اجمل ما قيل في اللهجة العراقية :
چان يرسم ع الوجه رسمات ، بس مات
وصلت ويا مرحله حَــتىٰ المُر حلة
رسمتك وشم بيدي ، واشم ايدي
تره الماينحجن مرات مُرات
حرت مابين ألم روحــي والم روحــي …
⇣
❀❀❀❀❀❀❀❀❀❀❀❀❀❀❀❀❀❀❀❀❀❀❀
# روايه لبوة جابر
# بقلم مـــــــــلاك
🐆🖤🚬
❀
❀❀❀❀❀❀❀❀❀❀❀❀❀❀❀❀❀❀❀❀❀❀
ندى..
مر اسبوع و خلال هل اسبوع تغير الكل جابر جان بالبيت طلعاته مو هواي لأن مصاب يمكن .. أما عن امي و سمير و حور .. بيهم شي غريب حور الليل كله گاعده
الى ان يصبح الصبح و تنزل تنام بالصاله .. اما سمير يگعد يعيط و يصيح بيهم .. شي .. امي نفس الشي تگول اخلي الغرض ما الگه بنفس مكانه .. اني لوهنه دب الرعب بگلبي مو معقوله .. كلهم فرد مرة .. امي گالت اكو جن بالبيت .. اجه ويه جابر .. گالت اسمع اصوات بالليل و خرخشه بالغرفه .. من انام احس احد يتحرك بالغرفه و احد يراقبني .. سمير نفس الكلام .. و حور من سألتها گالت شي اسود و جبير كلش اشوفه يباع عليه بزاويه الغرفه .. عيونه بيهن لمعه احس المعه مالتهن .. بس اسوي روحي ما اشوفه .. اصل الباب و انهزم .. من اجيب امي كلشي ماكو .. اسمع بكلامهم و. الرعب ياكل بيه اني خوافه نوب .. بس فرح مشكت من شي ولا اني ولا ام عيسى .. امي تگول الجن الي بجابر ما ياذيجن. ياذينه بس احنه .. صارت تجي يمه .. تنام. امي تخاف فرد مرة طلعت من هاي السوالف .. و گعدت تحجيلي على طفوله جابر و گالت صدگي ممسوس يعرف كلشي بدون محد يگوله .. و جان طفل جان يحاجي نفسه هواي. حتى ابوج جان يحجي عليه و هو ساكت. و ما بطل هل سالفه .. و هم جانت تصير هل امور من جان يمنه بالبيت و هو زغير .. و ابوج مجان يصدگ ..
معقوله صدگ جابر ممسوس .. لأن حجي امي بي منطق شويه جابر يعرف هواي شغلات دون ما احد من عدنه يگوله .. اسم الله معقوله بي شي هاا لا لا. مستحيل لو بي شي جان بين عليه .. بس هو بي وسواس قهري هذا هم نوع لا لا كلنه نعرف شنو الي بجابر .. مستحيل ..
مر هل اسبوع و فرح جانت يوميه تريد تنام يم جابر من خلاها نوبه .. گوة قبلة تصالحني جانت زعلانه مني .. من صالحتني حجتلي على ذيج الليله هي و جابر و جانت تحجي و عيونها تلمع و ابتسامه على حلگها ..
گالت عقمت اديه حتى اصير نضيفه و هو ساعدني و غسلت. و رجع نزلني اول شي مخليها تنام على القنفه ..
بس من نايم هو .. و اگص ايدي اذا جان نايم هو نومه كلش خفيف بساع يفز .. اكيد حاس عليها بس متماشي وياها .. .. صارت تحجيلي .. انو معقمه اديناتها بعد و راشه على ملابسها .. و رايحه نايمه بصفه على الجربايه
زين مطردها .. تگول بالليل فزيت شفت حلم محلو ..
و رحت نمت بحضنه .. و هو شبكني حيل و نام هم .. و تحجي بنيتي .. و البتسامه على حلگها .. جابر يحبها بس يخاف يضهر هل شي .. هذا طبعه ورثه من ابوي ..
ابوي هيج .. تشوفه بارد .. بس هو يحبنه كلنه و بالاخص جابر .. لأن نسخه طبق الاصل من المرة الي عشگها ابوي و حبها و ذكرتها الوحيده .. ..
أنت تقرأ
لـــبوة جــــابـــر
Mystery / Thrillerبين المال و السلطه .. بين الاستغلال و الفساد .. بين الخير و الشر حرب لا تنتهي .. .. قصه جديده. بقلم الكاتبه ملاك. قصه حقيقة 90% القصه واقعيه لكن اكو احداث 10% من وحي الخيال لبرط الاحداث بشكل متسلسل .. روايه بالهجه العراقيه ... .. .. تحذير / أحد...
