الأمنية

الجزء الثاني و الثلاثون

الجزء الثاني و الثلاثون

هبة تتسنى دعاء بفارغ الصبر تفتح الهدايا لي جاوها.. بقات تتحل واحد بواحد.. و ترسمات فوجه هبة الحزن ملي وصلها نفس الهدية من عند شخص آخر واحد البنت عنقاتها و فرحات بالهدية بزااف.. و بقات تتكمل لحلان ديال الهدايا و الهدية لي معجباتهاش تتلوحها فالأرض و تتنطق بكل غرور و احتقار..

دعاء: هادي للزبل

دارت هاد الحركة مع بزاف ديال الهدايا.. دعاء قلبها تقبض بحالا تتشوف وحدة مختالفة بزااف عليها اولا نقولو مكانتش عارفة بلي هي دايرة هاكا عمرها مشافت راسها حتال دابا.. خصوصا ملي وصلات لهدية ديال هبة و عاودات نطقات بكل برود..

دعاء: حتى هادي للزبل!!

دعاء ملي شافت هادشي بحالا تصرفقات.. تصدمات بزااف

دعاء مخاطبة راسها لي فالزاجة: مكلخة شنو تديري؟؟ واش تسطيتي!! گاع هادشي لي دارت ميمكنش يمشي غير هكاك!!!

دعاء تعصبات و بدات تتضرب فالزاجة بيديها و بغات تحاول تمنع راسها من شنو دارت و مكرهاتش تضرب راسها على جميع أفعالها.. هبة من مور هاداك المنظر حسات بالضياع.. و خرجات من العيد ميلاد بكل هدوء حتى وصلات للنهر و تمنات الأمنية المشؤومة.. لي تاهي مفادتها بوالو ولا حلات مشكلتها.. و هنا سالات القصة ديال هبة قبل الأمنية.. دعاء غير تتشوف ملقات متقول حسات براسها متتسواش

المخلوق: شفتي علاش؟

دعاء حركات راسها بآه و عينيها عامرين بالزموع

و هو يخرجها من تماك.. كان هشام باقي تيعيط عليها حتى شافهم خرجو من النهر بجوج.. و هي تترعد مشا لعندها..

هشام: مالكي؟ شنو وقع معاك؟

دعاء غير تترعد

المخلوق تيهضر مع دعاء على الأمنية: جاتك!!

غير كمل هضرتو رجع للنهر.. هشام حيد جاكيطتو و لبسها لختو لي فازگة تتقطر.. داكشي لي عاشتو دعاء كامل كان فقط فخمس دقائق..  يعني التوقيت لي كاين فلبلاصة لمشات ليها دعاء مختالف على التوقيت الحقيقي.. يعني دعاء گاع داكشي لي شافتو كانت فقط فخمس دقائق..

دعاء تترعد بالبرد: ديني من لهنا!!

مشاو من تماك توجهو بثلاثة توجهو للدار ديال عائلة هبة لي قريبة من تما.. دخلو لغرفة ديال دعاء بثلاثة..

هبة تطمنو: غير سير انا غنبقا معاها!
هشام مخنزر: لا من الأحسن انا نبقى مع ختي!
دعاء هضرات: هشام غير سير و خلينا!

خرج و خلاهم.. هبة عاونات دعاء لي كانت غير تترعد بالبرد و راسها فيه غير أحداث شنو وقع مع هبة.. و بزااف ديال الأسئلة تدور فراسها.. وقتاش ولات غير مبالية بمشاعر الناس؟ واش گاع لي لاحت هداياهم بحال هبة؟ واش حتى هما حطمات قلوبهم؟ كيفاش حتى تقدر تصلح هادشي لي دارت؟ و بزااف ديال الأسئلة و لكن الحاجة الوحيدة لي عارفاها خاصها تصلح الغلط ديالها.. و دير المستحيل باش متبقاش بحال هاكا.. مبغاتش تكون سبب فتعاسة الناس ولا تحرق المشاعر ديالهم..

هبة: واش تبغي دوشي؟

دعاء يلاه كانت ناوية تقمعها و تقول ليها ماشي نتي لي تقولي ليا شنو ندير.. و هي تبدا تضحك!! واش لهاد الدرجة؟ سرطات لسانها مقالت والو غير حركات راسها بآه.. دخلاتها هبة للحمام و حطات ليها الفوطة و خرجات و خلاتها.. حالة دعاء كانت باينة مريضة.. هبة بقات فيها و مشات للدريسينك توجد ليها الحوايج لي غادة تلبس..

دازت مدة

خرجات دعاء من الحمام.. هبة مدات ليها الحوايج و هي مبتاسمة

هبة: هاهما حوايجك!

دعاء عاوتاني بزز سكتات و خدات الحوايج من عندها.. هبة خرجات و خلاتها هبطات لتحت متوجهة للكوزينة حتى وقفها هشام

هشام: دعاء!

صحابايه صافي تبادلو لبلايص

هبة: لا باقي!! انمشي نوجد ليها شي حاجة تاكلها

حرك ليها راسو بآه، و هي تاجهات للكوزينة كانو جميع الخدم ناعسين حيت جاو فوقت متأخر.. و بدات تتقاد ليها الماكلة فصينية و حطات ليها العصير و هي تهز الصنية متوجهة لبيت دعاء.. و داكشي لي كان غير حلات لباب كانت دعاء لابسة حوايج الخروج و ميتعدة باش تنزل..

#يتبع