الأمنية

الجزء السادس و الثلاثون

الجزء السادس و الثلاثون

هبة كانت متوثرة عكس دعاء لي مكانتش مسوقة.. كلشي شافو دعاء و بقاو تيشوفو حيت عرفوها بلي هي لي عطات الفيديو كهدية للينا..

هبة: مالهم تيشوفو فينا؟
دعاء: خليهم يشوفو! متخافي من تاشي حد الخوف ديالك هو لي غيخليهم يحطموك.. على راسك الفوق حيت مدرتي تاشي حاجة تستدعي الحشمة..

هبة حركات راسها بآه و علات راسها هاد الحركة لي زادت فثقتها و كل وحدة مشات لقسمها.. هبة دخلات للقسم و تتشوف بلي كلشي تبدل المتنمرين تاشي واحد مقرب منها ولا حاول يدير شي حاجة.. ابتاسمات باستهزاء فاش تفكرات شنو عاودات ليها دعاء.. بلي كل واحد فيهم عندو سر و شادة عليه شي حاجة و هادشي كامل كاين فتيليفون هبة..

أما دعاء

جلسات و تتشوف فالكرسي لي حداها خاوي حتى هضرات واحد لبنت قدام..

لبنت: واش فخبارك شنو وقع ولا لا؟
دعاء: لا شنو وقع؟
لبنت: لينا و مروان و هداك لي صورهم غيدوزو فالمجلس التأذيبي ليوم..
دعاء: علاش شنو دارو مساكن؟
لبنت باستغراب: ياك كنتي فالعيد ميلاد؟
دعاء: اه كنت و نسيت!!
لبنت: فهمتك! و لكن راه مورا منشيتي جاو البوليس و هزو گاع لي كانو تماك و حتى لونبيلونص جات.. غير لبارح خرجو من الكوميسارية.. و هادو لي مشاو للصبيطار حتى هما.. و لينا مبانتش و تواحد معارفها فين كاينة

دعاء هزات كتافها: مزيان!

اما عند المدير

جالسين الأساتذة و واقفين ثلاث ديال التلاميذ من بينهم لينا لي وجهها زرق و مروان تاهو كاره الوضع..

برا الغرفة كانو أولياء أمور التلاميذ و من بينهم مامات لينا.. لي شافت فيديو ديال بنتها و هي محاملاش راسها..

داز الوقت

و خرجو بثلاثة من غرفة المدير بقا غير هو و الأساتذة باش يقررو شنو غيديرو.. لينا وجهها فالأرض مها شنقات على مروان..

الأم: ولد الحرام شنو بغيتي من بنتي؟ غتبعد عليها واش فاهم؟ عطيها بالتساع الحرايمي..
أب مروان دفعها على ولدو: بعدي منو و حضي بنتك هي لولة!! عاد شوفي ولدي

تعالاو الغوات و صراخ أولياء الأمور كل واحد تيلوح اللومة لاخر حتى خرج المدير صاعر..

المدير: السكاااات!!!
كلشي شاف فيه تينتاظرو شنو غيديرو.. من بعض هضر المدير..
المدير: قرار المجلس هو بطردهم بثلاثة..
الأم: شكون نتوما لي طردو ليا بنتي؟ واش مخايفينش على ريوسكم؟
المدير: سمعة ديال المدرسة هاد الثلاثة خسروها.. و عقاب ديالهم هو الطرد..
الأم دارت عند هداك لي صور: و نتا غادي نرفع عليك دعوة نوريك تصور بنتي بشحال تطيح..
الأم ديالو هضرات: رفعيها باش نيت يدخلو بنتك بتهمة فساد!! شكون التهمة لي خايبة فيهم؟ دوي؟
المدير عصبوه: خرجووو عليا من المؤسسة ديالي نتوما و ولادكم كملو الغوات براا راه هنا كلشي تيقرا..

نرجعو عند هشام

كان يلاه خارج حتى عيطات ليه مو

جميلة: واش عرفتي شنو واقع فالمدرسة؟ راه عيطات ليا المساعدة ديال المدير و عاودات ليا!
هشام قرن حواجبو: شنو وقع؟ واش دعاء؟
الأم بفرحة: لا ماشي دعاء هادي صاحبتها!!
هشام: اينا صاحبتها؟
الأم: لينا!
هشام تنهد: و انا مالي مع لينا؟ ضبر راسها..
الأم: وراه وقع فالعيد ميلاد كارثة غير دعاء فلتات منها و صافي..

#يتبع