لـــبوة جــــابـــر⁦

البارت الواحد و الثلاثون 31

يل من يمر طاريك تنشف لهاتي وين الله وتصير نسيب لخواتي

غزلان ..

...................................................................
# لبوة جابر
# بقلم مـــــــــلاك..

..................................................................

لبنى ...

..

و مر النهار و ايدي على گلبي اشتغل ويه امي و تكمشني كل شويه صفنه شكل و خوفه شكل اخاف اخاف من فكرة مصطفى جاي اخاف من فكرة هذا الفوگ اذا نفضح سري اموت ازيد من ما اني ميته ..

الخوف ياكل بيه اكل صعبه ترة شگد ما تتصور ن صعبه
مين ما اجي اباع على حياتي عوجه و ما بيها شي صح
مين ما جيت انضفها اطمس ازيد بالوحل .. تعبت من كلشي  ..

صحيت على صفنتي على صوت امي

رحمه / شبيج لبنى ليوم مطفيه ..

لبنى / اهاا ما بيه. بس بالي شت شويه

رحمه / عسى ما شر

لبنى / ماكو يمه جنت افكر لازم اروح للكليه هواي فاتني و الاجازه خلصت هسه انفصل ..

رحمه / اي اي هم جنت اريد اسألج .. عنها

لبنى / اجلت كوم من الاختبارات و صار عليه هواي لازم اگعدلها شي يوم بس شوكت ما ادري

رحمه / تنحل يمه تنحل .. بس گولي يالله ..

لبنى / والنعم بالله يمه شعندي غيرة ..

رحمه / ياا واني وين واختج وين الي يسمعج يگول نگطعت من شجرة

لبنى / لا يمه اسم الله عليكم انت عندي من بعد ربي اكيد ..

رحمه / اوف نداريت ورحت فدوة لهل حلگ ..

لبنى / يفداج يمه ..

رحمه / لا تفدين روحج بيه يمه الروح غاليه ..

لبنى / ترخص الج يمه ..

رحمه / يوو يالله مين ما تجيها ما تخلص .. ياله گومي طبگي التمن بين ما اركب التشريبه ..

لبنى / تدللين ..

..

گمت على التمن غسلته و خليته على صفحه .رحت جبت
الجدر و خليته على النار ..خليت زيت و من حمه خليت الشعريه و حركتها الى ان صارت ذهبيه .. رجعت خليت المي و الملح و ضفت التمن ..