system 091

(7.7)

ယုံကြည်ရသူ၏နောက်ကျောကိုဓားနဲ့ထိုးခြင်းခံခဲ့ရသည့်ဝမ်ဧကရာဇ်ဟာမယုံကြည်နိုင်မှုများစွာဖြင့်သေဆုံးခဲ့ရသည်။ပုံမှန်ဆိုရှောင်ကျန့်အနေနဲ့ထိုသို့ အမျိုးသားဇာတ်လိုက်တွေရဲ့အပြုအမူနဲ့ပတ်သပ်ပြီးသိပ်ဂရုထားနေမည်မဟုတ်ပေ။

သို့သော်လည်းအခုဝမ်ဧကရာဇ်မှာသူ့ရဲ့ တရားဝင်ယောက်ျားတစ်ယောက်ဖြစ်နေသည်။ကိုယ့်ယောက်ျားအပေါ်ဒီလိုသစ္စာဖောက်နိုင်ချေများတဲ့သူကိုဘယ်လိုလုပ်ကြည်ကြည်ဖြူဖြူလက်ခံနိုင်ပါ့မလဲ။

ရှောင်ကျန့်မဲ့ပြုံးပြုံးလိုက်သည်။သူ့အနောက်ကို ခိုးကြောင်ခိုးဝှက်လိုက်လာသည့် ဖင်းဂူဖေးကိုသတိရသည့်အခါတွင်သူ့အပြုံးမှာပိုတောင်ပီပြင်လာသေးသည်။ ပထမက ဇာတ်လိုက်မကိုနည်းနည်းကလိချင်စိတ်ရှိရုံပင်ဖြစ်ပေမယ့် အခုတော့အမျိုးသားဇာတ်လိုက်တစ်ယောက်ရဲ့ရင်ထဲကို ရွှယ်ရင်းရင်း၏ဆိုးဝါးတဲ့ပုံရိပ်တွေသာပြည့်သိပ်သွားအောင်ပြုလုပ် ရန်ဆုံးဖြတ်လိုက်သည်။

[ရောက်ပြီhost....အရှေ့ကလူအုပ်ထဲမှာဇာတ်လိုက်မ ရှိတယ်]

ရှောင်ကျန့်ကရုတ်ရုတ်သဲသဲဖြင့်တစ်စုံတစ်ခုကိုဝိုင်းအုံကြည့်နေဟန်ပေါ်သောလူအုပ်ကြီးကိုကြည့်ရင်း လူတွေကြားထဲတိုးဝင်လိုက်သည်။အနောက်ကလိုက်လာသည့် ဖင်းဂူဖေး ရှောင်ကျန့်ဘာကြောင့်ထိုလူအုပ်ထဲအတင်းတိုးဝင်သွားမှန်းနားမလည်ပေ။သို့ပေမယ့်သိချင်စိတ်ကများနေသဖြင့်သိပ်ဂရုမစိုက်ပဲလူအုပ်စုကြားထဲလွယ်လွယ်ကူကူတိုးဝင်လိုက်သည်။

လူတွေကြားထဲတွင်ခပ်ကျယ်ကျယ်နေရာလွတ်တစ်ခုရှိပြီး ယခုချိန်၌ဇာတ်လိုက်မ ရွှယ်ရင်းရင်းဟာ အဖွားအိုတစ်ဦးနှင့် အသည်းအသန်ငြင်းခုံနေလေသည်။ဘေးလူတွေ၏စကားအရ ရွှယ်ရင်းရင်းဟာ သူ့ရဲ့ငွေထည့်ထားတဲ့အိတ်ကိုဒီအဖွားအိုက ခိုးပါတယ်ဟုချက်ကျလက်ကျ စွပ်စွဲနေတာကြောင့်ပင်။

ဇာတ်လိုက်မအရှိန်အဝါကြောင့်အနီးအနားကလူတိုင်းနီးပါးစိတ်ဝင်တစားဖြင့်ဝိုင်းအုံကြည့်ရှု့လာကြကာ မည်သူမှားသည်မှန်သည်ကိုဝေခွဲမရပဲရှိနေ၏။ တော်တော်များများကတော့ ရွှယ်ရင်းရင်းကိုရိုင်းစိုင်းသည်ဟုထင်မှတ်ကြသည်။ကိုယ့်အဖွားအရွယ်လောက်ရှိတဲ့အမယ်အိုကြီးကို သက်သေခိုင်ခိုင်လုံလုံမရှိပဲ သူခိုးဟုစွပ်စွဲသည်မှာ လွန်သည်ဟုထင်ကြသည်။