سلسلة العلاقات ♡بالدارجة مكتملة♡

الجزء 15

سلسلة العلاقات🍁
بقلم_نسرين أبدوني & خديجة بوقدير
بــــــــارت 15

وصل الليل وسمر حلفات تطلع توبة تبات معاها بالطبع لا بابات توبة ولا مها رفضو حيت سمر معتابرينها بنتهم وتيتيقو فيها هزات توبة حوايج نعاس حيت سمر غليضة عليها متيجيوهاش وطلعو دخلو لقاو نجم الدين جالس في الصالة شاد الأخبار
نجم الدين::العوجة بايتة عندنا
توبة:: دخل سوق راسك(خرجاتلو لسانها ومشات)
بدلات لبسات كسوة حد الركبة تاع نعاس ولبسات تحتها غير كيلوط والسوتيام مدارتهمش وجات تخشات جنب سمر يضحكو ويتعاودو وشادين تيليفونات مرة مرة يضوروهم البعض يشوفو شنو واقع ههه نجم الدين فبيتو شاد تيلي تيبقشش فيه تا جاه الجوع وناض الكوزينة تيطيب البيض ومطيشة
توبة::فيا الجوع أسمر
سمر::نوضي راه الكوزينة
توبة::نوضي نتي
سمر::لا مفياش هزي من جيهتي إندومي وسيري طيبيها راه كلشي ناعس
توبة(ميقات)::وتفو عقلي العوجة غناكل مها تما مندوقكش
ناضت هزاتها ولبسات بانطوفة ومشات تجر في رجليها الكوزينة لقات الضو شاعل
توبة::واقلة نساتو شاعل ديك البقرة
دخلات مشافتش نجم الدين للي كانت مغطياه التلاجة وتيحك الفرماج على البيض بانت ليه عاطياه بظهر وهازة يدها المجر تتحاول تجبد توصل الݣاميلة بقا تيدقق في فخاضها للي تعراو مع هازة يدها عض على شفايفو وقرب ليها وقف وراها وحط يدو على الݣاميلة هي قفزت ودارت بالزربة ملقات كيف الدير تفلت منو مقرب بزاف بقا غا تتنهج وتشوف جبد الݣاميلة بالعرض البطيئ كأنه تيعدبها وحطها فوق البوطاجي عاد بعد شويا
نجم الدين::آش مفيقك ولاش باغا الݣميلة
توبة::إحم(تبتات راسها عاد دوات)فيا الجوع ونضت نصاوب إندومي
نجم الدين (هز مقلتو )::مغتشبعكش أجي تاكلي معايا جيبي معاك الخبز
توبة هزات شنو قال ليها وجات جلسات حداه في الطابلة للي في الكوزينة ݣلسو حدا بعض تياكلو وهي تتبنن مع عجبها الفرماج وهو حاضيها وتياكل كمل ورج اللور تيشوف فيها كاف تترجع شعرها والتاكل وتبنن للحضة نسا راسو وحس مغنطيس جرو مد يدو لشعرها ردو ليها خلف ظهرها وحط يدو على خدها حبسات الأكل وسرطات آخر دغمة في فمها ودارت تتشوف فيه وهو سبابتو تيمررها على حنكها وبعدها نقلها الفمها بدا تيقرب ليها بشوية وهي جامدة فمكانها كأنه مخدرها ما حس على نفسو تا حط شفايفو على شفايفها وتنهد كأنه كان هاز جبل بدأ تحريك فمه وهي غمضات عويناتها ومخلياه واخد راحتو تمادى في الأمر وجرها ليه كثر وبدا يحرك يدو على جسمها حط يدو اليمنى على سدرها أما اليسرى خلف عنقها بغج تا قفزات نظرا مدايراش السوتيام جاو قد يدو بعدات بسرعة تتنهج وتشوف فيه باقي حاط يدو وناوي يكمل
توبة::نجم الدين
نجم هز فيها عينو بعدما كان هايم وغايب على الدنيا فيقاتو فاش نطقات إسمو لأول مرة هي للي من ديما متفادية تناديه بإسمو وهو نفس الشي اليوم نطقاتو وكامل بدون نقس أي حرف
نجم الدين::عيونو
توبة::شنو درتي (عينيها عمرو دموع)
نجم الدين::ششش علاش البكا هممم نتي ممنعتينيش يعني داخلك باغا سمعيني أتوبة دبا نوضي تنعسي غدا خاص نهضرو
توبة وقفات بلاما تجوابو ومشات تجري البيت وفبالها غا شنو وقع
توبة::ويلي عيطلي بسميتي
سمر::أجيتي شفتك تعطلتي شكون عيطلك بسميتك
توبة::هااا والو راه لقيت البيض ومطيشة كليتهم مكليتش إندوني بقات تم
مشات تخشات حداها وغمضات عينيها حلف نعاس لزارها أما سمر وصلات لسابع نومة هي مقالت والو لسمر حبت أصلا هداكشي للي وقع مافيه ميتقال
أصبحنا وأصبح الملك لله 🍁
جا صباح وفاقت سمر هي اللولة على الدقان ناضت على وعدها وسعدها ببجامتها تاهي كانت بحال تاع سمر غا تاعها هي قصر واصلة الفخاض حلات وعينيها مزال مسدودين كان محمد في الباب طلعها وهبطها وضرب فيها شي تخنزيرات تاع والله لا بقات فك
محمد::آش هاد الحالة حالة بيها كون مكنتش أنا وكان شي أحد غيري
سمر(فيقة خاسرة خنزرات فيه)::مالك على صباح فارعلي مخي آش بغيتي وأصلا ݣاع لكان شي حد آخر مالي كيف جيتك
محمد جرها من يدها وسد الباب وهزها دخلها الدارهم مكين حد دخل نيشان البيتو حطها وهي مربعة يدها ومخنزرة فيها مغوتاتش فاش هزها حيت عارفة راسها غدير الشوهة
.....يتبع