سلسلة العلاقات ♡بالدارجة مكتملة♡

الجزء 3

سلسلة العلاقات🍁
بقلم_نسرين أبدوني & خديجة بوقدير
بــــــــارت 3

دخلو وتوبة مربعة يدها مخنزرة فيه
حمزة::آش حب الخاطر الزيونات
سمر(ميقات فيه)::أرا ليا جلابتي للي حاكة راه خلصت فيها معلمك قالي ندوز اليوم ناخدها
حمزة::اياه الزين هايا موجودة
جبد الجلابة وعطاها الواحد في الخدامة تم يقادها فبواطة وهو تكا على رخامة يتغزل فسمر
حمزة::أححح والخيورات والزين الحرش اليوم جبتي لينا توبة ومن لا يعرفها التيتيزة تاع الدرب صحيبة التيتيزة سمورة
سمر::جمع فمك دبا نجيبلك خويا يقطع المك لسان
حمزة::مال الزين تقلق (شاف في توبة للي مخنزرة فيه وتتحاول تصبر راسها حيت تتقول قراب نمشيو)اححح على توباتي وشحال ونا نتسناك دقي بابي شفتي أسمورة صاحبتك عمىها خيطات جلالب عندنا
سمر(ميقات فيه)::إيوا خالتها خياطة مكين لاش تجي عندكم طلق داك زبل خليني نمشي
هز البواطة حطها يالله غتهزها سمر وهو يحط يدو على يدها مدوزها إيوا مجات فين تهضر سمر تا لقات توبة هزات الفاز للي جنبها ونزلات عليه الراس
توبة::الله دبا رتاحيت الله يلعن الحمار للي حطك أبن الكيدار الكلب اللاخر السيبة تملس في البنت وتحرش بينا من صبح ونا نقول غيحشم على عراضو هاوا غيمرݣ ونتا ولا حشمتي على مرتك للي مخللي فالدار ولا مرݣتي على البيبي للي عاد تزاد عندك
حمزة(شاد راسو كللو دم)::يااا الحمار أنا تمدي يدك عليا والموسخة للي ݣاع يتشهاو فيها مراتي مرخيصاش بحالكم هذا لاش مخليها في الدار ونتوما نحب نلعب بيكم كيما نبغي
إيوا بهاد الغوات تلمات أمة محمد وعيطو البوليس أما توبة ݣفضات وشداتو من شعكيكتو للي تتقطر بالدم
توبة::أجي نوري المك حنا شحال شريفات
جراتو تتعض وهو بغا يضربها وهي تنزل عليه سمر ببواطتها الظهر تا طاح وبداو هازين جلابياتهم ويعفسو عليه تا وقفات سطافيط دخلو البوليس يجريو شدو سمر ببواطتها طلعوها السطافيط وتبعوها توبة للي مزال يدها فيها دم حمزة عاد هزو حمزة تاهو في سطافيط إيوا راكبين مقابلين مع بعض وحمزة للي فيه ممهنيه
حمزة::أنا غنربي مكم في الحبس السلݣوطات قلالات العفة
توبة::مزال عندك الكمارة للي تدوي بيها
هزات جلابتها وبدات ترفس فيه والبوليسي للي معاهم تيحاول يفك وتا سمر تتحاول تسكتهم وهما والو تا وصلو نزلوهم داخلين بيهم العند الشاف تاعهم
سمر(بهمس)::المك كنحس بالبولة غتنزل اليوم خويا يعطيني قتلة الكلاب
توبة(ميقات)::إيوا شلا مالنا حنا غلطنا هو للي خاصو يخاف حنا غا دافعنا على راسنا
سمر::وكان ضروري تفلقيه
توبة::ومالك باغاني ندوزهاليه وحق مولانا تا خاصو يحمد الله مخربقتلوش لافيشور تاع كمارتو
سمر::ويلي قفارت
دخلو متابعات ومعاهم تا حمزة للي حاط على راسو كلينيكسات بيضين
كان جالس في بيروه بكل هبة تا قالولو جايين وحدين بمطايفة
نجم الدين::نزلهم التحت
البوليسي::الشاف راه كينا تا ختك سمر معاهم(تيعرفوها حيت شايفينها معاه شحال من مرة)
نجم الدين (مخنزر)::دخلهم(دخلو مصافات وتوبة عينها فعينيه مخنزرة أما ختو حادرة راسها ضرب يدو مع البيرو ووقف)إيوا طوالو رجلين تا وليتو توصلو الهنا أدوك الزوجات
حمزة::الشاف جاو تعداو عليا وهادشي كلو حيت مبغيتش نخون مرتي معاها(نعتفتوبة للي دارت تتشوف وراها واش كاين شي حد من بعد نعتات فراسها)
توبة::معايا(بالزربة نصلات شربيلها وتحنات هزاتو سيفطاتو ليه الكمارة) وزايدها بالكدوب العطاي اللاخر
قرب نجم الدين مخنزر فيها وهز يدو وجمعها معاها هو راه مضربش شي ضربة نيت أما كون ماتت ليه غا بشوية لكن هي بالنسبة ليها قسحها وحݣر عليها هزات عينيها فيه شابعين غضب وتا دمعة مكينا فيهم وهادي عادتها سمر شهقات وحيداتها الخوها ورجعاتها وراها وبدات تتسرسب شنو وقع
سمر::أهيئ واللهما ضلمناه أخويا وتوبة مدارت والو
توبة مزال مخنزرة وتيتسمع غاتنفسها للي تتنسفسو بالزربة الدليل على عصبيتها
نجم الدين لعن راسو وتسرعو ولكن هي لسانها سليط وهو ديما تيجمع ليها وأصلا محملش حمزة كيفاش دوا عليها وبالخصوص أن دمو فيدها يعني كانت قريبة ليه ساط الهوا وقرب الحمزة دخل فيه براس تا زعزعو شويا ميطيح شدو من الكول
نجم الدين:: ترجل أصاحبي ووقف باش نقتل مك مزيان نعلمك تمد يدك على بنات الناس
حمزة::الشاف مدرت والو واللهما قصدت
نجم الدين::واخا زيد وقع تنازل وخرج عليا
جا تيقفقف وقع التنازل وخرج يجري نجم الدين كان باغي يقتلو عصى لكن شاف حالتو مكرفصة وعاد باش لزاد كرفصو غيغرق غا توبة هذا لاش إكتفى بروسية
نجم الدين::زيدو تنتوما وقعو ويالله الدار
قربات سمر وقعات وجرات توبة تاهي وقعات وخرجو
توبة::غنمشي فطاكسي ونتي سيري مع خوك
سمر::أويلي لا يالله معايا
بعداتها توبة ومشات بحالها نسرعة خطتويها شدات طاكسي ومشات خرج نجم الدين لقا ختو واقفة بوحدها
نجم الدين::فينها صحيبتك
سمر(دورات وجهها غضبانة منو)::بسبابك غضبات ومشات شدات طاكسي الدارهم
زادت قدامو ركبات فالطوموبيل وخلاتو مسح على راسو عاد ركب وكسيرا
....يتبع