لو كسرة عضم جان العذر مقبول ..بس كاسرلي خاطر بيش ترضيني؟
#حرام_مباح
#نسرين_الاسدي
____
ياسمين:
من ذيج الليلة وعمار تغير عليه كلش وجياته للبيت صارت كلش قليلة ما يطول ساعه ويطلع يكول من ادخل للبيت اختنكما عرفت شنو السبب بالضبط بس تعامله البارد وياي كلش جاي يأذيني لأن ممتعودة على هذا البرود بيناتنه ولا معودني على الأهمال
كلت يمكن فترة حملي جاي تغير الهرمونات عندي وتصرفاتي متغيرة
بس ما جاي اشوف شي متغير بيه هو الي تغير علي وحته تيم وفرح ما ضل يكعد وياهم مثل قبلفرح: ماما.. بابا راح يجي النه اليوم لو لا؟
تحسرت: اي حبيبتي اكيد يجي
_ زين ماما كليله خل ياخذنه لمدينة الألعاب صارلنه هواي ما رايحين
_صار حبيبتي بس يجي اكله
_واذا ما قبل
_لا اكيد يقبل ليش هو يرفضلج طلب؟
_مو ماما هو ما جاي يلعب وياي ولا يسولفلي قصص حلوه
_يمكن تعبان حبيبتي وبس يفرغ شويه يرجع يلاعبج ويحجيلج قصص
_خوش ماما انه رايحه اكمل رسم ومن يجي كليله مو تنسين
كمت كملت كلشي الطبخ والتنظيف وسبحت تيم وبدلتله بعدين رحت سبحت ولبست اكثر لون يحبه وخليت مكياج خفيف
صديقاتي من شافوني انزل ستوريات حزينه كلهن قلقن وسألن عني شكد حبابات
وشوشه اكثر وحده تواصلت وياي بوقتها لدرجة نضل سهرانين لل1 اني احجيلها وهيه تستمعلي وتنصحنيبس الي جنت ما منتبهتله الصاير بيناتنه ما جان سببه برود بعلاقتنه ولا حبه قل بس الي صاير اكبر من هلشي بهواي
_____
زينب:
من يوم اني ورعد قررنه نترك موضوع الأطفال ونمشي حياتنه طبيعي
انتهت مشاكلنه وصرنه اقرب ومرتاحين اكثر لأن هو قرر يوافق على قراري وينتظر مني احس نفسي مستعدة واقرر اصير امبس خاله ما تعرف بهلشي لأن جان بيناتنه وبس
رعد: هلو حبيبتي
_هلو رعودي
_يلا زنوبتي خل نطلع لا يصير العصر وبعد منلحك تعرفين الليل يركض ركض
_اي حبيبي اني مكمله معندي شي
راد يطلع وصحته: لحظه حبيبي.. تعال
تقرب علي وكال ببتسامة: شنو حبيبتي
لزمت ياخة القميص عدلتها اله واخذت العطر مالتي ورشيتله منه على جوانب ركبته
: هيج حبيبي الي يشم عطرك يعرف انته مرتبط وممنوع الزحف
أنت تقرأ
حرام مستباح
Mystery / Thrillerرواية حقيقية (حرام مباح )سابقآ القصة لا تناسب الجميع لذالك اقتضى التنويه ملاحظة: نظرآ للتعليقات السلبية.. قبل ان تبدئوا بقراءة الرواية بطلة الرواية ليست ملاك خالي من العيوب وليست تلك البطلة التي لا تخطئ ابدآ بطلتي مختلفة واتمنۍ انكم مستعدين لهذا...