لـــبوة جــــابـــر⁦

البارت السابع و الاربعون 47

"‏قُل للمليحةِ بالقميصِ الأبيضِ
‏مطرٌ وبردٌ حُلوتي لا تمرضي
‏هل تسمحِي لي أن أعيركِ معطفي ؟
‏الرأي رأيكِ إنّما لا ترفُضي "

..................................................................

# روايه لبوة جابر

# بقلم مـــــــــلاك

....................................................................

يا صخام وجهي شبيك ..

ما بيه شي عمه

شنو ما بيك شي انت ما تشوف وجهك طاعن

عمه والله ما بيه شي ..

شنو ما بيه شوف حالك و حال بيبيتك شجاك
قسوة يمه شبيك

قسوة / ما بيه

سليمه / باع عليه ليش تتصدد من عندي و ما تباع بوجهي

قسوة / ما صاد

سليمه / خلي عينك بعيني

قسوة / عندي شغل عمه ..

..

سليمه تعال لا تروح ..

..

طلع من البيت .. ضلت بس سليمه حاطه ايدها على خدها طبت على حسنيه الي ناصبه مناحه جوة

سليمه / خاله شبي الولد

حسنيه / غير لو ادري شبي متعارك ويه ولد الحرام و شوفي شمسوين بي

سليمه / جعل الايد الي نمدت عليه بالكسر باع شمسوين بالولد

حسنيه / من جيت عليكم خليته بالبيت و رحت. شوكت طلع شوكت تعارك هم ما ادري ..

سليمه / اي هو شاب و دمه حامي بساع يفور

حسنيه / تعبت يا سليمه تعبت من خلفه حسن هم تشلع الگلب مثله ..

سليمه / خاله احمد الله و اشكري عافلج منه ريحه

حسنيه / الف حمد و شكر بس يا سليمه يشلع الكلب ما يسمع كلمتي صار الي بهوى يسوي مثل ابو بالضبط ما اخذ بس الوجه حتى الاطباع و عازل نفسه حاله من حال امه گبل ..

سليمه / يلين يا خاله لا تخافين يلين

حسنيه / ما يلين والله ما يلين

سليمه /لا خاله ليش تگولين هيج ..

حسنيه / سليمه اريد ازوجه كبر جيله كلهم زوجو بس اخاف افاتحه بالموضوع اخاف اغلط مثل ما غلطت وياا انتضيه يجي يگول حبيت تعالي خطبيلي بس هو ماكو لا منها ولا من هاي