سلسلة العلاقات ♡بالدارجة مكتملة♡

الجزء 28

سلسلة العلاقات🍁
بقلم_نسرين أبدوني & خديجة بوقدير
بــــــــارت 28

هبطات عندها سمر فطرات معاها وعلماتها بلي موافقين دارهوم يجمعو العرس كاملين فدقة وحدة ومشات علمات تاهيا نجم الدين وحددو العرس فهاد السيمانة نيت في الويكاند إنشاء الله
مع الوقت دازت ديك السيمانة طايرة الكل كان كيوجد فيها ها توبة وسمر عند الخياط ومرة مرة يمشيو يديرو السوان لجسمهوم فالصالون تهلاو فحالتهوم ها رقية ونجية عند النݣافات والطيابات لي غايطيبو ليهوم الماكلة اوا ونجم ومحمد مشاو اشوفو القاعة لي غايجيبوها متنقلة غاوقفوها حدا العمارة في الدرب والتريتور ديالها وكوولشي محمد ونجم الدين كايتقاسمو الفلوس في أي حاجة قررو يجيبوها مشاو دارو مع مول الديدجي حتى هو كولشي كيجري من هنا ومن الهيه واليوم كان نهار قبل العرس لي هو الأحد توبة ݣالسة مطلسة التبريمة لجسمها وماسك على وجهها في الدار عندهوم تانزلات عندها سمر كتجري دخلات عليها فالبيت
سمر::يابنت الحرام خلي داك الويل تا نمشيو للحمام راه ݣاتلي خالتي رقية غنمشيو في العشية
توبة::وعلاش مايخليوه تال الصباح
سمر::لا الالة صباح غانفيقو نفطرو وغانمشيو ديريكت للصالون
توبة:: أشمن صالون راه غاتجي عندنا هنا وزايدون ياك حنا دايرين نلبسو غير الكسوة البيضاء صافي ماكاين لاش قوة التكاشط
سمر::اييه والحناء
توبة::الحناء نديروها اليوم بالليل وغير بيناتنا والبنات دالجيران تاهما
شمر::هي الى نضتي الكلبة نمشيو الحمام غانديرو هادشي بوسخنا
توبة::بففف شحال فيك واقيلا الفرحة لي دارت ليك الدودة زربانة تاكلي الحلوة
سمر::غاسكتي خايفة منها كثر ماكاتصوري
توبة::ماتخافيش داكشي غايدوز عادي
سمر::ههههه شوفو شكون كيدوي زعما بحالا نتي مغاتاكليهاش
توبة::شكون أنا لا لا لا ماغانخليهش يقرب ليا
سمر::نوضي على سلامتك نجم الدين لي هو خويا هو لي مغايقربش ليك شوفي غير دبا كل نهار محصلاه هابط عندك طالعة عندو يسحابليك ناعسة على ودني وبغيتيه يصبر ليك فاش تكوني حلالو نوضي تݣعدي نجمعو حوايح الحمام راك تاتحلمي
سمر ركبات فيها الرعب ودخلات عندهوم رقية ݣاتليهوم يمشيو الحمام راه البنات كيتسناوهوم ومشاو جمعو حوايج وخرجو بالصلاة والسلام والبنات كيطبلو تا وصلوهوم ودخلو فركوهوم البنات مزيان تاولو يشقشقو بالبيوضة عاد خرجو لابسين قفيطنات فالبيض وفيهوم الصم فالذهبي مع بليغة وزيف حياتي عاد شال ديال الصقلي فوق ريوهوم باين فيهوم السر خرجوهوم تاني بالصلاة والسلام والتزغريت تا وصلو الدار لقاوهوم موجدين ليهوم كليسة صغيرة فدار ديال توبة فالصالون باش انقشو ملسو تما مسرحين رجيلاتهوم وكيتسناو النقاشة توصل بيما وصلات خدمو لهوم الشعبي فواحد الباف ناضت توبة بلا عكس ترزمات وتحزمات على ترمتها وكالسة تلوز على أنغام (وخوكماااااا وخوكما البنات )والبنات كيصفقو ليها ويزغرتو تا جات النقاشة عيات وكلسات بدات للسمر هي اللولة تا سالات معاها عاد بدات لتوبة وهوما محنين والبنات مرة ينوضو يشطحو مرة يطبلو لراسهوم نشفات ليهوم الحنا وحيداتها ليهوم رقية عاد تنفسو سيختو توبة لي متاتحملهاش أما سمر عزيزة عليها بداو البنات كيمشيو تا بقاو غير بنات العائلة دخلو عندهوم الدراري كلسو حداهوم تا خداو ليهوم التصاور ونجم الدين ماحاملش الريحة غير صابر بزز
نجم الدين::لاش درتي هاد العجب
توبة::غاسكت تا أنا ماحاملاهاش ماما لي بززات عليا وهانتا شوف درت غير شوية
نجم الدين::ماشي مشكيل أحياتي
ناض باس ليها راسها وخرج وتبعو محمد أما البنات بقاو غير يشوفو كاينة لي حاسداهوم وكاينة لي فرحانة ليهوم وماتوقعوش يتزوجو في خطرة وحدة حيث صحابات وماكايتفارقوش والكل عارفهوم ديما مع بعضيااهوم ناضو البنات دخلو لبيت توبة بقاو مجمعين تا دخلات عليهوم رقية
رقية::واش فيكوم الجوع
سمر::اه اخالتي عتقينا راه من الصباح وكرشي كتغرغر
رقية::وخا أنا أنجيب ليكوم متاكلو ونعسو بكري ماتسهروش حيث فالصباح بكري غاتمشيو العدول باش تعقدو إنشاء الله
رقية كتهدر وعينيها مغرغرين شافتها توبة ومشات عندها باستها وعنقاتها
توبة::ياك أمي غي نتي لي كتݣولي ليا إمتى تفرحي بيا ونتزوج ودبا كتبكي
رقية:: إوا أبنتي ماكرهتش تبقاي حدايا ولكن تاني غانفرح كثر لا درتي دويرتك مع ولد ناس بحال نجم الدين
توبة:: إوا صافي أصلان راني غير فوق منك وقتما بغيت غانزل عندك او وقتما بغيتي طلعي عندي
سمر::توبة عندها الحق حنا غير جيران وقتما بغيتي جي عندنا تا أنا جي عندي ياك خالتي نجية صاحبتك وقتما بغيتي طلعي عندي نشوفك ونزل أنا وتوبة عندك مرة مرة
رقية:: إنشاء الله أبناتي الله يرضي عليكوم
توبة وسمر:: أميييين
مشات رقية تجيب ليهوم الماكلة باش يتعشاو عاد ينعسو وداكشي لي دارو نيت تعشاو وعرݣوها ماكلة عاد نعسو سمر باتت مع توبة حيت الدار ديالهوم عامرة بعائلتها و عائلة باباها رجال وعيالات ورقية وصاتها ماتنعسش تما لا يمشيو يديرو ليها شي حاجة بقات مع توبة نعسو وجبدو عليها جبدة وحدة تال الصباح
.....يتبع