سلسلة العلاقات ♡بالدارجة مكتملة♡

الجزء 17

سلسلة العلاقات🍁
بقلم_نسرين أبدوني & خديجة بوقدير
بــــــــارت 17

سمر::هاني غادة هههه
دخلات بالزربة ومشات كتجري لبيتها لقاتها يالله فايقة وكتكسل وتلاحت عليها كتعنق فيها وكضحك
توبة::والجهل الجهل ياهاد الموصيبة نوضي عليا فرعتيني
سمر::هههه اححح شحال أنا فرحانة ياربي فرحانة بززااااف
توبة::الله استر مال جدك على الصباح
سمر::ماتصوريش اش وقع اتوبة أنا ليوم غانحماق بالفرحة وأخيييييرا
توبة::سمر عرفتيني كنفيق خاسرة هدري قبل مانزعف عليك اش واقع
سمر::محمد ههههه
قفزات توبة فوق السرير
توبة::مالو حصلك كدبتي عليه
سمر::الاااااا ههه
توبة::شنو كالها لنجم الدين ناري مي قفرناها
سمر::وتي لاااا
توبة::وشنووووو هضري ياهاد الباندا
سمر::الباندا هي حناك عرفتي شنو انا اليوم مغانخليش مورالي طايح بسبابك لمهم الالة محمد عتارف ليا بكولشي
توبة::كيفاش يعني اش كتقصدي
سمر::يعني راه كيبغيني وباغي اتزوج بيا وغايهدر مع نجم الدين
توبة::حلفي حلفي مبروك عليك اختي حق الله تا فرحت ليك
سمر::الله ابارك فيك احوبي انا اليوم ماقاداني فرحة
توبة::الله اكمل كولشي بالخير احبيبتي يالله نوضي صاوبي لينا الفطور على حسابك اليوم
سمر::تستاهلي احوبي انا نايضة نوضي غسلي وجهك
توبة::وخا انا نايضة
مشات للطواليط اما سمر دخلات كتوجد الفطور فاق نجم دخل عندها للكوزينة باسها فحنكها وسولها على توبة كاتليه كاينة فالطواليط كانت هي كتغسل وجهها وسنانها خرجات مسحات بالفوطة ودخلات عندهوم للكوزينة كالت صباح الخير وهي تشوف فيه توترات بداك التصرف دالبارح اما هو غي شافها بتاسم وصيفط ليها بوسة فالهوى هي حشمات وخرجات للصالون ناض تبعها ومن وراه سمر حاطة لفطور فوق الطابلة كانو كيفطرو مجمعين ونجم الدين كيحط لتوبة الماكلة قدامها سمر فهمات البلان وكطلب الله اكون داكشي لي فبالها فغي وكتغمز فتوبة لكن هاد الآخيرة غير ساكتة وكتاكل
نجم الدين::احم لمهم توبة البارح كتليك باغي نهظر معاك فموضوع ضروري
سمر::انا غانخليكوم نوض نجمع البيت بيما ساليتو هدرتكوم
خنزرات فيها توبة ومشات بالزربة وكضحك ودايرة فبالها الى كان الموضوع هو اعتراف نجم الدين لتوبة فراه غاتكون فرحتها فرحتين عند نجم الدين بقا ساكت حتى دوا
نجم الدين::توبة نهار الأول لي جيتو فيه لهاد العمارة كنت كنشوف فيك نضرة فشكل كنكول هاد البنت برهوشة وتصرفاتها مبرهشين ومكنتش كنحملك
توبة كتسمع وكتزير ماحملاتش هدرتو فالأول مازال كيهظر حتى سمع الدقان فالباب جايا سمر زربانة ومشات حلات الباب
سمر::نتييي 😱
شهناز::إيه انا ياك قلتلك غنجي اليوم
سمر::أه ولكن ميسحابليش غتصبحي علينا
بانت من وراها مرا كبيرة تكون عندها شي 55 عام
....::ياك أبنيتي متوحشتيش خالتك
سمر(بإحراج)::خالتي عيشة لباس علك تفضلو دخلو
عيشة::إيه الحمد الله من نهار ماتت المرحومة ونتوما بعاد عليا
سمر مجوباتهاش سدات الباب وتبعاتهم الداخل هما دخلو وتركنات عيشة فأول سداري اما شهناز مشات تنقز جلسات بين نجم وتوبة للي شويا وتنوض تضربها
شهناز(حطات يدها على فخض نجم)::نجمي لباس علك كان يسحابلي غنلقاك في الخدمة مزية لقيتك هنا توحشتك
نجم تيشوف فتوبة للي وقفات وباينة فيها معاجبها حال
سمر::فين غادة
توبة::غنزل الدارنا عندي ميدار
سمر(عرفتها تعصبت)::واخا غا فطري بعدا ونزلي
عيشة::آش تفطر شكون هي بعدا للي مدخلينها
توبة::إياه عندك الصح شكون انا نيت النوض بحالي
شهناز::ويلي تضوري بهاد البيجامة ونتي ضيفة
توبة(طلعات فيها ونزلت)::على الأقل فالدار كيتك نتي للي خارجة بديك الشوميز للي المعري فيها كثر من المغطي ومخليا العادي والبادي تمنظر فيك
مشات معصبة حلات الباب خارجة ببجامتها
توبة::سمر غنزل ونزليلي حوايجي
سدات الباب بالنترة ونزلات مدردكة فدروج والفقصة راكباها نجم في البلاصة ناض غلب الصينية مغدد عليها هي للي خرجات بديك الحالة وعلى هاد القوم للي صبحو عليهم
نجم الدين::الله يلعن جدبو فطور معاكم الله يخليها سلعة حيدي عليا بلا شي هم(دفع شهناز وتاهو خرج وردخ الباب)
سمر(ربعات يدها)::بقيتو على خاطركم
عيشة::ومالو هذا يتنتر عليها وديك خيتي تاهي
شهناز::ييخ راه صحابات مفيهم نفع أسمر غسيفطيها
سمر::لا حول ولا قوة إلا بالله
ناضت تتجمع فروينة للي دار نجم وتتفكر فصحيبتها ومقادراش تاتنزل عندها حيت ماشي مسطية تخللي هادو هنا وهما ياما لقاوهم حاطين ليهم سحور
......يتبع

رأيكن……