الأمنية

الجزء السادس و العشرون

الجزء السادس و العشرون

هبة هبطات من طونوبيل و تمشات فاتجاه الدار و هي شادة الهدية لي عطاتها دعاء فالصباح باش تعديها للينا.. شوية حسات بشي حد جرها.. دارت لقاتها دعاء..

دعاء بحدة: فين غادية؟
هبة باسغراب: ياك قلتي بلي خاصني نحضر لعيد ميلاد صاحبتك!
دعاء مخنزرة: مغاديش دخلي دابا!
هبة بعدم فهم: علاش؟
دعاء: حيت انا لي خاصني نكون محط الأنظار ماشي هي..
هبة تفاجآت و قالت فخاطرها: واش هادو صحابات؟؟
دعاء: واش فهمتي؟

هبة حركات راسها بآه.. دعاء شادة تيليفون تتسنى ميساج

نمشيو عند لينا

غير غادة جاية و كل مرة مسخرة لميكاب ارتيست للحفلة باش تشوف واش هبة جات ولا لا.. و تتلقى نفس الجواب مزال مكايناش.. لينا توترات و تتسول راسها واش عرفات شي حاجة على علاقتها بمروان؟ يكما هاديك لبنت قالت ليها شي حاجة؟ و بزااف ديال الأفكار طاحو ليها فبالها و لكن قالت فنفسها "حتى الا عرفات مسوقيش لمهم هو شكون اختار و هو اختارني انا!!"

لينا خرجات من البيت و هبطات لتحت فاتجاه الجردة.. غير خرجات جميع الأنظار عليها كانت لابسة كسوة فلگري لامعة ديال السهرات و قصيرة مع كعب عالي و المكياج ليلي.. جات زوينة بزااف..

شعرها خلاتو على راحتو مطلوق و الابتسامة فوجهها ملي شافت بلي الجردة عمرات.. كلشي تيبارك ليها العيد ميلاد و كاين لي تيتعزل فجمالها..

أما براا

واقفة هبة و دعاء.. دعاء كانت لابسة عادي عكس هبة لي كانت لابسة فستان طويل شوية و دارت مشطة لشعرها.. و طالون تاهو الماكياج جاها زوين.. بانت في غاية الجمال.. دعاء وصلها ميساج من عند واحد الولد لي هدداتو باش ملي تهبط لينا يصيفط ليها ميساج.. غير شافتو بتاسمات و شافت فهبة..

دعاء: دابا دخلي!! و عطيها الهدية قبل مطفي الشمعة..

هبة حركات راسها بآه و دخلات.. مع دخلات كل الأنظار توجهو ليها كانت في غاية الجمال.. و مع عندها جمال روسي و كانت مبتاسمة.. الابتسامة لي دوبات قلوب الجميع فين تبان لينا قدامها..
لينا غير بانت ليها جاية و شافت خدات انظار الجميع.. و سرقات الأضواء فنهار عيد ميلادها.. حقدات.. كيفاش فعيد ميلادها يوقع ليها هادشي فعاود ميهتمو بيها و تكون محط انظار الكل، هبة تاخد منها هادشي او نقولو دعاء حيت هاكا الكل تيشوفها.. عينيها غرغرو.. وخا هكاك بزز بتاسمات باش متبينش.. و غير وصلات لعندها هبة باركات ليها العيد ميلاد و لينا شكراتها فوق قلبها..

لينا: حتى قلت مغاديش تجي
هبة: و لكن جيت! نتي صاحبتي مستحيل منجيش نهار عيد ميلادك..
لينا: عارفة لي كاين!

دازت مدة

الكل كان مستمتع هبة متوترة و باغة غير وقتاش تمشي.. تاجهات عند لينا لي كانت وصاتهم باش غير توصل طناش ديال ليل يجيبو الحلوة..

هبة: لينا!
لينا دارت عندها: نعام؟
هبة: مهم انا راه خاصني نمشي

مدات ليها الهدية

هبة بابتسامة: هاكي لكادو ديالك

لينا شدات من عندها لكادو و هي مصدومة

لينا: كيفاش؟ غادة قبل منطقي الشمعة؟؟
هبة: غير عيانة و صافي بغيت نمشي
لينا: و لكن انا صاحبتك!! و أصلا كلشي غادي يبدا يهضر صاحبتها خلاتها نهار عيد ميلادها!! شنو نخليو فين يهضرو علينا
هبة تنهدات: تاشي حد ميقدر يدخل فينا! لي بغا يقول شي حاجة يقولها انا صافي مبقيت غنتبع كلام حد.. حيت لي تبع كلام الناس غيخرج على راسو..

#يتبع