لـــبوة جــــابـــر⁦

البرارت الرابع و الاربعون 44

تعال نَضيع بشوراع بَغداد
نُعانق أيدينا بأيدي بَعض
نتُرك الأثار علىٰ أصابعنا
نرقُص مَعاً ، نتلو الأحاديث قُرب دِجلة وعِند كُل حَي بكُوب چاي .

.............................................

# روايه لبوة جابر

# بقلم مـــــــــلاك..

..
..........................................................

اخذت الجراثيم ..

..

فد غبيه جنت كلش راح اموت شوازاني و سويت هيج ما لگيت روحي غير لازگه عليه ..

هسه يگول ما مربايه و تلزگ بروحها عليه و من يجي العب دور الشريفه اعرف تفكيرة .. يالله راح اموت

اني هيج سويت لج لبنى انتي الي بادرتي و سويتي هيج.
لج عابت شنو اخذت الجراثيم هاا شنو اخذتها ..

يبووو يالله احس نار جاي تطلع مني و فوگ ضيم الله من الفشله حابسه روحي بالغرفه .. يالله ..

حتى البزون ما مقانع من وضعي .. نوب صوته من زمجر و گال طالع ..

حسيت گلبي راح يوگف .. كل ما افكر مودي اتفل بخلقتي تكرمون على السوايه السگط..

..

بس والله ما اعرف ما لگيت روحي غير هيج سويت
من شفته تخبل من ايدي لأن خليتها على حلگه رغم ايدي نضيفه جانت .. يمه من شفته هيج ..

ردت يهده دا ما يضربني سويت اول شي خطر بالي .. و طبعاً خطر شي غبي حيل ..

..

ضليت گاعده و الوب بهل غرفه .. نطبگ الباب بس ما طلعت اخاف يجذب طبگه و ما طلع دا بس اطلع يكمشني ..

..

ضليت شويه گاعده و رجعت گلت لاززم اطلع ..
فتحت الباب على كيف و مديت راسي باوعت هيج هيج ماكو ..

عاد خطيت خطوه و طلعت برة الغرفه .. باوعت بالمطبخ ما جان موجود ..

..

اي فعلاً ماشي مو هنا .. رحت اركض كملت تنظيف و لميت الغراض ..

..

لگيت التلفون محطوط على القنفه .. اخذته .. و فتحته جان مغلق ..

رحت على الارقام الي حاضرها و فكيت الحضر عن ايناس ..

دگيت عليها اول مرة ما جاوبت و الثانيه هم ما جاوبت بس لا زعلانه و هاي خبله .. اذا زعلت ..

..

جربت نوب مرتين و جاوبت بالرابعه ..

ايناس / الو منو وياي ..