سلسلة العلاقات ♡بالدارجة مكتملة♡

الجزء 26

سلسلة العلاقات🍁
بقلم_نسرين أبدوني & خديجة بوقدير
بــــــــارت 26

من بعد ما مشاو توبة وسمر الحمام شدو طيابات بزوجهوم حيت ليوم نهار عيد بالنسبة للسمر وحتى توبة للي فرحانة ليها بزااف تفركو مزيان تا خرجو مشقشقين بالبيوضة بان عليهوم السر لبسو حوايجهوم وجا نجم الدين تلقى ليهوم بطموبيلتو  باش ادوزهوم للصالون كان كيتسناهوم حدا الحمام غير خرجو قشعوه ومشاو نيشان عندو حطو السطولا فالكوفر وسمر دفعات توبة للقدام باش تركب وهي ركبات اللور
نجم الدين::بصحة والراحة الالة العروسة
يمر::اعطيك الصحة اخويا حبيبي
نجم الدين::كتبانو بويض بحالا داز عليكوم الوسخ عام
خنزرات فيه توبة ودارت عند سمر
توبة::غاتشديه عليا ولا نطير عليه بشي عضة
سمر::ياربي على بشااار ياربي امتى نتهنا منكوم
نجم الدين::قريب اختي تهناي واخليني معاها الراس فراس اولا
غمزها ودار ضحكة جانبية وديمارا لجهة الصالون
توبة::وباااز ليك
نجم الدين::بصحة الحمام احبي
سمر::احم احم اوا راعي شويا لي ݣالس وراك
نجم الدين::مالكي نتي مكتسكتيش ياك حبيبتي ومراتي ونتغزل بيها كيف بغيت سوقك
توبة::مازال ما وليت راك غير هدرتي فيا وصافي
سمر::ايه عندها الصح ونتي تبتي الأرض تاتكون بينك وبينو ديك الورقة وعاد ادير بيك مابغا
نجم الدين::شتيني دبا داخل بيها
سمر سدات دلقوشها وتزنكات مابقات حلات فمها اما توبة كثر منها خشات راسها بين كتافها وسكتات تا وصلو حدا الصالون
نجم الدين::امتى نرجع ليكوم
توبة::ياويلي على امتى تانساليو
نجم الدين::كنقصد الوقت معاياش
سمر::تانصونيو عليك
هبطات سمر بغات تبعها توبة هو إشد فيها وطلات عليه سمر من الشرجم دالطوموبيل
سمر::طلق البنت وبراكة من البسالة
نجم الدين::شفتك نتي ضساريتي عليا مابقيتيش كتحشمي
سمر::لقضية فيها ختي ومانبغيش لي اتفلا عليها وسير احنيني تا ضرب بيها الكاغط وشد ليها فإديها هبطي نتي باقا مقردة
نجم الدين::وصافي دبا غي دخلي هاهيا جايا غاتبعك
سمر::لاء دبا هبطي تبعيني
شافت فيها توبة بترجي عاد ݣاتليه
سمر::دقيقة مانزلتيش غانجي نرجع ليك هاني سبقتك
مشات كتمختر وعاجبها الحال وكضحك أما هو علاين ينزل عندها ويضربها دار عند توبة باس ليها إديها وبقا كيشوف فيها
توبة::واش حبستيني هنا باش تشوف فيا
نجم الدين::ومالها شنو فيها مابقا حد إشوف فحبيبتو
توبة تزنكات وحلات الباب بغات تهبط هو اعاود اجرها
توبة::وصافي خليني نزل دبا ترجع لينا
نجم الدين::عطيني بوسة وسيري
توبة::عيقتي لا
نجم الدين:: إوا ماطالقكش
بقات توبة كتشوف بلي مغايطلقهاش دغيا وباستو بالزربة حدا فمو وهبطات وهو بقا حاضيها مبتاسم تا دخلات عاد تحرك أما عند سمر بدات ليها الكوافورة بالمايكاب هي وتوبة عاد شعرهوم لي بوكلاوه حيث كانت خطبة صغيرة غير بيناتهوم وصافي لبسو قفاطن تما فالصالون ديال جوهرة خفاف عاد سالاو تاصلات توبة بنجم الدين كاتليه بلي سالاو وجا هو ومحمد جابوهوم من الصالون من طبيعة كل واحد فيهوم ݣالس كيتغزل بحبيبتو غير بيناتهوم تاحد مامبين اللاخر تا وصلو للموبل تلقات ليهوم نجية ونعمة وأم الغيت والحاجة فاطنة ورقية بصلا والسلام تجمعو فدار عند سمر شبعو شطيح بيناتهوم أما الرجال تجمعو فدار توبة كاملين داز العشا زوين وشبعو زغاريت وغنا والضريب تا قربات 2 عاد نزلو الناس دالعمارة بقات غير توبة ونجم الدين ومحمد وسمر فدار كيهدرو
....يتبع