هلو بنات الخبر الأول بالنسبة للتآخير صار بسبب بدوشة
وبالنسبة للخبر الثاني: سويت قناة بالتلي للي حابات ينضمن وما عدهن انستا ولا فيس بأسم
༻قصص نسرين الأسدي༻
والرابط هو اليوزر نفسه: nsr_een2
______
الله عوضني بـ إنسان بايع عمره و شاريّ ضحكتي💙🔥💍
#نسرين_الأسدي
#حرام_مباح
______
ياسمين:
كاعدين انه وفروحه على التلفزيون.. واجه عمار دخل وهو يحجي بالتلفون
عمار: اكيد اجي.. غير عرس ابني الوحيد.. لا لا تهتم انته ماكو شيء.. اي تمام.. ماشي اشوفك هناك
سد التلفون والتفت علينه مبتسم
وكال: ياستي.. تعاي شوفي شنو جبتلجن انتي وفروحه
كامت فرح وراحتله تركض : شنو جبت عمو
.. واجيت انه وراها
عمار: وين بوستي اول
دنك الها وباسته بخده.. ابتسم وكال: هاج أميرتي
جبتلكم فساتين لعرس زيد.. شلونه حلو؟!.. يشبه فستان الأميرات لو لا؟!
فرح بحماس: اي عمو يشبها كلش حلو.. شكرآ عمو انه راح اصير عروسه مثل ملاك
عمار: ومو بس الفستاين.. جبتلكم بعد شيء حلو
فرح: شنو هو عمو كلي بسرعة..
عمار: تفضلي يا روح عمو.. هذا الموبايل الج وهذا لماما شلونهن عجبنج؟!
فرح: اي عمو عجبني.. انه احبك هواي هواي راح اروح اجرب الفستان
ياسمين: فرح اوكفي
راحت تركض وما نتبهتلي اصلآ
لزم ايدي وسحبني لحظنه: هاي شبيج ياستي ليش ماكو ردة فعل منج.. شنو ما عجبنج.. عادي هسه نروح ونغيرهن
ياسمين: لا عمار مو قصة ما عجبني بس انه ما ريد اروح للعرس
بعدني عنه متفاجئة وكال: ليش ياستي؟!
ياسمين: انته ازوجتني غصبآ عنهم وكلهم حاقدين عليه.. شيء، اكيد روحتي للعرس راح تخربه.. فدوة عمار روح بس انته وعوفني انه هنا
عمار: انتي شجاي تكولين ياسمين.. اني مزوجج زواج رسمي وسوى قبلوا او لا انتي هسه زوجتي شرعآ وقانونآ.. واني اريد اخذج وياي واخلي الكل يعرف هالشيء وافتخر بيج.. انتي غير حبيبتي
ياسمين: لا عمار.. ماريد اروح.. انته مو كتلي ماراح تجبرني على شيء.. لا تجبرني على الروحه
عمار: حبيبتي.. اي اني كلت ما اجبرج على شيء، بس لازم ترحين.. وماراح اطلع الا وانتي وياي يلا ياسمين لا تعاندين
أنت تقرأ
حرام مستباح
Mystery / Thrillerرواية حقيقية (حرام مباح )سابقآ القصة لا تناسب الجميع لذالك اقتضى التنويه ملاحظة: نظرآ للتعليقات السلبية.. قبل ان تبدئوا بقراءة الرواية بطلة الرواية ليست ملاك خالي من العيوب وليست تلك البطلة التي لا تخطئ ابدآ بطلتي مختلفة واتمنۍ انكم مستعدين لهذا...
