Unicode
ဟေးလစ်ခ်ကရှောင်ကျန့်ရဲ့အင်္ကျီစကိုမလွှတ်တမ်းအတင်းအကြပ်ဆွဲကိုင်ထားတာကြောင့်နောက်ဆုံးသူတို့မှာအင်္ကျီကိုဆုတ်ဖြဲလိုက်ရသည်အထိပင်။
ရှောင်ကျန့်မှာဘာရယ်မဟုတ်'ဟို'ရာဇဝင်ကိုသတိရမိသွားသည်။ရှင်ဘုရင်တစ်ပါးကချစ်ခင်နှစ်သက်တဲ့ယောက်ျားလေးအိပ်မောကျနေသည်ကိုမနှိုးရက်၍သူ့ဝတ်ရုံလက်တစ်ဖက်အားဖြဲကာထလာသည်တဲ့လေ။ဒါကိုတစ်နည်းအားဖြင့်လူတွေကဝတ်ရုံလက်ပြတ်၊ယောက်ျားလေးကိုသာကြိုက်နှစ်သက်သူဟုပြောကြသည်။
သူကအခုဟေးလစ်အတွက်အဝတ်စကိုဖြဲလိုက်တဲ့အခါအဲ့ဒီသဘောတော့မသတ်ရောက်နေပါဘူးနော်။
ရှောင်ကျန့် : "....."
ဖူး....ဖူး....ဒီညစ်တီးညစ်ပတ်အတွေးတွေကိုမောင်းထုတ်လိုက်စမ်း။ဟေးလစ်ခ်က၃နှစ်ပဲရှိသေးတဲ့ဟာ။ငါဘယ်လောက်တောင်တိရစ္ဆာန် ဆန်လိုက်သလဲ။
ရှောင်ကျန့်မှာသူ့ရဲ့ရူးကြောင်ကောင်အတွေးတွေကိုကမန်းကတန်းနှင်ထုတ်လိုက်သည်။အယ်ဗင်ကဟေးလစ်ခ်၏လက်သေးသေးလေးအတွင်းကအင်္ကျီစကိုကြည့်ရင်းအနည်းငယ်ဆွံ့အ သလိုခံစားလိုက်ရသည်။
ဘယ်လိုပြောရမလဲ။ကိုယ့်အိမ်ကဂေါ်ဖီထုတ်က'ဝက်'နောက်ကိုအတင်းတွေလိုက်ချင်နေသလိုမျိုး.....အဟွတ်။
"သခင်လေးအဆင်ပြေမှာပါ....ဟုတ်တယ်မလားဟင်"
အယ်ဗင်ကရှောင်ကျန့်ရဲ့စိုးရိမ်နေသည့်မျက်လုံးတွေကိုသတိထားမိစွာပြန်ဖြေလိုက်သည်။
"အင်း....သွေးဆင့်ကဲပြောင်းလဲတာကရုတ်တရက်ကြီးဖြစ်သွားတာဆိုတော့ငါလည်းသေချာမသိဘူး....ဒါပေမယ့်သူဘာမှဖြစ်မှာမဟုတ်တာတော့သေချာတယ်...."
ရှောင်ကျန့်ကvampireငယ်လေး၏လုံခြုံမှုကိုအသေအချာအတည်ပြုပြီးသည့်နောက်အပူလုံးကြီးတစ်လုံးကျသွားသလိုမျိုးသက်ပြင်းအသာချလိုက်မိ၏။ထိုအခါမှသာရှောင်ကျန့်ဟာကြမ်းပြင်ထက်၌သေသလားရှင်သလားမသိပဲလဲကျနေသည့်ဇာတ်လိုက်လင်သုန့်ဘက်အာရုံရောက်သွားသည်။
သူ့ရဲ့မျက်လုံးကိုအနည်းငယ်မှေးကျဥ်းလိုက်ရင်းအယ်ဗင်လက်ထဲကနေဘယ်လိုအလစ်သုတ်ပြီးကယ်ထုတ်သွားရင်ကောင်းမလဲဆိုတာစဥ်းစားသည်။
![](https://img.wattpad.com/cover/239221949-288-k577143.jpg)
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]