لـــبوة جــــابـــر⁦

البارت السابع و الثلاثين 37

تضيك و امد النضر للسمه فوگ تهيم بين افلاكها يمكن الگاك لا انت عرفت الي بلاني من الشوگ. ولا سمع صاحو شگد انا اهواك ..

سألت من سواك يا اعز مخلوگ نص الي في صدري من العشگ يبلا وان کان حبك عود انا راضي العود لاني عجزت الگالي محبوبي سواك ..

ولهان ولهان ..
وان داريت يفضحني الموت .. واحشني كلك انت وعيوبك افداك ..

لين متليت من الوله گلبي و عروگ ..

و الارض ما شالت احاسيس و مضلات

ولهان ولهان ولهان ..

.............................................................

# روايه لبوة جابر

# بقلم مـــــــــلاك ..

.............................................................

بعد مرور سته اشهر ..

..

يمه شوكت اخوك يرجع

سلام / ما اعرف بس بعد يمه اله تخلص مهمته

سليمه / شو طول هل مرة يمه مو مثل كل مرة ..

سلام / اتطلب الوضع هيج

سليمه / صبرت و طال الصبر ..

سلام / ما ادري شگولج بس بعد ..

سليمه / و علته شصار بيها

سلام / يمه هو ضغط و هو من زمان بي ضغط عصبي

سليمه / مشلوع الگلب لا راحك الله ..

سلام / همم اني اترخص

سليمه / وين ؟

سلام / عندي طلعه ويه الولد

سليمه / سلام يمه ليش هيج تعامل هل بنيه بمكان ما تضل هنا يمها

سلام / يمه رحمه الله لا ترجعين على نفس السالفه و خل اطلع احسن ما اسمعج كلمه ما تعجبج

سليمه / سمعني ليش بس تسمعها هل بنيه من زوجتك لهسه ما شفتها تضحك على طول دموعها تارسه عيونها

سلام / هااا شكتلج شكتلج مووو اله انعل والديها

سليمه / سلام اللسانك. اللسانك يوم عن يوم تثبت اليه انو ما ربيتك ولا تعبت عليك اني و ابوك ..

سلام / و شبي لساني ينگط عسل

سليمه / ينگط سمم مو عسل .. لك بنيه بعدها بغصنها تذبلها ليش هاا ليش .. صايرة جلد على عظم .. گلت تتغير بعد الزواج تحبها تفتح گلبك الها بس انت تثبت العكس اثبتت انت حرام واحد يتعب عليك