتملة♡

الجزء 23

سلسلة العلاقات🍁
بقلم_نسرين أبدوني & خديجة بوقدير
بــــــــارت 23

الكل تفرق في الموبل كولشي مشا دخل لدارو مصدوم من هاد الواقعة لي طرات دبا عمر وقع عندهوم بحال هادشي الموبل ديالهوم كيهدرو عليه الجيران بالخير ومحتارم لكن من بعد هادشي مابقا إحترام الكل ستاعد للنوم إلا شي ناس بحال سكينة لي مهمومة وكتسنى امتى إصبح الحال وعند شهرزاد لي كتصوني على عبد الرحمان وكيقطع عليها وهي مغددة ومعصبة هرسات كولشي فدار اما عند نعمة فاقت مع 12 دليل لقات نجية والدراري فالصالون باقي كيهدرو على هادشي ليدارت مها سمعات كولشي وقفات حدا الباب والدموع فعينيها
نجية::بنتي نعمة مانعستيش
نعمة::مابغاش إشدني نعاس سمعت كولشي أصلان كنت عارفة هادشي لي غايوقع
اسامة::اجي ݣلسي أجي
مشات ݣلسات حدا نجية وعاطياها البكا
نعمة::هي ديما مشوهانا ديما خارجة علينا البلاصة لي مشينا ليها مكنكملوش فيها تا سيمانة مقادة تا كايجريو علينا ماليها هادشي بزاااف عليا أخالتي نجية شي نهار تلقاني قاجة راسي ولا لايحة راسي من شي سطاح
نجبة::برا والباس عليك أحبيبتي ماتخافيش حنا واقفين معاك انا غانهدر معاها تخليك هنا معانا تا تلقا خدمة ودار لي اعيشوكوم وتجي تديك ديك ساعات
نعمة::بصاح أخالتي غايتقبلوني صحاب هاد الموبل من بعد داكشي لي دارت ماما
محمد::وعلاش مغايتقبلوكش نتي ماذنبك فحتى حاجة الذنب الوحيد هو لي دارت ماماك
اسامة::واش نتي عارفاها كتفسد
نجية::أسامة شهاد الهدرة أولدي
نعمة::اه عارفة راني ݣتليك هادا هو السبب لي كيخلي الناس إجريو علينا
أسامة::هادي ماخاص الواحد تا إسلم عليها بقا غايعيش معاها
نجية::وفين بغيتيها تمشي تلاح على بررا راها مها هاديك وهيا بنتها خاصها تهزها فينما مشات وإوقع لي وقع كتبقى بنتها ولداتها وضربات عليها تمارة خاصها تصبر ليها
أسامة ناض منيرفي
أسامة::تصبر للفساد الواليدة راه البنت باقا صغيرة وغاتأثر بهادشي لي راه كادير فيه مها
مشا لبيتو معصب من هاد السيجي
نجية::صافي أبنتي غير نوضي تنعسي وغذا اصبح وإفتح
نعمة مشات لبيتها نعسات ناضت نجية تاهي دخلات لبيتها بقا محمد مشا دخل لبيتو وهز التلفون كيصوني على سمر مكاتجاوبش تا عاود صونا المرة الثانية عاد جاوبات
محمد::فين كنتي حاطة داك المهراز
سمر::والو كان فالبيت كنا كنتفرجو انا وتوبة فالصالون
محمد::كيسحاب لي نعستي
سمر::عاد سالا الفيلم وجينا نعسو لقيتك مصوني عليا
محمد::امم شديك التقزيبة كنتي دايرة قبيلا كتقلبي لي اخلي دار عشتك فهاد الليل ياك
سمر::راه غير مع التلفة وسمعنا الغوات خرجنا بالزربة
محمد::مرة خرى غانوريك التلفة كيف كاتكون
سمر::ودبا خلينا من هادشي شنو درتي مع خويا
محمد::ياودي كنا خارجين قبيلا باش نفاتحو فالموضوع ساعة خرج لينا داك البلان ديال ديك خيتي
سمر::اه بصاح ماشي مشكيل مازربانين فين ههه
محمد:: أنا زربان ندي حبيبتي مابقيتش قادر على بعدك كنبغي غير نهدر معاك كانضرب حساب للخوك ماباغيش نطعنو فضهرو
سمر::عندك الحق تا أنا مابغيتش نخبي عليه لمهم أنا غانعس دبا تال غذا صافي
محمد::أجي لا بوسة لا كلمة زوينة أنا غانعس غي هكاك ياك
سمر::وصافي سير دبا معايا توبة
قطعات عليه وهو بدا كيضحك وكيتحلف عليها أما هي غير قطعات عليه وهي دور عندها توبة
توبة::لا تبارك الله وجهك صحيح الساطة ديال الحشمة حق الررب
سمر::ومالكي عمرك سمعتيني كانتحاب مع شي حد من قبل راه أول مرة داكشي جديد عليا
توبة::ياك المرضية نسيتي حميد مول المخبازة وسعيد الݣزار كنتي ضلي تحابي معاه إعطيك حبة
سمر::لا الصاحبة داكشي كان غير تفليات أما دبا راني حبيت من قلبي
توبة:: إوا ياختي الله اسهل ليك فحياتك ياربي فرحت ليك
عنقاتها وباستها فحنكها وعاود تكات عليها كتحك ليها فشعرها
توبة::نسيت ماكتليك واحد الحاجة
سمر::شنو
توبة::خوك عتارف ليا لقيتو كيبغيني تاهوا من شحال وتصوري خطبني من عند بابا من  وأنا صغيرة تكون فعمري ديك 17  عام ݣالها ليا
سمر::حلفي حلفي بالله تا عتارف ليك
توبة::والله ݣالي ݣاليه بابا تا تكبر وجي نعطيها ليك ودبا راه عتارف ليا وعتارفت ليه تا أنا هههه
سمر::ياختي ياختي على فرحتي يويويويويويويويويووووووووي صلااااا والسلااام علىىى رسول الله إلاه الجاه إلى جا سيدنا محمد الله معااااااه جاه العالي يويويويوووووووووووي
هادشي كاملو لي نوضاتو سمر فيق نجم الدين من النعاس حيث الشرجم ديال لاكور كان محلول وطل عليها
نجم الدين::سمر غانزل لطاسيلت جدك غانقطع ليك داك اللسان واش متاتنعسوش الصباح الله
طلات عليه سمر فرحانة
سمر::وخا عليك الجن هادشي كاملو ومخبيه عليا
كاتجرها توبة باش تسكت لا يسمعوها الجيران وهي ولا بغات تسكت
نجم الدين::سيري نعسي راه برزطي عباد الله حلاقمك فيقوني من سابع نومة
سمر::بايت تحلم بيها الساط هاي هاي على خويا
توبة::وسكتي الحلاقم يابنتي يا سمر بغيت ليك الحلاقم وسكتيييييييي
نجم الدين::نتي تال غذا ونتفاهمو على هاد الشوهة لي دارت لخرى بجوجكوم غاتكلو ما كلا الطبل نهار العيد واسدي داك الشرجم ودخلي بحالك
سدات توبة الشرجم ودخلات بحالها ودخلات سمر وهوما تايتعاودو واضحكو فرحانين تانعسو
...يتبع