أريناس: ولكن الشخصية بطبيعتها عمرها ماكاتبدل....نقدر نوللي فعقليتي مدينية ولكن غانبقاا درويشة ونية...كيفما حتى نتا تقدر تولي تتحكم فمشاعرك ولكن غاتبقا قاسي.
فهماتو قبل مايختم كلماتو.
كيسر(قرسها من حنكها المطبز): عندك الحق....وليتي ذكية.
رجع لبلاصتو...هو عمر السلاح ورصاه فالزيرو وهي قربات ليه كاتشوف فيه.
جبد من المجر علبة صغيرة ...فتحها وجبد منها غطاية صغيرة حطها على فم السلاح وهي توسسع اريناس عينيهااا بصدمة ودهشة فالوقت ذاته قايلة..
أريناس: ياااه...حتى الكابوس عندو السدادة؟!.
كيسر: غططاية ... اااه....كلشي فهاد الدنيا عندو باب...ساروت....قفل...ولا كود.
أريناس(كاتفكر):ااه عندك القحق ...الديووور...والماريوات والطوموبيلات...الكراطن( كاتحسب من نيتها)السوبيرات البرارد...وحتى التيليفووون فيه كود ياك؟..
كيسر: ااه إلا قلبي.... غي جيتي ودخلتي مادقيتي ماسلمتي...!
#استعداد....!
قهقهااات بلطافة على كلامو وهو هز العين فشنيفاتها المزنگين بضحيكة شللات شرايين قلبو....بلع الريق فحلقو ووقف جابد سلاح آخر من المجر.....بدا كايسللح جنابو بين سمطة سروالو وبين لحمو وهاز القبية الفوق باش يقادهم مزيان.
هي سمطة خصروو عجباتها وبقات كاتشوف فيه ماحدراتش عويناتها.
انتابه لنظراتهاا وهو ينطق مسولها.
"عجبوك ليزابدووو ولا السمطة؟".
أريناس:شناهوما ليززابدو؟.
كيسر دوز صبعو على طراساج عضلاتو.
"هادو".
أريناس حركات راسها بلا.
كيسر: ااه يعني السمطة.
حشمات من هضرتو وحسات بلي هي قديمة...بنادم كايعجبوو شي وشي وهي عاجباها سمطة خصرو؟.
أريناس( بخجل): واش انا قديمة ياك؟ واش ماخصهاش تعجبني ياك؟!
كيسر(نزل القبية على كرشو): لا عادي....كل واحد وشهوتو...مثلا انا كايعجبوني عينيك ورجليك...!
عضات على شنيفتها وحبسات ضحكتها حشمانة من تمللقو...ونطق كيسر مرة اخرى.
" نعسي حتى نرجع".
هزات راسها بواخا وهو خرج كايزرب خطواتو...من بعد مامشااا دخلات لبيتهااا جمعات شعرها وبدلات حويجاتها ودهنات رجيلاتها ويدياتها ونعسات ...فاقت بكري فنهار جديد مطحطحة ومدگدگة ليغيكل مسخفاهااا وسالخاها.....بقات ففراشها وملي حلات تيليفونها لقات بزاف دليزابيل والميساجات من لالة نجمة ....وفاش قرات اوديوهاتهااا صدماتها برجوعهااا...لي هو اليوم وعلى غفلة.
قفزات فبلاصتها مامتيقاش....عاودات دارتليها اوديو مسولاها واش بصح ولا كاتضحك معاها....وأكدات ليها نجمة بلي راجعة واليوم.... اريناس لاحظات بلي صوت نجمة عيان وسولاتها مالها....ولكن كان جوابها عادي فأوديو فيه.
" غير عيانة شوية مع هاد البرد اابنتي تروحت وتسخسخت ماشكيت عليك...توحشت الدار وتوحشتك وتوحشت كيسر ولدي...وقطعنا التيكي البارح سيفطتليك نقولهاليك لقيتك نعستي".
ماداتهاش اريناس فداكشي بالفرحة ناضت دغيا متفكرة بلي الوقت كايطير يالله تنوض توجد شي حاجة لاستقبالهم .
دغيا طرفات حالتها ونزلات جمعات الدااار كووولهااا ...شافت كيسر مانزلش عرفاتو ماوصلش بكري للدار داكشي باش نعس بزاااف بنهار.....دارت الغداا كلات وخلات ليه ....وصاوبات حليوات و شمرات على دريعاتها وطرطقات مسيمنات سريعات .
وهي غارقة فخدمتهاا وفرحانة برجعة سيدها ومولات الدار...سمعات صوت كيسر من وراها مخاطبها.
كيسر: شنو كاديري هممم؟
أريناس( دارت عندو بزرية مخلوعة من صوتو لي سمعاتو على غفلة وهي ساهية): ءء المرشوووش...الربااز زعما.
كان مسند على رسل الباب مربع يديه ومضيق عينيه فيها.
كيسر: اهاه وقهوتي ...و فطوري وغدايا؟!
أريناس:ها؟!.
كيسر:علاش ماجيتيش تفيقيني فحاليلا نسيتيني؟!.
أريناس: لا غير خالتي نجمة قاتليا راهم جايين اليوم....ونضت نوجد ونجمع الدار مزيااان باش..
كيسر قاطعها مامسوقش لهضرتها حيت ديجا فخبارو وحيت جا معطل مالقاش كيفاش يقولهاليها...كانت ناعسة.
"اجي لهنا".
أريناس(خافت):غاتضربني؟
كيسر:تجي ولا نجي؟!.
أريناس(كاتلف فيه): ن...نتا لي غااتجي تفرتت معايا المسمن راه ...راه جايا خالتي نجمة.
.
كيسر: إلى جيت انا غاانفرتت ليك العضام ماشي المسمنن....دابا تجي ولا نجي؟!.
اريناس: وابسسيف بسسسيف .
YOU ARE READING
خادمة القاسي
Teen Fiction🍷🥂خــادمـة الـقاسـي🥂🍷 ✦وكأن عيناكِ في الحسن آية تتلى على قوم كفروا فاهتدوا...! بـأنامـل:•مـلاك هـانسل• 🥂أريناس🥂 قللو منهاا ورفعوها من سننهاا ومن المكان لي جات منوو ...ونساو بلي عمر بنادم يتقاس بأصلو وسسنننو ...وعمر المستقبل ترسسم على...
الجزء 42
Start from the beginning
