للقلب أخطاء لا تُغتفر بقلم آية العربي

الحادى عشر-١ ( محاولة نهوض )

- عملت إيه يا بابا ؟

إتجه سالم يجلس ويقابله مردفاً بتحذير :

- أبعد عن ناصف يا حمزة ،،، ملكش دعوة بيه نهائي ،،، بطل تدور وراه .

ضيق عيــ.نيه وأردف بترقب :

- ليه ؟ ،، هو حضرتك تعرف عنه حاجة ؟

توتر سالم قليلاً ثم أردف بحدة :

- وانت مالك وماله ؟،،، عايز تعرف معلومات عن شغله ليه ؟،،، مانت عارف شغله كويس .

رفع حاجــ.بيه وتابع بترقب :

- بس عصبيتك دى يا بابا تأكد شكوكى !

وقف سالم ومال على المكتب يضع كفيه عليه ويقرب وجهُ من إبنه قائلاً بفحيح غاضب :

- أوعى تكون راسم جواك أوهام ومفكر إنك هتحققها ،،، تبقى بتحلم يا حمزة ،،، خلاص كان زمان وانتهى ،،، إنت دلوقتى متجوز وقريب هتبقى أب .

أعتدل يقف يطالع عيــ.نه الحزينة ثم تابع محذراً بقوة :

- أوعى تفكر إن جوز أختك مات في حادثة ؟،،، الطريق اللى إنت عايز تدخــ.له ده أخرته مــ.وت ،،، وأنا مش هسمحلك تخطى فيه لو على جثــ.تى .

جحظت عين حمزة وفرغ فاههُ لثوانى وعقله ذاهل ثم تساءل بصدمة :

- قصدك ايه ؟،،، حادثة منصور مُدبرة ؟،،، إنت كنت عارف حقيقته ؟،،، كنت عارف وجوزته بنتك ؟

نظر لإبنه بتمعن ثم هز رأسه وجلس مرتد يردف بصدق وشرود :

- لا يا حمزة ،،، مش للدرجادى ،،، سناء بنتى ،،، أنا كل اللى أعرفه عنه وعن أهله إنهم شغالين في إستراد وتصدير الأغذية ،،، وأغلب السوق بتاعنا عارف كدة ،،، بس منصور هو اللى عَك الدنيا واتفق مع ناس من برا عرفوا يوصلولوا وإختاروه هو بالذات ،،، وطبعاً محدش عرف عن شغله ده حاجة خالص غير متأخر ،،، وقتها كلمته يطلق سناء بس هو هددنى بيكوا .

إستمع له وتذكر القهر الذى عاشته شقيقته لسنوات ثم نظر لوالده بألم وأردف بترقب  :

يعنى أختى كانت كبش الفدا اللى ضحيت بيه علشان خاطرنا ؟ ،،، سبتهاله يا سالم بيه ؟

نظر سالم لإبنه بذهول ثم وقف يردف بحدة وغضب ويعود لعهده :

- إنت متخلف ؟،،، بقولك هددنى بيكوا وبيها ،،، ده واحد راح سلم روحه للمافيا وبإتصال واحد منه ليهم يقدروا يخلصوا على أي حد هو عايزه ،،، كنت عايزنى أعمل إيه ؟،،، ضمنت حياتكوا كلكوا بأنها تبقى على ذمته ،،، تبقى عايشة معاه أحسن ما تموت هى وانتوا .

زفر بقوة ثم رفع سبابته يردف بتحذير وغضب :

- إسمع إما أقولك ،،، إبعد عن ناصف وسكته ،،، صحيح هو غير أخوه بس يا عالم الناس دي وصلوله ولا لاء ،،، أنا مش مستغنى عن حد فيكم ،،، أنا بحاول بكل قوتى أكبركم وأزيد قوتكم واربطكم بمعارفي ومش هسمحلك تدخــ.ل نفسك في متاهة الناس دي ،،، فاهم ؟