لـــبوة جــــابـــر⁦

البارت الرابع والعشرين 24

يسَكرنا الخمر والشِعر والعِيون العراقيه ،

~.~.~.~.~.~.~.~.~.~.~.~.~.~.~.~.~.~.~.~.~.~.

# روايه لبوة جابر
# بقلم مـــــــــلاك ..
# 🐆🖤🚬
~.~.~.~.~.~.~.~.~.~.~.~.~.~.~.~.~.~.~.~.~.~.

جابر ..

بعد ما جيت من عند بيت سلام .. جيت سبحت و تمددت اريد انام .. و سمعت صوت. رنه تلفوني نابعه من احد الادراج ..

باوعت تلفوني على الميز .. وسعت عيوني شوف شلون نسوه عايف احد الاجهزه الثانيه مفتوح .. طفرت من مكاني و فتحت المجر و طلعته و جان جهاز رعد ..

جان المتصل ام نجلاء هاي شعدها .. انطيتها رفض .. و رجعت دگت .. فتحت الخط و خليته على اذني من دون ما احجي وصل صوتها تتموع بالحجي ولا گأن هي بگد خالتي .. اذا جان عندي خالات .. ردت اسد الخط بوجها لوما گالت ..

ام نجلاء / رعودي حبيبي لگيتها الك شحطوها الولد من شعرها و جابوها .. الك ..

ابتسمت و حسيت بانتصر حصلت عليها .. رجعت گلت الها

جابر / جاي هسه استلمها ..

ام نجلاء / تعال باجر على السهره و اقدمها الك

جابر / جوءءء جوءءء الليل طويل و شيخلصه جاي ..

ام نجلاء / ههايييي قاسي ههاييي .. فوديت

جابر / جاي ..

ام نجلاء / هاا حضر المالات لعد ..

جابر / همم ..

..

سديت الخط و قفلت التلفون و نهضت من مكاني غيرت ملابسي .. و طلعت .. اخذت جهازي و الجهاز الثاني ..

صعدت السيارة . باوعت على الساعه مو مال اخابر سلام هسه .. ما ضل وقت .. ١١:٤٥ تقريباً ..

شغلت السيارة و طلعت من البيت .. و اني على الطريق

خابر سلام عليه و حجيت وياا و كالعاده الخبل راد يجي
لأن متفقين نروح اثنين منروح واحد .. لأن مكان عصابات و قطاع طرق و طايح حظ المكان بصورة عامه و ماكو احد ما يعرف هل حي بغداد ..
اغلب الي ساكنين هنا غجر و سودان .. و كل البيوت الي هنا يتمارس بيها الـ*** بصورة عامه ..

..

ضليت احجي ويه سلام و سديت الخط .. و قفلت الجهاز بس الاهم انو صار عنده علم اني وين. اذا لا سامح الله و صار شي هو يعرف اني وين عود يجي يـ** على ام نجلاء. اذا ختفيت اني .. ..