system 091

(7.3)

ရွှယ်အမတ်ကြီးဟာသက်ပြင်းအရှည်ကြီးချလိုက်ရင်းအဆောင်တံခါးကိုဆွဲဖွင့်လိုက်သည်။

"ငါ့ကိုလမ်းပြ...."

"ဟုတ်ကဲ့ပါအမတ်မင်း..."

အစေခံ၏လမ်းပြမှုနဲ့အတူရွှယ်အိမ်တော်၏ဥယျာဥ်ရှိရာဆီသို့ရောက်ရှိလာသည်။

ဥယျာဥ်အတွင်း၌လူအုပ်လိုက်ဖြင့်ရှုပ်ရှပ်ခတ်၍နေသည်။ရွှယ်ရင်းရင်းကိုအစေခံမိန်းကလေးတစ်ချို့မှာထိန်းကိုင်ထားလျက်ဒဏ်ရာဗလပွဖြင့်မိန်းကလေးတစ်ဦးဟာလည်းတစ်ရှုံ့ရှုံ့ငိုနေ၏။ရွှယ်အမတ်ကြီးကိုမြင်သည့်အခါတွင်ကုတ်ရာခြစ်ရာတွေဖြင့်အနှီးမိန်းကလေးဟာအားကိုးတကြီးပြေးလာသည်။

"အဖေ...အဖေ....ရင်းရင်းကရူးနေပြီလားမသိဘူး....."

ရွှယ်အမတ်ကြီးဟာသူ့သမီးကြီး၏ခေါင်းကိုပွတ်ပေးလိုက်ရင်းသူ့မျက်နှာမှာတင်းမာနေသည်။သူ့သမီးတွေထဲတွင်ရွှယ်ရင်းရင်းကိုအချစ်ဆုံးဆိုသော်လည်းတစ်ခြားကလေးတွေကိုဖြစ်သလိုသူပြစ်ထားတာတော့မဟုတ်ပေ။ရွှယ်ရင်းရင်း၏ယခုလုပ်ရက်ကအတော်လေးလွန်သည်။

"ဘာဖြစ်တာလဲ....ငါ့ကိုရှင်းပြစမ်း"

အနားမှာရှိတဲ့အစေခံတစ်ဦးဟာရွှယ်အမတ်ကြီးကိုဖြစ်သမျှအားလုံးခြုံရုံ၍ရှင်းပြသည်။

ပြဿနာ၏အစမှာထုံးစံအတိုင်းရွှယ်ရင်းရင်သာဖြစ်သည်။ရွှယ်အမတ်ကြီး၏သမီးကြီး ရွှယ်ရူဟာဥယျာဥ်ထဲ၌တစ်ခြားညီအစ်မတွေနဲ့အတူအေးအေးဆေးဆေးထိုင်စကားပြောနေခဲ့ကြခြင်းပင်။ရွှယ်ရူ၏စကားလမ်းကြောင်းဟာ ဧကရာဇ်မင်း ရှောင်းအမတ်ကြီး၏သမီးရှောင်းမေ ကိုဧကရီအဖြစ်တင်မြှောက်မည့် အဖြစ်သို့ရောက်ရှိသွားသည်။

တိုင်းပြည်ထဲကလူတိုင်းနီးပါးကဧကရာဇ်ဝမ်ကိုလေးစားချစ်ခင်ကြသည်။ထိုထဲတွင်ရွှယ်ရူလည်းပါသည်မှာမလွဲပေ။သူမက ဝမ်ဧကရာဇ်ကိုယ်တိုင်ရွေးချယ်တင်မြှောက်ခဲ့သည့်ဧကရီတစ်ပါးအနေနဲ့ သေချာပေါက်လိုက်ဖက်ညီ ပေလိမ့်မည်ဖြစ်ကြောင်း ညီအစ်မတွေကိုပြောသည်။

ထိုအချိန်မှာပဲဘယ်ကနေဘယ်လိုရောက်ချလာမှန်းမသိသည့်ရွှယ်ရင်းရင်းဟာရွှယ်ရူ၏မျက်နှာကိုဖြတ်ရိုက်ချလိုက်ပြီးတစ်ကိုယ်လုံးကိုလက်သည်းတွေဖြင့်ကုတ်ခြစ်လာ၏။တစ်ခြားညီအစ်မတွေမှာလွန်စွာလန့်ဖြန့်သွားကာ ပတ်ဝန်းကျင်ကအစေခံတွေကိုအော်ခေါ်လာသည့်အတွက် ဤသို့ဖြင့်ရုန့်ရင်းဆန်ခတ်အခြေအနေကိုဖြစ်ပေါ်သွားစေခြင်းဖြစ်သည်။