الأمنية

الجزء الثامن و العشرون

الجزء الثامن و العشرون

************فلاش باك**********

أحداث من الأجزاء 9 و 8

دعاء شدات الصف خدات غداها مشات جلسات فالبلاصة لي موالفة تتجلس فيها و هي توقف عليها لينا..

لينا بغرور: هيه! نتي
دعاء هزات فيها راسها مخنزرة: بلاصة الفقراء لي بحالك لهيه!! يلاه متوسخيش لينا طبلتنا
دعاء: هي الا مشيتي ليها نتي نيت!!

لينا ربعات يديها و بدات تتضحك

لينا: أشنو؟ انا نمشي مع هبش ناكل معاكم؟ سيري سيري قبل منجيب لي يديك
دعاء: جربي!!

هنا جات هبة و بانت ليها دعاء توترات معرفات متقول دعاء غير شافت هبة و شافت الجسد ديالها زيرات على يديه بزز متحكمة فغضبها و هضرات

دعاء: شدي صاحبتك و ديها عليا من لهنا قبل مندير شي حاجة لي متعجبكش!!
هبة: لينا!! مبغيناش الصداع يلاه
لينا بعصبية: بلاتي أ دعاء!! واش غنخاف من هاد الموسخة (بالغوات) يلاه نوضو حيدو عليا هادي من لهنا!!

بداو تيتجمعو ملي سمعو الصداع و كاين لي جا و واحد دري تتعجبو لينا شد دعاء بعنف و هزها من تماك و دفعها بالجهد حتى طاحت

الولد: راه بلاصتك لهيه!!

*******نهاية لفلاش باك *********

دعاء: تبارك لله عليك! لفيديو طلع ناضي..

كلشي سمع شنو قالت ليه شافو فيه عرفوه طايح فلينا.. و تيقو بلي دارها غير حيت تيبغيها و هي مداتهاش فيه صدماتو اتهماتو بشي حاجة مدارهاش.. الولد تيشوف فيهم و تيحرك راسو بلا و هو مصدوم..

سعيد: لا لا! ماشي أنا!! أنا مدرت والو؟ تنحلف ليكم انا مصورتش!!

ولد آخر بسخرية: مكبوت!! ملقيتي متصور؟؟ كن بغيتي فين تبردو نعطيك ليان ديال واحد سيت ناضي
صاحبو بطنز: راه ماشي بحال لينا!! شفتيها كيف كانت تدير حسن من ممثلات ديال لبورنو

كل واحد هضر بهضرة فشكل و عايرو سعيد و لينا مخلاو مقالو حتى من مروان مسلتش من هادشي.. و شافو فهبة لي فجسد دعاء بشفقة حيت لينا صحبتها و طعناتها فظهرها.. دعاء توجهات عند هبة

دعاء: يلاه!!
هبة شافت فيها مخنزرة: واش تسطيتي شنو درتي؟؟
دعاء: نتي لي درتي نتي لي عطيتيها لكادو و نتي لي شوهتيها!!!
لينا دارت عند هبة و هضرات: علاش؟؟ علاش هادشي كامل شنو درت ليك؟ انا منستهلش هادشي و نهار عيد ميلادي من لفوق؟ قبل حتى منقطع الحلوة..

غير كملات هضرتها جات الحلوة دخلات للجردة و كلشي تيوشوشو..

دعاء بسخرية: سيري قطعيه دابا!!
لينا بحقد: نتي مهضرتش معاك!!
دعاء بعصبية: عندك الوقت لي تهضري فيه؟؟ واش نتي نعستي مع صاحب صاحبتك!! راجل لي تتبغيه و تتموت عليه حطيتي عينك عليه؟؟
لينا بعصبية: انا شفتو قبل انا بغيتو قبل!!
دعاء بالغوات: حتى دابا الله يطليك بيه!!

دعاء مشعراتش حتى دفعات لينا حتى طاحت فلبيسين.. كلشي بدا تيضحك مروان بانت ليه القضية حامضة بغا يهرب من العيد ميلاد لي مبقاش عيد ميلاد.. و هما يتجمعو عليه لبنات لي كان تيضحك عليهم

مروان بتوتر: غير نشرح ليكم!!

لبنات بلاما يجاوبوه تلاحو عليه و كل وحدة تضرب من قنت.. مقدرش يدير شي حاجة خلاهم على اساس غيحبسو لكن والو.. و غير تيسبو فيه و يشتموه ملي سالاو، جا ينوض تجمعو عليه دراري.. تيضربو فيه دراري لي متيحملوهش و باغين غير السبة.. شوية بان ليك الشجار كبر و شي تيضرب شي و مشاو للحلوة و بداو تيشيرو بيها..

#يتبع