لـــبوة جــــابـــر⁦

بارت السادس و الخمسون 56. هديه

هلاوو شلونهم الحلوات مثل ما متعودين اذا اكو شي ما موضح بالبارت السابق اوضحه هنا ..

تراسلت ويه بطلتنه و جبت الكم اخبار و اهم الاحداث بآخر السنوات الماضية..

..

............................................................................

بَلِّغُوْهَا إِذَا أَتَيْتُم حِمَاهَا
أَنَّنِي مُت فِي الْغَرَام فِدَاهَا
وَاصحبوْهَا لِتُرْبَتِي فَعِظَامِي
تَشْتَهِي أَن تَدُوْسَهَا قَدَمَاهَا
إِن رُوْحِي تُنَاجِيْهَا ..
وَعَيْنِي تَسِيْر إِثْر خُطَاهَا
....

.................................................

# روايه لبوة جابر
# بقلم مـــــــــلاك .

........................................

ونگول هلاو شلونكم .. ان شاء الله زينين ..

همم عائلتنه مرت بهواي احداث .. من عرايك سلام و غزلان الى وفاه حور حب حياه سلام الى الى هواي احداث ..

..

راح ارجع احجي الكم بعض منها .. و نبدي مين همم اي

اول مرة اجه تقدم بيها زيد اليه ..

و رفضوو و جان الرفض من جابر ..

كون جابر يعتبر احد اخواني من سمع تخبل و ما قبل ..
اول شي ما اثر عليه هل رفض .. بس اثر على زيد..

بس زيد رغم هل شي ما يأس ولا تعب و جان يتقدم بالشهر تلث مرات اربع مرات .. كل ما صحله فرصه و يجي و هم يرفض. يرفضو بدون ما يسألوني او يستشيروني ..

..

زيد گال اغير من نفسي و ارجع افضل و هم اجي ..

..

فعلاً ما يأس رجع دور على شغل ستاجر بيت بمكان معروف مو مثل قبل دواحيس و درابين مدري وين ..

دور مكان للعياده مالته .. رجع شهادته و فتح عياده لگه شغل بمستشفى و طور من نفسه هواي گال هسه ما يرفضوني اذا تقدمت هم تقدم و ترفض ..

..

جنت اول فترة رافضه الفكرة و جنت دائماً اذا اتصل اگوله ..

سيلان / باع حيوان الكنغر الاسترالي لا تتقدم بعد ما اقبل بيك لو تموت

زيد / انلصمي ما تقبل بيه نوب غصب عنج تقبلين