الجزء السابع عشر
هشام خرج من الدار لقا الشيفور يلاه غيتحرك بدعاء و هو يوقفو
الشيفور: نعام ا سي هشام
هشام: أنا لي غادي ندي ختي للمدرسةالشيفور تفاجأ حيت هادي سينين و هو معاهم تيديها بنفسو تاشي حد آخر.. هبة هبطات من الطونوبيل و تبعاتو للطونوبيلتو و ركبو دغية تحرك..
هبة: واش غتهضر معاها؟
هشام: تتهضري على ختي؟هبة حركات راسها بآه
هشام: ضروري!! خاصنا نلقاو حل ميمكنش تبقاو بجوج هكا!!
هبة: أنا مكنتش متوقع بلي الأمنية توصل بيا لهنا و دعاء حاقدة عليا بزااف
هشام: دعاء حاقدة على الكل!! و لكن غنصلح هادشي كامل الحل غادي يتلقى..نمشيو عند دعاء
خرجات من الدار ركبات فطوبيس.. هي عكس هبة تيحطها طوبيس حدا المدرسة و متتسوقش للتنمر ديالهم حيت تتعطيهم خو جوابهم كل واحد عارفة عليه شي حاجة استغلات جسد و دور هبة مزيان..
حيت تواحد متيهتم فيها ولا معبرها فالمدرسة و عرفات بزااف ديال الحقائق و الأسرار على المتنمرين و كلشي عندها فتيليفون.. ملي تيتنمرو عليها تتجاوبهم بالمعاني باش يعيقو بلي عارفة أسرارهم.. و بهاكا ولات عندها مكانة فالمدرسة كلشي داير ليها حساب و تاشي حد متيقدر يحل فمو عليها.. يعني المكانة لي كانت عندها قبل ميتبادلو الأدوار ولات تترجعها بشوية بشوية..
دخلات للمدرسة لي ولى الكل تيشوفها مبقاتش تتبان كشبح و هي راسها مرفوع دخلات للقسم و جلسات و بداو تيتقربو منها و يشريو معاها معرفة باش متفرشهمش.. و هي مبتاسمة باستفزاز حيت فاهمة الفلم و عارفة علاش تيديرو هاكا..
نمشيو عند هبة
لي وصلها هشام للمدرسة كلشي شافو و عرفوه خوها حيت مشهور بزااف فسوشيال ميديا.. هبطات من طونوبيل و حتى هو هبط تابعها..
هبة: فين غادي؟
هشام: نشوف ختي! و نهضر معاها..
هبة: من الأحسن بلاش دابا
هشام: متنتشاورش معاككملو طريقهم و هبة تتشوف فالأرض خصوصا ملي سمعات الوشوشات لي من ديما تيأثرو فيها..
"علاش جاي معاها خوها؟" "راه مدة مبقاتش جات للمدرسة" "علاش شنو واقع؟"
هبة تاجهات للقسم و هشام مشا عند المدير ديال المدرسة لي استقبلو بحفاوة..
هبة دخلات للقسم مشات جلسات فبلاصتها لكن لاحظات بحالا الاهتمام بيها قل.. كانت تتجي تتلقى القسم مدورها و تيهضرو معاها بحب عكس دابا لي مدوراهم لينا و دايرة الحلقة تتعاود ليهم على العيد ميلاد ديالها كيفاش غيدوز و شنو غادي دير فيه.. تتهضر بتعالي و غرور و كلشي منباهر بيها و عندهم فضول باش يعرفو شنو غادي دير فعيد ميلادها راه ماشي أي وحدة هي أقرب وحدة لدعاء لي الكل تيتمنى يكون فبلاصتها.. و هي تتعاود ليهم باش تبين لهم بلي عيد ميلادها غيكون أحسن بدرجات من عيد ميلاد دعاء.. و بلي عيد ميلادها غيحضر ليه أكبر عدد ديال الأشخاص.. حيت عيد ميلاد تيقيسوه بعدد الأشخاص لي غادي يجيو ليه و غادين يبقاو فيه حتال الصباح.. بحال عيد ميلاد هبة لي المدرسة كلها حضرات ليه و تقريبا كلهم بقاو حتى سالا من غير شي وحدين قلال..
عند مدير المدرسة
هشام جالس و المساعدة ديال المدير دخلات ليه قهوة و خرجات بدا تيرشف منها بشوية و فنفس الوقت المدير تيشوف فيه تيتسناه شنو باغي يقول زعما سبب المجية ديالو..
هشام: واش المدرسة فيها التنمر؟
المدير: لا بالعكس مكاينش لي يتعرض للتنمر و الا شي حد دار لختك شي حاجة غير شير بيديك فنفس الوقت غنجريو عليه
هشام: و هاد الهضرة غير على ختي ولا على جميع التلاميذ ديال المدرسة؟#يتبع
![](https://img.wattpad.com/cover/326278593-288-k886465.jpg)
أنت تقرأ
الأمنية
Fantasy🖐️من بعد "راشيت" لي هي اول قصة ديالي لي كتبتها عن حب و قصة "الصلح" ثاني قصة من كتابتي و تأليفي و قصة "حب نتيجة خطأ طبي" فكرة و تأليف: Sarah Sarrita و كتابة :Lay La 💯 جيت و جبت ليكم الجديد قصة بفكرة جديدة تماما و احداث فيهم العبرة..👸 💋تنتمنى...