لـــبوة جــــابـــر⁦

البارت الحادي عشر 11

عندما أراها سأضع الورد خلف ظهري لأفاجئها به
لكن لا أعلم أيهما سيندهش بالاخر حينها.

~.~.~.~.~.~.~.~.~.~.~.~.~.~.~.~.~.~.~.~.~.~.

# روايه لبوة جابر
# بقلم مـــــــــلاك

~.~.~.~.~.~.~.~.~.~.~.~.~.~.~.~.~.~.~.~.~.~.

جابر ...

وصلت للبيت و احس راح تطلع روحي من كميه الوجع ..
سلام الزمال كل شويه طابله بطسه و مكمزني من مكاني
من غير سيارته الي تفوح منها ريحه الجگاير .. و الگطوف بكل مكان خرب عرضك شگد مهمل .. احس گاعد على اعصابي .. بعد ما وصلت البيت ارتاحيت .. فتحت اقفال البيب الي مسويها على بصمه العين... طبيت البيت. و سلام طب ورايه .. لازم انضف البيت. يرادله تنضيفه .. رحت للغرفه امشي ويه الحايط سلام طلب يساعدني مقبلت .. رحت ذبيت بقايه ملابسي .. و طبيت للحمام . غسلت اديه وجهي .. و رجليه .. ما وصلت مي على بطني على مود الجرح مخيط تويته .. سحبت منشفه زغيرة .. بللتها بمي دافي .. مسحت صدري من الدم الي يابس عليه .. رجعت سحبت بطل سبيرتو و ديتول .. و قطن طبي. و صرت امسح بجسمي طلعت غيرت ملابسي لبست برموده .. و جف اسود جديد غير الي بيدي تشگگ تقريباً .. واگف يم المرايه و اباع على مكان العمليه صار ينزف .. لأن تحركت هواي .. فتحت البلاستر .. و طب سلام بدولن لا احم ولا دستور

جابر / زريبه خوما زيريبه شلون طب هيج بالله مصلخ هاا

سلام / على أساس مشايفك

جابر / الي يسمعك يگول يوميه امشي سفور گدامك

سلام / يمعود .. الي عندك عندي منه بعد شكوو

جابر / سلام ما تنجب احسلك ..

سلام / انجبينه .. عميي ... تعال هاي الجرح مفتوح دينزف ..

جابر / ما بي شي هاي لأن تحركت.

سلام / اجيب زيد هنااا هااا تقبل

جابر / هو انت واريد اطردك دا جيب ذالك النغـ**

سلام / جابر خل اجيبه يداريد وياي لما تصير زين

جابر / ما اريد اي احد .. ترة ما بيه شي ثخنتوهاا

سلام / اوف اوف يعنادك اوف .. تعال تمدد اني اغيرلك عليه

جابر / ولا ممكن توني عقمت نفسي لا تجيي

سلام / شلون تسيطر تغير للجرح الي بطنك هااا

جابر / اسيطر .. ما عليك عندي خبرة

سلام / هو ما عم علينه غير خبرتك الي واسعه بكلشي. .

جابر / اطرق يماي گلبي .. ياله

سلام / راح اروح اجيب العلاج وارجع .. تريد شي من برة

جابر / جوءءءء

سلام / انت مماكل اجيب شي من المطعم الي ياكل بي كل مرة .. هو بس هذا الي تثق بي