سلسلة العلاقات ♡بالدارجة مكتملة♡

الجزء 11

سلسلة العلاقات🍁
بقلم_نسرين أبدوني & خديجة بوقدير
البــــــــارت 11

ݣال هاد الهدرة ومشا حيث عارفة توبة بلي سمر مكاتخسرش لخوها وكتسمع هدرتو والى كلسات ماغاتخرجش معاها يعني توبة غاترجع للدار ونجم الدين عارف بلي توبة مستحيل تخرج مع شي حد آخر من غير سمر هادشي علاش ݣال ديك الهدرة ونزل حدا الدار كان غادي للخدمة لكن لي فيه مامهنيه مابغاهاش تخرج بداك اللباس لحمها ومفاتينها بارزين وباينين
سمر::وزيدي عفاك بدلي وخلينا نخرجو بلا مانعكسو ونصدقو مخارجين فين
توبة::بغيت غي نعرف علاش كيحݣر عليا الحݣار اللاخر غي بلاتي والله لابقات فيه
نزلات توبة كتغبن وكضرب برجليها تال الدار شافتها مها سولاتها علاش رجعات كاتليها بلي بغات تبدل لمهم بدلات لبسات جلابتها وبلغتها وخلات الشدة دالزيف كيف هيا جاتها كيوت وعاد خرجو لقاوه واقف حدا الباب كيتسنى
نجم الدين:: (كان ناوي يقولها لا ولكن بانلو عيق )احم دبا مزيان كتكوني زوينة فاش تتسمعي للهدرة الزمرة
توبة::مكاين شي زمر قدك الزمر بعينيه كتدخل ليا تا فصحتي تفوو
نجم الدين::قسمن بالله تانهرس ليك فمك وسيرو غبرو من قدامي أو ياويلكوم تفوتو الخمسة دالعشية لا ماجيت جريتكوم من ديك الشعكاكة راني ماشي نجم الدين
سمر::صافي صافي يخخخ على بنادم ناس عندهوم أخ أنا عندي هتلر زيدي زيدي
نجم الدين::راه سمعتك الشنيولة
تمو غادين كيتمشاو بشوية
عند شهرزاد
لبسات سليم زرق وتيشورت فالابيض طلقات شعرها ولبسات سبرديلتها وحيث داك الشوية دالاحترام لي بقا عندها لاحت عليها كاب شوية فايت الترمة ونزلات مع الدروج تمشات بالزربة وكتقلب ياكما تابعها شي حد تاوصلات ورا الدرب لقاتو كيتسناها فالطموبيل ركبات دغيا
عبد الرحمان::فين تعطلتي الحب ديالي توحشتك
شهرزاد::كنت كندوي مع نعمة فتلفون خليت ليها فلوس الغذا عاد جيت
عبد الرحمان::علاش متغديتيش
شهرزاد::تغديت غا هي نعمة مزال مجات الدار هذا لاش
عبد الرحمان::اححح عليك شحال كتحمقيني كنشوفك كنذوب أحبيبة
قرررب ليها وبدا كيتلمس فيها وتاهيا عاجبها الحال
عند توبة
مشاو يضورو ويضحكو ركبو فطاكسي وهبطو المدينة يضورو ويتقداو حويجات ليهم مخلاو تا محل ممشاوش ليه مزال تيضورو تا وقفات عليهم بنت شهبة
البنت::سمر حبيبة توحشتك(عنقاتها وسمر تابتة فمكانها مصدومة بعدات منها)إيهو واا سمر مالك تسطوبيتي
سمر::شهناز إمتا رجعتي
شهناز::هه رجعت ديك السمانة وكنت ناويا غدا غندوز نسلم عليكم أنا وماما
سمر::أه مرحبا بيكم

.....يتبع