لـــبوة جــــابـــر⁦

البارت التاسع و الثلاثين 39

أُحب الشاي والكُتب والنوافذ والسماء والنجوم والموسيقى والنباتات ودعوات الأمهات ومن لا يبخلون بالكلمة الطيبة، أحب كل شيء يُدخل النور إلى حياة الإنسان.

.....
ملاك

......................................................

# روايه لبوة جابر

# بقلم مـــــــــلاك..

..........................................................

..
- لم أعد اؤمن ببقاء أحد فالجميع راحل ..

فعلاً الجميع راحل محد يبقى لاحد ..

رفعت راسي و اخذت نفس

من جنت احس روحي ارتاح يمها تبخرت و راحت ..

هسه عبالك اريدها لأن مشتاق الها لا لا و الف لا اني ما اشتاق لاحد .. ولا عندي گلب حتى احب ..

لكن اكو شي سوته اليه و راحت ..

تعرفون العقل الباطن علماً هيج اسمه يرشدك ان رحت لطريق الغلط .. اني ما اسمع اله و دائماً قافل عليه بغرفه
..

بس هي قبل لا تروح فتحت اله الباب و طلع و تمرد عليه
حاولت اسيطر عليه و ارجعه لذيج الغرفه بس ما رجع
حاولت اجبرة و اخلي يطيعني نوب بس هو عصاني

.

جنت اعذب بي هسه هو يعذبني ..

جانت اكو بعض الكلمات الدالة على انو ارتكبت فعل معين و اجهل هل فعل ..

و نقلب السحر على الساحر ..

عذاب الضمير شي بشع .. جان يمرلي فترات .. و اتجاهله
و بالتجاهل رجعت سيطرت عليه بمساعده شعور لاخ
و هو الغضب .. الغضب ساعدني اكمش عذاب الضمير و ارجعه لذيج الغرفه ..

و سديت بابه و زنجلته

و كملت حياتي بمرافقه الغضب .. جان هو حليفي بكلشي
اخر فترة. صرت ما اعرف نفسي من اغضب على احد اوصله لموت ..

تجي فترات اكون بحر هادئ و كأن ما مرت بي ريح و زعزعت من شكله ..

و تجي مرات اكون اعصار بنص بحر اهجم و اخرب و ادمر و اغرق السفن و الزوارق البحرية ..

ان مرت سفينه صغيرة بمياهي اغرگها و هذا هو الحال
..

الغضب رجع سيطر و فرض هيمنته عليه ..